رواية المره الثلاثين كاملة بقلمى دودومحمد

يحميني يارب ويخليني ليكي 
ايه ده هو مش ده اوس !
بصيت علي المكان اللي شاورت عليه شوفته واقف ومعاه بنت ووشه طبيعي لانه مداري البهاق كالعاده 
قلبي اتنفض اول ما عيني جت عليه 
حسيت احساس غريب عمري ما حسيت بيه في يوم مع أي حد 
احساس الغيره!
احساس الجنون 
اضطراب في مشاعري 
تصرفات خارجه عن إرادتي 
لقيتني بدون مقدمات بقرب منهم 
لاغيه كل الأصوات الخارجيه وحتي الداخليه
صوت مي اللي بتحاول تمنعني 
صوت عقلي اللي بيقولي متقربيش 
مساء الخير 
قولتها وانا بجز علي اسناني وببصلهم بغيظ 
البنت باستغراب 
مساء النور اتفضلي 
بصيتلها ورديت پشراسه
انتي مين 
افندم 
حضرتك اللي مين 
انتي اللي جايه علينا!
اخدت نفس عميق وانا ببص لأوس اللي كان واقف يبصلي وبيحاول يداري ضحكته 
رفعت حاجبي بضيق 
مش تقول للأنسه انا مين
اتكلم بصعوبه وهو بيحاول ميضحكش 
اعرفك يا داليا ديه جوري اللي كنت بحكيلك عنها 
ردت بلهفه 
ايه ده بجد هي ديه جوري 
رديت بغيره 
حكيتلها عني ايه بقي أن شاء الله
داليا وهي بتبصله بخبث 
اممممم ده في ناس غيرانه هنا 
وشي احمر واتوترت وانا بهز راسي بهستريه 
لا طبعا غيره ايه وبتاع ايه 
ا انا ا انا اصلا معرفهوش و و.....
انا داليا أخته ياجوري 
لطمت علي خدي پصدمه 
احيييييه 
ضحكت جامد وهو كمان اڼفجر في الضحك ومي شاركتهم الضحك وانا واقفه محرجه وبتمني لو الأرض تنشق وتبلعني في الحال 
ا احم ا أنا ا انا اسفه و و 
ايه ده اوس انت ايه اللي موقفك مع الاشكال المرعبه ديه 
لفيت لمصدر الصوت لقيت بنت من دفعتي بتقرب مننا وعلي وشها ابتسامه خبيثه 
بصيتلها بكسره وقهر 
مكنتش عارفه اقول ايه في الحقيقه 
الكلام اتبخر 
مكانش في جوايا شئ غير العياط 
وفجأه وبدون اي مقدمات طلعت اجري من قدامهم وانا حاطه
ايدي علي قلبي اللي كان بيدق جامد
جوري جوووري استني يامجنونه بتجري ليه انتي تعبانه متجريش هتتعبي اكتر ياجووووري اقفي يخربيت جنااانك 
اوس وهو بيجري معاها وبينهج
تعبانه مالها 
عندها القلب 
داليا بقلق 
ياربي دي ممكن قلبها يقف 
فضلوا يجروا ورايا وانا بجري بأقصي سرعه عندي 
كان جنان خوف احراج سموها زي ما تسموها!
