رواية رائعة في دوار كبير في الصعيد كانت تعيش عائلة الحاج مختار بقلم الكاتبة أية عرفات

 

مش قلتلك مليون مره ما تتدخليش بيني وبين جوزي
ساره انا بس كنت خاېفه عليكي
مريم رفعت ايديه عشان تضربها بالقلم لكن ادهم مسك ايديه
مريم بعد اذنك ممكن تسيب ايدي
ادهم انت هتضربيه ليه عشان قالت
ان انا ضربتك طب ما ده حقيقي انا فعلا ضربتك 
مريم ممكن ما تدخلش بيني وبين اختي 
ادهم اختك لو عملت كده فهي عشان بتحبك هي ما كذبتش في حاجه ودي الحقيقه فعلا اني انا ضربتك ممكن افهم ليه ما مشيتيش مع جدك ليه ما قلتلوش الحقيقه

مريم ما ردتش عليه وشدت ايديها من ايده
ادهم طب ممكن تيجي معايا عشان انا عايزك فو جوزي واحنا ما ينفعش نتدخل بينهم وما تخافيش لو سمعنا اي صوت في الاوضه استغاثه من مريم انا بنفسي هكسر الباب وهدخل اجيبها من جوه 
ساره ربنا يستر
..............................
ادهم شال مريم وطلع بيها فوق واول ما فتح باب الغرفه 
مريم نزلني نزلني
ادهم نزل مريم
مريم انت عايز ايه مني مش كفايه اللي حصل
ادهم ممكن
تهدي عشان نعرف نتكلم
مريم احنا ما فيش بينا كلام الكلام بينا خلص وياريت تسيبني في حالي بقى
مريم جت عشان تخرج من الاوضه ادهم جري وقفل باب الغرفه وحط المفتاح في جيبه 
مريم هو انت هتحبسني 
ادهم انتي مش خارجه من الباب ده غير لما اتكلم معاكي 
مريم يا اخي انت ما بتحسش انا مش عايزه اتكلم معاك 
ادهم ممكن اعرف انتي ليه مقولتيش لجدك كل حاجه وكذبتي على جدك ليه بدام انتي مش طايقاني كده ليه ما مشيتيش معاه
مريم ما تخافش انا همشي بس مش على بيت جدي انا همشي على بيت الطلبه وهكمل دراستي جوزتي منك من الاول كانت غلط
ادهم ممكن اعرف ليه كذبتي على جدك وقلتي اني ما حصلش اي حاجه 
مريم ما حبتش اعمل مشاكل وازعل جدي من عمي ويبقى بسببي
ادهم وانتي فاكراني هصدق العبط اللي انتي بتقوليه ده
مريم تصدق ولا ما تصدقش حاجه ما تخصنيش بعد اذنك ممكن تجيب المفتاح عشان أخرج
ادهم اعتبريني صدقتك طب وليه رحتي قلتي لاختك وجوزه محدش يدخل بيني وبين جوزي
مريم............
ادهم سكتي ليه 
مريم يا اخي انا مش عايزه اتكلم معاك ممكن تجيب المفتاح بقى يا اما اصوت والم عليك الناس مش مكفيك اللي عملته فيا 
ادهم انا اسف سامحيني مريم شدت ايديها من ايده ادهم رجع مساكها تاني
مريم انا مش عايزه اتكلم معاك يا ريت تبعد عني وتسيبني في حالي 
ادهم انا بقولك انا اسف 
مريم ممكن اعرف يا باشمهندس ادهم انت اسف على ايه بالظبط اسف على انك شتمتني وقليت مني ولا اسف لانك انت شرحت جسمي مصعبتش عليك ولا اسف على ايه بالضبط انت ما هونتش عليا اسيبك جوه في الاوضه لوحدك وانت بتصرخ كلهم بره قالولي سيبيه هيهدى لوحده لكن انا قلبي ما رضيش يسيبك في الحاله زي دي ودخلت لك وانت تعمل فيا كده 
ادهم انا ما كنتش حاسس بنفسي ما اعرفش انا عملت كده ازاي اصلا
مريم الغلطه مش غلطتك الغلطه غلطتي انا انا اللي عملت في نفسي كده مش انت 
ادهم بتنهيده انتي ما تعرفيش ايه اللي حصل لي ما تعرفيش الا انا مريت فيه ما تعرفيش انا ايه اللي خلاني كده وايه اللي وصلني لكده انا تعبان في حياتي بجد
مريم انا كتير قوي حاولت اتكلم معاك وانت كنت بتصدني واقولك احكيلي انا جنبك وانت كنت بتبعد عني ممكن اعرف عايز مني ايه دلوقتي 
ادهم قعد على الارض ومسك ايد مريم وشدها قعدها جنبه على الارض ادهم انا هحكيلك حكايتي ولاول مره في حياتي احكيها بس انا هحكيهالك عشان حاجه واحده بس عشان حاسس انك انتي قريبه مني قوي ومتاكد ان السر اللي هقولهولك ده مش هيطلع لاي حد ايا كان الحد ده
مين
مريم احكي انا سامعاك 
ادهم بدا يبكي قبل ما يحكي اي حاجه
مريم خلاص يا ادهم بدام مش قادر تحكي بلاش
ادهم مسك ايديها لا انا هحكي يمكن لما احكي ارتاح
مريم طب احكي وبلاش ټعيط عشان خاطري
