روايه كامله للكاتبه زينب محروس

مخصوص عشان تهزر معايا!
شادي بقلق أنا مش بهزر معاكي يا غادة مصطفي دا كله شاب مش كويس و مينفعش نثق فيه لأنه مش قد الثقة.
غادة بعدم فهم ايه اللى انت بتقوله دا يا شادي أنت سامع أنت بتقول ايه!
شادي بجدية ايوه سامع و عارف كويس أنا بقول ايه و انتى لازم تنفيذي اللى انا بقوله عشان مصطفى دا واحد غشاش و مش كويس و أنا مش هسمحله يقرب منك.
غادة زعقت جامد شادى احترم نفسك و متغلطش فى مصطفى دا هيبقى جوزى و متنساش انى اختك الكبيرة ف صوتك ميعلاش علي. أنا عارفة انكم رافضين مصطفى عشان مستواه الاجتماعي اقل مننا بس انا مش فارق معايا
شادي بتكشيرة غادة انتى عارفة كويس إن أنا و بابا و ماما مش بتفرق معانا الماديات إحنا أصلا من كام سنة كان وضعنا متدهورة و بنام من غير عشا فموضوع الفلوس دا مش فارق معانا.
غادة بحيرة و عيونها دمعت طب فين المشكلة يا شادي
شادي اتنهد بحزن مخلوط بضيق نيڤين جاتلي من شوية و معاها أدلة ع خېانة مصطفى إنه شخص مش كويس فعشان كدا كان لازم اعرفك و امنعك تكملي الجوازة دى.
غادة بضيق بس نيڤين دي كذابة و أنت عارف إنها بتحب مصطفى و اعترفت ليه بمشاعرها لكنه رفضها و اختارنى انا فعشان كدا هى عايزة تبوظ الجوازة.
شادي بإصرار صدقيني يا غادة نيڤين النهاردة كانت زعلانة و هى بتوريني الإسكرينات و التسجيلات اللى معاها ف لو هي كذابة هتجيب الحاجات دى ازاي!
غادة باندفاع معرفش بس أنا واثقة فى مصطفى اكتر من نفسي و عارفة إن عمره ما يخوني.
شادي بعصبية انتى عشان بتحبيه مش هتصدقي حد و عشان كدا أنا هخلى مصطفي يوقف هو الجوازة أنا هروحله.
قال جملته الأخيرة و مسبش فرصة ل غادة عشان ترد عليه و خرج من البيوتي سنتر جرى و هى طلعت تجري وراه بالفستان السواريه اللى هي لابساه و كانت بټعيط فى الوقت ده كانت عربية شادي على طرف الطريق التاني هو عدي من سكة العربية و مش مهتم بغادة اللى بتحري وراه و بتنده عليه من بين دموعها و قبل ما يفتح باب العربية سمع صوت جامد لفرملة عربية مرة واحدة بص وراه كانت غادة واقعة ع الأرض و فستانها السكري عليه ډم.
نهاية الفلاش باك
شادي قعد ع كرسي منفرد و هو بيعيط بعد ما قال و بكدا كنت أنا السبب فى مۏت غادة بدل ما أحضر لها فستان الفرح لبستها الكفن بإيدي.
الجو كان هادى إلا من صوت شهقات شادي و دموع مروة و نور اللى عيطوا عشانه اما فريد فكان واقف مصډوم من القصة اللى لأول مرة يسمعها.
نور مسحت دموعها و قامت من مكانها و نزلت على ركبته قدامه و شالت ايده اللى مخبى بيها وشه و مسحت دموعه بحنان و قالت انت كدا حد يا شادي اللى حصل دا كان حاډثة قضاء و قدر من عند ربنا.
شادى بحزن لاء بس انا لو مكنتش روحت و
نور منعته يكمل و قالت متكملش يا شاديلو دى بتاعة الشيطان اللى حصل دا كان مكتوب إنه هيحصل و جريها وراك يومها كان مجرد سبب لمۏتها مش أكتر. أنت حد يا شادي.
بلاش تحمل نفسك حمل مش حملك و تتعب نفسك و تعيش عمرك كله شايل ذنب چريمة أنت معملتهاش.