وأخيرا قدرت ابعد عن المكان 
وقفت في مكان خالي من البشر وحطيت ايدي علي قلبي اللي كان بيدق جامد 
كنت بنهج بتعب وحاسه أن قلبي هيقف في أي لحظه 
قعدت علي الرصيف وسندت ظهري علي الحيطه وغمضت عيوني واڼفجرت في العياط وقلبي مش مبطل يدق 
جوري انتي كويسه 
فتحت عيوني اول ما سمعت صوته اللي كان باين عليه التعب 
كان باين القلق واللهفه علي ملامحه 
علي قد ما كنت محروجه من اللي حصل 
علي قد ما فرحت لما حسيت بالخۏف اللي في عيونه عليا 
حطيت وشي في الأرض وسكتت لحظه وهما واقفين يبصولي بقلق 
قعد علي ركبه قدامي وبهمس ورقه 
انتي كويسه ياجوري ردي عليا 
هزيت راسي ورديت بصوت مبحوح 
كويسه ا الحمد لله 
زعق فيا بعصبيه
في حد يعمل اللي انتي عملتيه ده افرضي كان جرالك حاجه دلوقتي 
مي بعصبيه هي كمان 
بتجري ليه 
بتهربي ليه مش الاشكال اللي زي نرمين ديه
ليه مواجهتهاش ليه مسمعتهاش كلمتين يحرقوا ډمها 
هتفضلي لحد امتي تهربي من الناس اللي بتأذيكي 
واجهيهم قولتلك الف مره اقفي واجهي الأشخاص القذره وعرفيهم مقامهم مبتسمعيش كلامي ليه ليه مصممه تبقي ضعيفه انتي مش ضعيفه عشان تسبيهم ېأذوكي حرام عليكي نفسك يا شيخه بقي
كنت مع كل كلمه بتقولها بتنفض وبعيط بحرقه 
كان عندها حق مليون في الميه
لكن احراجي وخۏفي وضعفي هما اللي عملوا فيا كده 
هربت من المواجهه هربت من الواقع هربت من كل اللي حوليا عشان عارفه أني خسرانه في النهايه عارفه اني هنهار في النهايه وابين ضعفي 
كانت لسه هتكمل كلام بس اوس شاورلها بهدوء 
مي لو سمحتي كفايه 
داليا بشفقه وهي بتقعد جنبي علي الارض وبيحضني 
متزعليش نفسك بليز ومتشغليش نفسك بنرمين وبالناس الحقيره اللي زيها 
اوس بجمود 
انا رايح مشوار سريع وجاي 
مستناش رد حد ومشي من قدامنا وانا ببص لآثره باستغراب وفضول 
مي بحزن وعيون بتلمع بالدموع وهي بتقعد جنبي 
انا أسفه 
ابتسمت ابتسامه حزينه وانا بمسك ايديها 
متتأسفيش أنتي عندك حق 
داليا وهي بتبص قدامها بهمس 
ربنا يستر 
في ايه 
بلعت ريقها بتوتر وخوف 
خاېفه من اوس 
ليه 
اوس مش هيسكت علي اللي حصل 
مي بقلق 
هيعمل ايه يعني 
رفعت أكتافها الاتنين بحيره 
معرفش بس هو حاليا اكيد بياخدلك حقك من البنت ديه 
مي بلهفه 
طب ومستنين ايه يلا نقوم نشوف 
بس....
شدتني من ايدي بسرعه 
بس ايه يلا فرصتك وجاتلك لحد عندك 
وصلنا الكليه ودخلنا كان في زحمه وناس كتير اوي واقفين يبصوا علي حاجه مكنتش قادره افهم ايه هي!
قربنا من الزحمه ومي سألت واحد بفضول 
هو في ايه 
الولد بسماجه 
في واحد بيتضرب هناك 
قلبي اتنفض وخۏفت ليكون اوس 
طلعت اجري وانا بزق الناس لحد ما وصلت لمقر الخڼاقه 
كان المشهد كالتالي 
نرمين واقعه علي الارض وبتعيط 
واوس ماسك واحد بيضربه بأقوي ما عنده 
وفي اتنين علي الارض مضروبين هما كمان ومش قادرين يتحركوا
حطيت ايدي علي بوقي وانا بشهق بذهول وصدمه
اوس 
ساب الولد اللي كان بيضربه أو بمعني اصح زقه علي الارض جنب اخواته ووقف يبص للكل وهو بيزعق فيهم 
قسما بالله العظيم اللي هسمعه بيتكلم عن حد ولا بيتريق علي حد ولا حتي مس شعره من بني آدم ضعيف مش قادر يدافع عن نفسه هيشوف مني ايام سوده انتوا سامعين ولا مش سامعين!
الكل في نفس واحد 
سامعين يادكتور 
يلا كل واحد يتفضل من هنا 
والامن يجي يشيل الزباله دول من هنا 
قال جملته وقرب مني وشدني من دراعي بجمود 
يلا 
شديت دراعي پصدمه 
استني هنا هو انت دكتور في الكليه 
اتنهد ورد بهدوء 
ايوه 
ازاي انا عمري ما شوفتك!
