بارك الله لكما وبارك عليكما وجمع بينكما في خير)

ضحكت عليا يبنى ضحكت عليا وخدعتني
انا اسف
_يااه مشاكل العالم اتحلت تصدق
اعمل اى يمريم يرضيكى اى وانا اعمله
_تطلقنى
قفلت السكة هما اه ساعات قليلة بس وحشنى وحشنى هزارنا وكلمة يحلوة وحشنى عيونه وطيبته وكتبه انا فرحانة اوى انه كويس بس زعلانة اوى انه خدعنى
نمت بعد محاولات كتير وصحيت على صوت فونى
دا رقمه عاوز اى دلوقتى!
_الو
انا موافق
_موافق على اى
موافق اطلقك
ساعتها قلبي وقف طب منا إلى عاوزة كده زعلت لى اوى كده! دا انا طلعت بحبه اوى
تمم شكرا
_ بس انتى هتاخدى الورقه بكرة
اشمعنا
_عشان كتب كتابي بكرة
نعم
_اي هتجوز!
الف مبروك م مين!
_ملك
اخت هانى
_مين!
لا مفيش مبروك
_لازم تيجى بكرة يلا سلام
سلام
قفلت وعيطت عيطت جامد والله يبنى مكان قصدى يعنى انا اقولك تطلقنى تقوم عاوز تطلقنى دا انت غبي اوي يحتة طور مش قصدي كده عاوزة اشوفك ندمان بس دا مفتش يوم حتى دا لو چرح مكنش لم يواطى!!
الصبح صحيت وعملت الفطار لبابا بس مكلتش ودخلت اوضتى
يعنى خلاص معتش هيبقي فيه احمد ولا ابو حميد دمه الخفيف وحشنى مش قلة أدبه يجماعة لاء كل لحظة بينا فكراها مش عاوزة افكر ابدا ان النهارده نهايه كل حاجة بينا
فونى رن
_الو
ايوة ازيك
_تمم الحمد لله
متنسيش تيجى النهاردة
_مخلاص يعسل قولنا جايين مبروك
الله يبارك فيكى
_الله يحرقك
افندم!
_لا مفيش
تمم كويس ان اطمنت عليكى خلى بالك من نفسك
_تمم مع السلامة
اعمل اى بس يربي احاول انساه طيب خلصانة مش هقدر انا مهزءة اوى ثوانى يجماعة نفهم هو هيكتب كتابه النهارده يعنى محبنيش!
المغرب اذن وصليت ولبست عبايه سودة وطرحة سودة مهو انا يا انت والست ملك بقي دا انا هقلبها عزا عليك يزفت انت
دخلت الفلة والحاج عماد هو الى كان قاعد
_اهلا بيكى يبنتى
اهلا بيك يحاج
_هو فيه حد م١ت!
هو فيه حد هيمت يحاج
_مين
ابنك ومعزته
_مين!
متخدش في بالك هو عقاپ  اتنين اى
_إعدام اكيد
خلصانة واقول مكنش قصدي
لقيته دخل معاها من باب الفلة قلبي وجعنى اوى لما شفتهم سوا وقفت وبصتله ووقفت قدامه
_ممكن ورقتى
ياساتر يرب اى السواد إلى دخل عليا دا
_ممكن ورقتى
ازيك طيب
_ممكن ورقتى
فوق يستى في اوضتى
_كوثر يكوثر
لا انا اعطتلهم اجازة كلهم النهارده اصل زى منتى عارفه النهارده كتب كتابي
_اه مفهوم
اطلبي جبيها
_طيب مبروك يملك
الله يبارك فيكى
_الله يخدكم يحبي
طلعت الاوضه وفتحت الباب ولقيت الورقه على السرير انت بتتكلم بجد مش بتهزر قول والله! جالك قلب تطلقنى!
مسكت الورقة وانا مغمضه عينى جامد وفتحت الورقه مكنتش عاوزة افتح عينى واشوفها سمعت صوت ورايا
_مش هتقرأي إلى فيها
فتحت لما لقيته ورايا وبصيت على الورقه
كان مكتوب فيها بحبك ومش عاوز اخسرك واسف على كل إلى حصل وحقك عليا على كل الحزن إلى سببته بس انا مش هسيبك يمريم عشان انا بحبك بجد والله
ابتسمت بس خبيت فرحتى في قلبي عشان كان واقف ورايا أفضح نفسي يعنى ويقول واقعة!
_ها سامحينى
لاء
قرب منى
ودلوقتي
_لا
قرب منى وكل لما يقدم خطوة ارجع خطة لغايه موصلنا للحيطة
_طب ودلوقتي
لاء
_شكلك عاوزة قليل الادب يطلع عليكى بق
_متزعليش والله انا بحبك اوى وحكيت كل حاجة لبابا امبارح انا عمرى مهخسرك انتى الوحيدة إلى حبيتها ومقبلتش حد في حنية قلبك والى بيحب بيسامح
طيب خلاص
_وبعدين مين ملك دى اصلا
اهدي كده دى خطيبه صاحبي ومعزومين عندنا اصلا
ماشي
_يعنى اى
مسمحاك
كنت تقيلة ومن جوايا ھموت والله يجماعة
_طب ايه!
اي يعسل سؤال انت في الحقيقه احمد ولا ابو حميد
_انتى عاوزة مين طيب
احمد
_طب يلا كبير لعمو يحلوة
كانت بتمر الايام وهو فعلا يستحق انى احبه نجح يبقي صاحبي وملجأى الوحيد انا بفضل اقول الكلام دا في نوتة طب مقولهوله هو بدل الدبش إلى بيطلع قدامه دا انا انا منى لله والله
_صباح الخير يحلوة
صباح النور
_يلا ننزل نفطر
احمد انا ققرت اعمل كيكة النهاردة
_لا اله الا الله طب انا عملت اي طيب!