فريد قرب منه هو كمان و حط أيده على كت شادي و قال نور معاها حق دا قدر و مكتوب و كان هيحصل هيحصل سواء انت روحت ل غادة و اتخانقت معاها أو مروحتش و محدش يقدر يشيلك ذنبها يا شادي.
فريد فونه رن فخرج يتكلم بره أما نور فقربت أكتر من شادي و جامد و هي بتقول انت معملتش حاجة يا شادي و انا جنبك و مش هسيب نيڤين تهيألك إنك السبب فى مۏت غادة.
مروة أخيرا خرجت عن صمتها و قالت هو فعلا مش السبب فى مۏت
غادة دا لو غادة كانت ماټت فعلا
مروة أخيرا خرجت عن صمتها و قالت هو فعلا مش السبب فى مۏت غادة دا لو غادة كانت ماټت فعلا
الاتنين بصوا باستغراب و شادي سألها قصدك ايه
مروة اتنهدت بحزن و هى عارفة إن اللى هتقوله ممكن يضر أكتر إنسان هى حبيته لكنها رغم ذلك قالت قصدي إن غادة فعلا عايشة.
شادي قام من مكانه و سألها باندفاع مروة انتي عارفة انتى بتقولي ايه ارجوكي أنا فى وضع لا يحتمل كڈب أو هزار.
مروة بجدية و أنا مبهزرش أنا هقولك الحقيقة بس اوعدني إنك قبل ما تاخد أي خطوة هتعمل حساب لحياة غيرك و مش هتتسرع.
شادي بموافقة هعمل ايه حاجة انتى عايزاها بس قوليلي الحقيقة.
مروة حركت دماغها بموافقة و قالت تمام اسمعوا.. غادة لسه عايشة لكن أنا مش عارفة هى فين دلوقت بس على ما اعتقد هي بخير و كويسة اللى حصل إن الدكتور اللى قال إنها ماټت كان متفق مع نيڤين..
نور قاطعتها باستغراب نيڤين أختك! ايه علاقتها بالموضوع و ليه تعمل كدا
مروة بتوضيح نيڤين دي هى الموضوع كله هي الأساس فى كل وحش احنا بنمر بيه فى حياتنا.
شادي بحيرة نفسي اعرف اختك دى عندها الشړ دا كله منين و ليه اصلا! مروة بهدوء عشان مصطفي نيڤين بتحب مصطفى و تعرفه من قبل ما هو يعرف غادة أو يحبها و حاولت كذا مرة تتودد ليه لكنه فى كل مرة كان بيصده لكنها مقدرتش تتقبل ده و قررت أنه هيكون ليها مهما حصل و اللى زاد الأمر سوء إنها طول عمرها بتغير من غادة عشان الكل دايما بيحترموها و بيمدحوا فى أخلاقها و حاولت بأكتر من مرة إنها تفرق بينهم لكنها فى كل مرة كانت بتفشل لحد ما شافت إن الحل الوحيد تلجأ ل شادي و خصوصا إنها عارفة شادي بيحب غادة قد ايه و بېخاف عليها و لذلك فبركت صور و ريكوردان تدين مصطفى و تظهره بصورة وحشة و المرة دى حصل زى ما هي كانت عايزة و شادي فعلا وقف فى طريق الجوازة و هي اللى اتفقت مع الدكتور يقولكم إنها ماټت و يبدل الچثمان بحد تاني مېت فعلا.
نور و شادي كانوا بيسمعوا باهتمام بالإضافة ل فريد اللى انضم ليهم و قال و بعدين ايه اللى حصل
مروة أخدت نفس و كملت بعد العزا نيڤين راحت ل مصطفى و عكست تفاصيل القصة و قالت إن شادي هو سبب حاډثة غادة و إنها لما خرجت تجري وراه من البيوتي سنتر خپطها بالعربية و إنه رافض الجوازة عشان بيهتم بفرق الطبقات و الحالة المادية.
نور مسكت ايد شادي عشان تحسسه إنها جنبه و بتدعمه و هو قال انتي عايزة تقولي إن مصطفي مش عارف إن غادة عايشة و نيڤين مخبياها و فى نفس الوقت هو اللى بيطلب من نيڤين تستخدمني أنا و أنتي عشان ينتقم
مروة بتأييد ايوه فعلا هو دا اللى بيحصل.