ادهم كنت بحب واحده ايام الكليه فضلت احبها سنتين في السنتين دي كنت معمي على كل عيوبها هي كانت عايزاني عشان فلوسي كانت بتسحب مني فلوس كتير قوي بس انا كنت ما باخدش بالي لاني كانت بحبه في تانيه كليه طلبت مني انينا نتجوز قلتلها اني لسه بادئ حياتي حتي لسه مخلصتش كليه قالتلي هنبداها مع بعض ونشيل بعض ونقف جنب بعض اتكلمت مع بابا وبعد مشاكل معاه وخناق وافق عملنا الخطوبه وبعد شهرين جت قالتلي يلا نتجوز قلتلها يا بنتي انا هتجوز ازاي انا لسه ما بداتش حياتي واحنا اتفقنا خطوبه سنه على حتى ما اقف على رجلي قالتلي لا نتجوز دلوقتي قلتلها ازاي قالتلي هنبدا حياتنا في الشقه اللي في الزمالك بتاعه والدك نتجوز فيها واحده واحده هنبني نفسنا بنفسنا
مريم وطبعا وافقت واتجوزتها 
ادهم ايوه وافقت ودي كانت اكبر غلطه في حياتي اتكلمت مع بابا وهو وافق وظبط الشقه واتجوزنا قعدنا سنه وربنا كرمنا بيزن كنا عايشين حياه مستقله وحياه حلوه قوي حتى بعد ما خلفت فضلنا برده عايشين حياه حلوه هي كانت ساعتها كويسه معايا وبعد سنتين من الجواز بدات تتغير بطريقه فظيعه طلبت مني اجيب لها دادا في البيت وانا جبتلها
واول ما الدادا جت بدات هي تخرج وتسهر ما كانتش بتيجي غير على وش الصبح كنا پنتخانق كل يوم وانا عشان كنت عايز المركب تمشي كنت يوم استناها لما تشرف وش الصبح ونتخانق انا وهي ويوم كنت بطنش وجيت فتره سبت لها البيت فيها اسبوعين جاتلي الفيلا عند والدي وصالحتني ورجعت معاها تاني قاعدت اسبوعين بالظبط كويسه ورجعت تاني تسهر لحد ما ابني تم الثلاث سنين ساعتها كان بقلنا اربع سنين متجوزين في مره حبيت ان انا اراقبها اشوفها بتسهر
فين زي ما هي بتقولي مع صحابها وآله في حته تانيه بدات اني اراقبها بعد ما اتاكدات اني انا نمت سحبت ونزلت وانا طبعا نزلت وراها شغلت عربيتها ومشيت وانا برده وراها لحد ما وقفت قدام عماره غريبه ما اعرفش اول مره اشوفها في حياتي ودي مش عماره صحابها اللي هي بتقولي انه بيسهروا معاهم بدات استناها بعد ساعه قلت هو انا هفضل قاعد كده رنيت عليه في التليفون قلتلها انتي فين قالتلي انا عند صاحبتي في شبرا وهي كانت في المعادي اول ما قالتلي كده حسيت انها بتكذب عليا حسيت ان في حاجه غلط رحت جاي قافل معاه السكه ونزلت من العربيه جريت والدم بيجري في عروقي ما اعرفش كان قلبي حاسس اني في حاجه غلط رجاله كتير فضلت ادور عليها وبعد ست
شهور جالي تليفون من بره مصر فلسه برد بقول الو لقيتها هي بتقولي اني ابني سابتلك يزن في شقه في الجيزه وادتني عنوان الشقه جريت وانا مبسوط وفرحان اني خلاص ابني هيرجعلي اول ما وصلت الشقه حسيت ان قلبي اتقبض خبطت على باب الشقه ما فيش حد بيرد البواب قالي انت مين يا باشا قولتله انا عايز اصحاب الشقه دي قالي هم لسه مسافرين بقلهم تسع ساعات قولتله طب انا ابني جوه عايز ادخل اخده البواب قالي طب ثواني اجيب المفتاح وهندخل نجيبو البواب في ثانيه كان جايب المفتاح واول ما دخلنا جريت في الاوض ادور عليه لقيته مرمي على الارض في المطبخ وواقع من ايده كوبايه لبن ومرمي مغمى عليه شيلته وفضلت اصحي فيه لكن هو ما بيصحاش البواب قالي شيله بسرعه واطلع بيه على المستشفى جريت وطلعت بيه على المستشفى اول ما دخلت الدكتور قالي سيبو واطلع بره قولتله لا انا مستحيل اسيبه ده ابني قالي لو سمحت سيبنا نشوف شغلنا سبتو وخرجت بعد ربع ساعه الدكتور طلع وقالي البقاء لله ابنك مېت بقاله 10 ساعات قلتله ازاي يا دكتور ازاي انا ابني عايش مماتش ممكن تنادي دكتور اعلى منك يكشف عليه الدكتور استهدا بالله ابنك مېت نتيجه ټسمم حد حطله السم في اللبن ضعيف ما قدرش يقاوم البقاء لله الدكتور سابه ومشي وفي نفس الوقت التليفون بتاعي رن لقيت نفس الرقم اللي رن عليا قولتله ورحمة امي ما هسيبك قالتلي انا غلطانه اني عرفتك على مكان ابنك قولتله عملتي كده ليه قالتلي جالي عرض بره مصر حلو اي حسيت اني ابنك هيقف عقبه في حياتي قرارت امشي على مقولة لو جالك الطوفان حط ابنك تحت رجليك صوتله في التليفون وقولتله مجيبتهوش ليا ليه كانت انا هربي قالتلي انا عندي ېموت ويدفن تحت التراب احسن