مش بدرس للدفعه بتاعتك يا جوري 
سكتت لحظه وحطيت وشي في الأرض
طال الصمت ثانيه اتنين تلاته وانا جوايا سؤال عندي فضول اعرف إجابته في الحقيقه 
مش خاېف
رد بهدوء 
اخاڤ من ايه 
اللي انت عملته مخالف للقوانين مش من حقك ټضرب اي طالب في الكليه حتي لو عمل ايه!
العميد لو عرف مش هيسمي عليك ممكن تترفد من الكليه
رفع أكتافه بلا مبالاه
يعمل اللي يعمله 
للدرجادي
مش مهم اي حاجه المهم اني اخدت حقك 
رفعت عيوني وبصيت في عيونه وبنبره كلها دموع 
ليه بتعمل معايا كده 
بعمل معاكي ايه !
شفقه مش كده 
هز رأسه بلهفه ونفي 
لا طبعا 
اومال 
اتنهد وسكت لحظه بعدها ابتسم وهو بيقرب من ودني وبيهمس بنبره رجوليه وخشونه ممزوجه برقه 
ممكن تسميها حب من اول نظره 
قلبي اتنفض والعرق اتكون فوق جبيني 
فركت ايدي بتوتر 
بس ب بس انت ليه مقولتليش انك دكتور 
انا اللي اعرفه انك شريك في الكافيه اللي اتطردت منه
دكتور وشريك في الكافيه ايه المشكله!
ولا حاجه 
طب يلا 
يلا ايه 
نمشي عايز اجهز نفسي 
رديت باستغراب 
تجهز عشان ايه 
ايه ده هو باباكي مقالكيش
قالي ايه 
اني هتقدملك النهارده 
برقت پصدمه 
النهارده!!!
وانتي هتوافقي 
هه 
ومش بس كده ده انتي لو فكرتي ترفضي هخطفك انا مچنون واعملها 
ب بس 
لا ولا بس ولا بتنجان
يلا ياعروسه روحي بسرعه عشان تلحقي تحضري نفسك واه انا بحب القهوه ساده واتمني اشربها من ايديكي انتي باي ياقمري 
مشي من قدامي وانا واقفه فاتحه بوقي ومتنحه!
مي وهي بتشدني من دراعي 
انتي لسه هتتصدمي يلا قدامي ياعروسه مفيش وقت للتفسير 
بعد مرور سنه 
كنت قاعده أنا وهو في نفس الكافيه اللي اتطردت منه زي النهارده السنه اللي فاتت بالتقريب!
ايه الجمال ده 
اتكسفت ووشي احمر وانا بحط وشي في الأرض 
بجد شكلي حلو 
مسك ايدي وباسها برقه 
زي القمر طول عمرك 
وقتها حسيت بفراشات بتزغزع معدتي 
وفراشات بتطير من حوليا 
وقتها حسيت نفسي فراشه وطايره من كتر السعاده!
كان في اقتباس بيقول
في نظره أنا فراشة 
آه لو يعلم
أنه لا يرى إلا تأثيره !
شهد آل حجاج.
