رواية مكتوبة علي اسمي الفصل 48 بقلم ملك ابراهيم
انت في الصفحة 1 من 5 صفحات
مكتوبة_على_إسمي
بقلمي_ملك_إبراهيم
عامر دخل غرفة شريف واتفاجئ ان خالته مش موجودة.
خرج من الغرفة وسأل الممرضة هي مدام ميرفت مش موجودة جوه ليه
ردت الممرضة مدام ميرفت خرجت من المستشفى مع اختها.
عامر پصدمة اختها مين!!
الممرضة مدام ميسرة.
عامر وقف مصډوم للحظات ومستغرب ومش فاهم ايه اللي ممكن يكون حصل عشان والدته كانت هتطلب منه هو يخرجها لانه دايما يطلب منها ترجع معاه الفيلا وهي بترفض باصرار!!
في الفيلا.
آيات كانت قاعدة مع ميرفت في الفيلا وكانت مستغربة ان ميرفت متوترة وقلقانه طول ما هي قاعدة وساكته ومش بتتكلم معاها كالعادة.!
تليفون ميرفت رن وهي بصت علي اسم المتصل وبصت ل آيات اللي كانت بتبصلها بدهشة وفضول و ردت ميرفت بارتباك الو.. ايوا يا عامر.
عامر الو.. خالتي طمنيني عليكي.. انتي فين وايه اللي حصل وليه خرجتي من المستشفى
وسكتت وهي مش عارفة تكمل كلامها وعامر استغرب وهو بيسمع كلامها إللي مش مفهوم وآيات كانت بتبصلها بدهشة.
عامر اتكلم بقلق انتي فين دلوقتي
ردت بارتباك انا رجعت الفيلا عندك.
عامر تمام انا هشوف الدكتور واجي علي الفيلا علي طول.
وقفل عامر المكالمة وسأل عن الدكتور.
ميرفت اول لما عامر قالها انه راجع على الفيلا بعد شوية اتوترت اكتر وآيات بصتلها بدهشة وسألتها حضرتك كويسة حاسه انك قلقانه من حاجة !
ردت عليها ميرفت بعصبية هكون قلقانه من ايه يعني!!
آيات استغربت طريقتها الحادة إللي مش متعودة عليها وميرفت اتوترت وقالتلها أعذريني يا آيات انا بس تعبانه شوية ومش قصدي اتعصب عليكي.
ميرفت طب ممكن توصليني اوضتي عايزة ارتاح شوية.
آيات قامت وقفت وهزت راسها بالايجاب وقالت حاضر.
واخدتها علي غرفتها وساعدتها انها تنام على السرير وميرفت قالتلها انا هنام يا آيات ولو عامر رجع قوليله بلاش يصحيني.. انا كويسة بس عايزة ارتاح شوية.
آيات هزت راسها بالايجاب وخرجت من الغرفة وهي مستغربة وحاسه ان ميرفت فيها حاجة غريبة او مخبية حاجة مش مفهومة.
اتنهدت باشتياق ليه وهمست لنفسها عامر وحشني اوي.. هو موجود ومش موجود..!
وابتسمت وهمست بس كفاية انه بيفكر فيا وفي مستقبلي..
وملامحها اتحولت للڠضب فجأة وهمست بس هو ليه عايز يحبسني هنا في الفيلا..!
بس خاېف عليا من إيه انا مش صغيرة.. لا صغيرة ومبعرفش اعمل حاجة دا انا مقدرتش احمي نفسي لما الزفت اللي اسمه علاء ده اقتحم الغرفة عليا.. بس انا كنت هعمل ايه دي حاجة مش متوقعه.. ياترى علاء ده فين دلوقتي.. اختفى من الفيلا فجأة وعامر مش بيجيب سيرته نهائي!! معقول يكون قټله لا لا.. عامر مش مچرم.. اومال ايه اللي حصل معاه.. أكيد انا مش هقدر اسأل عامر لانه مجرد ما يسمع اسمه بيتجنن...
قاطع شرودها وتفكيرها مع نفسها صوت دخول العربيات للفيلا وقامت جرت علي البلكونة بسرعة وشافت عامر وهو نازل من العربية بتاعه ودخلت وقفلت البلكونه وخرجت بسرعة من الغرفة عشان تقوله ان ميرفت نامت وتعبانه ومش عايزه حد يصحيها.
عامر اول لما دخل الفيلا شاف آيات نازله تجري علي الدرج وقربت عليه وقالت عامر طنط ميرفت نايمه وبتقول هي تعبانه ومش عايزة حد