نعم يعسل
_عاوزة تعملى كيك لى جاوبينى بصراحة كوثر قصرت في حاجة
احمد خلاص انا قررت
_طب ابويا مش هياكل منها
حمايا حبيبي لا طبعا هياكل يبنى متخافش انا أسمى الحقيقي مريم كيكة
_يسلام
طبعا اومال
_طب انزلى وأمرى لله
فطرنا والحاج عماد قعد في الكنبه وانا وهو كنا في المطبخ
_مريم انتى بتعملى اي!
ببحث عن طريقه العمل على اليوتيوب
_احيه يمريم
اى الألفاظ دي المهم هدوق احلى كيكة النهارده
_اتمنى ان ميبقاش فيه حالة ټسمم النهارده
انا يبنى!
يجماعة متحسسونيش انى لسه مكتشفه المطبخ صدفه مهو كلنا بنستعين بصديق إلى هو اليوتيوب بغض النظر يعنى ان الكيك ده لعبنى
_وبعد محطينا الدقيق نحط البيض
يجدع
_بالله بس متقولش لحد على السر بقي
طب كملى
بعد ساعة خلصت
_وبعد منخلص نحطها في الفرن على درجة حرارة 360
مريم كده هتتحرق
_شششش اخرس
ماشي
_اش عرفك انت دا عشان نكلها بسرعة
خلصت في ربع ساعة انا عبقريه هل انا عبقريه افهم بس!!
_شوفتى اهى اتحرقت
غبي جاهل دى بالشوكولاته لازم تبقي كده
_افضلى برري لنفسك
دوق بس خلى بالك من صوابعك
_مالها صوابعى
اصل هتاكل صوابعك وراها
_يجدع بس بقي
مسكت السکينة وقربت منه
_ها اى رايك
هى محروقه بس حلوة مش مستويه من جوا بس حلوة
_كنت حاسه انها هتعجبك
_يلا بقي هندوق باباك
لا يمريم انا عملت كل حاجة غلط في حياتى الا انى اسبب الاذي للراجل دا
_خلصت
ايوة
_يلا بقي ندوق باباك
خدت الكيكة على طبق كبير واطباق صغيرة وروحت حطيتها على الطربيزة الصغيرة إلى قدام الحاج
_اتفضل يبابا دوق
لا يبابا متدوقش
برقت _بتقول حاجة ياحبيبي!
دوق يبابا قبل متبرد ألاه!!
كل وضحك
_تسلم ايدك يبنتى انتى بس تدربي كذه مرة وهتبقي احلى من الى بيعملوها كمان
شوف شوف الناس الزوق شوف مكنتش اتجوزك انت اجدع
لقيتهم الاتنين بيضحكوا
جه لعماد بيه فون فرد عليه
_ايوة تمم تمم ان شاء الله الاجتماع النهاردة
قفل الفون وفضولى خدنى اسئله
_اجتماع اى يحاج!
اجتماع في الشركة
_اى دا انتوا عندكم شركة امال احمد مش بيشتغل فيها لى!
لقيته بص لأحمد
_طب انا هطلع فوق اعمل حاجة
استغربت هو طلع لى دا!!
_هو أحمد مش بيشتغل فيها لى
مش راضي
_مش راضي ازاى انت كبرت ولازم ترتاح امال مين ماسك الإدارة عندك!
مدير اعمالى
_اى يحاج دا يحاج لا هخليه يروح ان شاء الله
بجد والله
_ثق فيا وانسي البقع
هه كل شويه وبتثبتيلى انك فعلا احلى حاجة في البيت دا اه صحيح انتى خريجة اى
_تجارة
بجد
_بالله يحاج تجارة
طب دا كويس امسكى حسابات الشركة
_للدرجادى عاوز تخسر
هه لا واثق انك هتعملى إلى عليكى وهتحافظى على فلوس جوزك وتبقوا مع بعض واهو تشتغلى بتأهيلك
_بس انا مش عارفه هتشغل اى بالظبط
هتفهمى واحدة واحدة الشغلوانتى ذكيه ما شاء الله
_خلصانة موافقه وهقنعه
طلعت فوق لقيته ماسك كتاب
_احمد
اي!
_اسمها اى
نعم يمريم
_هتيجى معايا الشغل بتاع بكرة دا صح
شغل اى!
_في شركة باباك يا استاذ انت
لاء
_احمد انت لازم تشتغل بقي وتشيل المسؤوليه عن باباك باباك لازم يرتاح بقي
انا مش هينفع اروح الشركة دى تانى
_لي يا احمد!!
عشان عشان...
_متقول يبنى انت علقت
عشان سلمى
_نعم يبا!!!
قعدوا وكان احمد جمبي وكان بيجز على سنانه عنده حق والله دا انا مش بكون معاه بالرقه دى وسلم علي بابا ومحمد
_طب اقوم اجبلكم حاجة تشربوها
قرب منى وبوشوشهاى رايك تقدميلكم كيكتك الخطېرة
_لا يعم حرام
نعم!!
قومت وانا بضحك روحت جبت عصير مانجا دا ابويا وابن خالتى بردو يجماعة اجرب في جوزى قرة عينى مش مشكلة ولو حصله حاجة نبقي نعالجه مش مشكلة
حطيت العصير على الطربيزة
_ها يمحمد رجعت امتى
بقالى اسبوع
_اسبوع ومكلمتنيش