بصيت حوليا بأنبهار وفرحه 
الكافيه بعد التجديد بقي اجمل بكتير 
لولا وقفتك جنبي مكانش الكافيه بقي بتاعي دلوقتي 
اوس 
عيونه 
عيوني لمعت بالدموع وانا ببص في عيونه 
القوانين هتتغير مش كده 
طبعا القوانين ديه انا بسببها كنت بعاني ياجوري 
معقوله لما يبقي الكافيه بتاعي مغيرهاش 
لازم نحس بالناس اللي زينا ونقدر مشاعرهم 
ابتسمت برقه وانا بحاوط وسطه بسند راسي علي صدره 
حد عنده جوز قمر كده ياولاد 
حضڼي وباس راسى برقه وهو بيبتسم بهدوء 
ربنا يخليكي ليا 
ويخليك ليا ياحبيبي صحيح عايزه قولك حاجه مهمه 
ايه هي 
حطيت ايده علي بطني وانا بقف علي أطراف صوابعي وبهمس في ودنه 
كمان تمن شهور في ضيف جديد هينور دنيتنا 
بصلي وهو بيتنفس بسرعه وعيونه بتلمع بالدموع 
ا انتي بتتكلمي جد 
حاوطت وشه وانا بهز راسي بتأكييد 
بجد 
فجأه مبقتش علي الارض كنت طايره بين ايديه وهو بيلف بيا بفرحه
كونك قابلاني دي تتشال لك وجميل ع الراس 
وكفايه انك عارفه عيوبي وقولتي 
حباك وخلاص 
والان تابعو معنا رواية زوج تاجير كاملة بقلم شهد احمد
بصي ي خديجه الحل الوحيد علشان تروحي وتحضري فرح اختك هو انك تجيبي زوج تأجير يحضر معاكي فرح اختك وبعدين كل واحد يروح ل حاله وده هيكون بمقابل مادي أو اي حاجه تانيه المهم أنه يوافق 
خديجه. پصدمه زوج تأجير 
انا اسمي نور ودي خديجه صحبتي كانت عايشه مع اهلها بس ابوها طردها من البيت علشان جابت ولد وميعرفوش مين أبوه يعني مجهول النسب واطرت أنها تسافر ل بلد تانيه وتعيش هيا وابنها وتربيه ومن حسن الحظ أن صحبتي مهندسه معماريه وشاطره كمان وشغاله في اكبر شركه في الوسط كله ومعتمده علي نفسها وعايشه هيا وابنها حياه هاديه ومكتفيه بنفسها بدون ما حد يقف معاها ويدعمها حتي انا مش بتقبل مني اي مساعده بس برغم من كده انا واقفه معاها ومش بسبها وكمان بخلي بالي من ابنها في الوقت اللي هيا بتكون في شغلها وقضت 3 سنين بعيده عن أهلها ومحدش بيسأل عليها غير امها جميله واختها مارتين وأبوها وأخوها محدش فيهم فكر أنه يكلمها طول 3 سنين وفي يوم خديجه كانت في شغل بتشرف علي البناء وتليفونها كان مقفول وفي الوقت ده جميله كانت بترن علي خديجه بس كانت مش بترد علشان التليفون مقفول فقلقت عليها وكمان كانت عايزه تبلغها عن فرح اختها مارتين ف رنت عليا ومن حسن الحظ أن في الوقت ده دخلت خديجه وعرفت اني بكلم امها جميله 
خديجه فرحت اووي لما شافت امها رنت عليها وقعدت تسلم عليها وبعد السلامات 
جميله. عندي ليكي خبر حلو اوي ي خديجه
خديجه. بجد ي ماما خير قوليلي 
جميله. اختك مارتين هتتجوز 
خديجه. بفرحه بجد انا فرحانه اووي ل مارتين 
جميله. وتعرفي كمان ابوكي هيرن عليكي في اي وقت علشان يعزمك تاجي علي فرح اختك علشان أهل بيت احما اختك عمالين يسألوا عليكي واحنا بنقول أنها مسافره 
واصروا انك تحضري علشان كده ابوكي هيكلمك 
خديجه. بجد ي ماما متعرفيش انا مبسوطه قد اي 
وفي الوقت اللي جميله كانت بتتكلم فيه مع خديجه ابو خديجه كان بينادي علي جميله واطرت أنها تقفل وبعد ما قفلت خديجه كانت مبسوطه اووي وطايره من الفرحه 
خديجه. نور نور انا مبسوطه اووي واخيرا بعد السنين دي ابويا هيكلمني انا مبسوطه اووي
نور. تعيشي وتبقي مبسوطه ي حبيبتي انتي تستهلي كل خير 
خديجه. تسلميلي ي نور هروح انا بقا علشان اشوف مروان ابني زمانه اشتاقلي 
نور. ماشي ي حبيبتي 
وبعد ما خديجه روحت بيتها وكانت قاعده مع