رواية حبي الحقيقي (كاملة جميع الفصول) بقلم نشوة عادل
تعرفى انا اول مرة احس ان جواز الصالونات ده مش وحش اوى زى ما انا كنت فاكرة بعد ما شوفت علاقتك مع يونس
نهلة بصراحة ولا انا طول عمرى بقول مش هتجوز الا عن حب ولما يونس اتقدملى قولت مش عاوزة ومعرفش ايه بس بعد ما قابلته ارتاحت ليه اوى وكان عندى فضول اعرفه اكتر ولما اتخطبنا عرفته اكتر وحسيت ان هو ده الشخص الصح اللى ينفع اكمل معاه حياتى ويكون اب افتخر بيه قصاد ولادى
نهلة اللى قاصد الحلال دايما الحب والامان معاه بيكون احلى
تالين طب انا عاوزة افهم انتى رايحة ع فين المفروض ان الستاير والاجهزة ف الدور التانى مش هنا
تالين ربنا يصبرنى عليكى ماشى يا مفجوعة ادامى
وصلوا عند المطعم ولمحت نهلة عماد قاعد مع ميادة وماسك ايدها فحبت تلفت انتباه تالين وتخليها تشوفهم فقالت بقولك ايه ثوانى بس هكلم يونس لانه كان رن ومسمعتوش ادخلى انتى شوفى مكان حلو نقعد واطلبى الاوردر ع اما اجى
شاورت تالين بايدها ناحية عماد وميادة ...نهلة شوفتى بعينك يعنى انا كنت صح لما حذرتك منهم الاثنين
نهلة بعصبية ما تفوقى لنفسك بقى ده انتى شايفاهم بعينك اهو
طلعت تالين فونها ورنت ع عماد اللى لما شاف رقمها اتوتر وقال استنى عشان تالين بترن
ميادة اوف بقى انا مش فاهمة انت هتفضل تكلمها لامتى انت عارف انى بغيير وصبرى ليه حدود
عماد يا روحى انا مستنى الوقت المناسب اللى اعرف اسيبها فيه وتكونى بعيد عن الصورة زى ما انتى قولتى
فتح عماد ع تالين وقال ايه يا روحى صحيتى
تالين بخنقة ايوة لسه حالا اومال انت فين!
عماد انا ف الكافيه مع ناس صحابى انتى اللى فين فيه صوت دوشة حواليكى انتى نزلتى من غير اذنى ولا ايه!
تالين اكيد لا انا ف البلكونة
عماد امممم وطالعة بشعرك برضه...خبطته ميادة فى كتفه وهمست جنب اذنه انجز
عماد ماشى يا قلبى انا لازم اقفل عشان بس قاعد مع الرجالة هخلص واكلمك
قفل معاها وضړبته ميادة