فريد باستفسار طب شادي نيڤين بتضغط عليه بمۏت غادة انتي بقي بتساعديهم ليه.
مروة سكتت شوية و بعدين قالت بتوتر عشان هشام الشاب الوحيد اللى انا حبيته من بين الناس اللى فى العالم كله
طلع ابن عم مصطفي و هو كمان محپوس فى مكان أنا مش عارفاه و بيعذبوه و متهددة إني لو مش هساعدهم دا غير إن أصلا نيڤين مستقوية عليا طول عمري و بتجبرني اعمل حاجات ضد رغبتي.
نور بحيرة طيب أنا مش فاهمة ايه علاقة جوازكم ب الاڼتقام.
مروة بتوضيح الهدف من جوازي من شادي هو إنك تعرفي و تقطعي علاقتك ب شادي و تلغوا الجوازة بالإضافة لإنهم كانوا عايزني أقرب منك بدرجة كبيرة عشان اقدر أسرق منك اوراق ملكية الشركة.
فريد بلوم انتي مش عارفة تقولي الكلام ده من زمان جاية تقولي دلوقت!
مروة بحزن نيڤين مكنتش سايبة فرصة إني اتكلم ودايما كان فى حد بيراقبني أو هي اللى اخترعت موضوع المراقب ده عشان تخليني دايما خاېفة منها و أنفذ اللى هي عايزاه.
نور أضافت طب و ايه اللى اتغير
مروة بحيرة مش عارفة ممكن عشان اكتشفت
إنها مراقباني فى البيت بس أو ممكن عشان خاېف أخسر كل حاجة بضعفي من حقكم تلوموني أنا فعلا ندمانة على كل حاجة.
شادي بجدية اللى حصل حصل بقى مفيش لازمة للندم و اللوم المفروض دلوقت نفكر عشان نعرف هننقذ غادة و هشام ازاي.
الهدوء خيم عليهم و كل واحد فيهم بيفكر هيتصرفوا ازاي و لا هيعملوا ايه لحد ما مروة قطعت الصمت و قالت باقتراح جاتلي فكرة
ركزوا معاها باهتمام و هي كملت احنا ممكن نراقب زين.
شادي باستغراب دا المسؤول عن عربية نيڤين ايه العلاقة
مروة بتوضيح زين دا اكتر واحد مقرب من نيڤين تقدر تقول دراعها اليمين ممكن تستغنى عن أى حد فى حياتها لكن هو لاء احنا
ممكن نراقبه لفترة و أكيد هو عارف مكان غادة.
فريد بتأييد أنا شايف الفكرة دى كويسة و خصوصا إن نيڤين مش سالكة ف هيكون من الصعبة نتعامل معاها دا غير إنها أكيد مش هتتردد كتير على مكان غادة عشان محدش يشك فيها.
مروة بص حلوا بالكم نيڤين مش لازم تحس بأي حاجة لازم يبان الأمر طبيعي و إني فى صفها و نور المفروض يكون بينها و بين شادي خلاف أو لندعي ذلك.
نور بجدية معاكي حق لحد ما نعرف مكان غادة أنا و شادي مش لازم نظهر متفقين قدام نيڤين أبدا.
شادي كان واقف مع نور قدام الباب الداخلي للڤيلا و هي بتقول مفيش حل غير ده يا شادي لازم تروح مع نور و متقلقش علي.
شادي بحزن يعني انتي مش زعلانة لو دا هيضايقك أنا..
نور منعته يكمل وقالت لاء مش متضايقة أهم حاجة دلوقت تنقذ غادة و بخصوص إنك هتبقى مع مروة لوحدكم فأنا واثقة فيك و واثقة فى مروة.
شادي ابتسم ف نور سألته باستغراب فى ايه
شادي اصلك واثقة فى مروة رغم إنك قبل كام ساعة مكنتيش طايقة تشوفيها.
نور اتنهدت و قالت لما شوفتها من شوية و هى بتتكلم عن هشام كان باين قد ايه هى بتحبه و خاېفة عليها ف مبقتش قلقانة من ناحيتها.
شادي و مروة وصلوا نور عند مريم مرة تانية و راحوا هما الاتنين الڤيلا اللى نيڤين طلبت منهم يعيشوا فيها و اتفقوا إنهم قدام الكاميرا لازم يبينوا كأن مروة