مكتوبه علي اسمي الفصل 43
شارده في اللي حصل واول لما بصت جنبها ولقت عامر بكت وعامر وقف العربيه على جنب وقالها وحياة غلاوتك عندي هندمه ندم عمره علي اللي عمله هو واي حد استغل غيبتي وفكر في اذيتكم
آيات وعامر شغل العربية تاني واتحرك على المستشفى
بعد وقت وصلوا المستشفى والوقت كان متأخر والزيارة ممنوعة لكن عامر طلب يتكلم مع مدير المستشفى عشان يسمحلهم يدخلوا ويشوف شريف ويطمن عليه وطلب انه يتكلم مع الدكتور المسؤول عن حالة شريف
عامر دخل الغرفة وشاف شريف وهو نايم على السرير والأجهزة الطبية متصله بجسمه وميرفت كانت نايمه وهي قاعدة على الكرسي المتحرك بتاعها جنب سرير شريف
عامر قرب منه وآيات معاه واستغربت ان ميسرة مش موجودة مع ميرفت لانها المفروض بايته معاها في المستشفى
ميرفت حست بيهم وفتحت عينيها واتفاجأت بوجود عامر وآيات وقالت بلهفة عامر!!
عامر بصلها وقرب منها وضمھا عامله ايه طمنيني عليكي
ردت بسعادة الحمدلله يا حبيبي انت عامل ايه طمني عليك
عامر انا كويس
وبص على شريف بحزن وقالها لسه مفقش
آيات اتكلمت بحزن ان شاء الله هيقوم بالسلامة
أتكلم عامر پغضب معرفوش مين إللي عمل فيه كده
ردت ميرفت بحزن معرفوش حاجة قالوا انها مكانتش سرقه لان حاجة شريف كانت كلها في العربية زي ما هي منهم لله ربنا ينتقم منهم اللي عملوا فيه كده
رد عامر بإصرار هعرف هما مين وهجيبهم
آيات دموعها نزلت وهي شايفه حزن عامر علي شريف وميرفت كمان بكت بحزن
عامر أتكلم مع شريف كلام كتير وكأنه سامعه وحاسس بيه وآيات قربت منه وقالتله كفايه يا عامر شريف هيبقى كويس بس محتاج وقت
ميرفت بدهشة ميسرة فين يعني ايه
آيات مش هي بايته مع حضرتك هنا في المستشفى
ردت ميرفت بستغراب انا مشوفتش ميسرة بقالها يومين!!
عامر انتبه للكلام بين آيات وميرفت وسألهم بقلق يعني ايه هي امي فين
ردت آيات بقلق هي قالتلي انها هتبات الليلة دي مع طنط ميرفت هنا في المستشفى!!
عامر قلق على والدته وخاف ان ممكن يكون جرالها حاجة هي كمان وقال ل
آيات هاتي تليفونك
واخد تليفون آيات واتصل على تليفون والدته لان تليفونه مكنش معاه
رواية مكتوبة على إسمي بقلمي ملك إبراهيم
عند عزيز وميسرة
ميسرة
