كان ممرضا لقلبي
طلعت بشويش وخبطت فتحلي
كنت متاكد انك جاية
_ انت كويس أي الي تاعبك
ادخلي طيب بدل ما حد يشوفك!
دخلت بسرعه وقعدت علي كنبة _ مالك يعبدالله
بطني بتوجعني اوييي مش عارف في ايي
_طب قوم غير هدومك ونروح لدكتور
مسك أيدي أنا بقيت احسن لما شوفتك
سحبت
أيدي _احمم طب عملت أي في الشركة
اتعينت بس أبوه شكله بيعزك اويي شافني واشتغلت مسألش عن اي مؤهل حتي
كويس اه المهم انتي هتخلعي من سي احمد الي متجوزاه دا امتي
_فترة بس
يخوفي الفترة تطول وتتعودي علي الي متجوزاه دا
_عبدالله انت عارف اني مش بحب حد غيرك!
قرب وانا كمان
_انا اتاخرت اوييي لازم امشي
قومت من مكاني ف وقف قدام الباب
ايي عاوزة تروحيله
_اروح ل مين
بقولك أي يمريم انتي متغيرة معايا ومش مبسوط بالحال دا
نتجوز
_بجد يا ريت يعبدلله يا ريت
حالا
اتقدم خطوتين ف رجعت ل ورا _ في أي يعبدالله انت اټجننت
وانتي عاجبك العبيط دا
_افهم دا مش ب ايدييي
امال ب ايد ميننن
كنت بعيط وبترعش ف قعدني تاني
أنا آسف يحبيبتي حقك عليا
_ أنا لازم امشي أنا اتاخرت
استني هعملك حاجه تهديكي مش هتمشي في الشارع وانتي معيطة كده
_ مش عاوزة حاجه
والله هتشربيها عشان خاطري
خدتها من أيده وشربتها _ همشي أنا بقي اتجدعن في الشغل يعبدلله مش هنلاقي شركة تاني
ابتسملي وقومت حسيت بصداع جامد ودوخة مسكت دماغي وانا بحاول أسند علي الحيطة الي قدامي
مالك يمريومة في ايي
_مش عارفه مش..
ابتسم بمكر انتي ملكي محدش هياخدك من ايديي هتفضلي دايما ليا
فتح اول زارين من البلوزة الي
كنت لبساها
مريم فين
مريم مين
زقه ودخل أنا عارف انها هنا مريم مريم!
انت مين وبتعمل أي هنا
أنا احمد
ضحك وبصله من فوق لتحت انت جوزها!
هي فين
يلا يالا يعبيط من هنا يلا احسنلك
أنا مش همشي غير لما هي تيجي معايا
طلع من جيبه مسډس هو انا ممكن اقټلك زي ما البطل عمل مع الشرير
بلع ريقه ورجع خطوة لورا سيب المسډس دا من ايدك
متخافش عندي ميا سحرية حاكي أنا الحوار دا لمريم قبل كده
نزل وهو بيجري احمد دخل فضل يدور عليا في كل الاوض لحد ما لقاني شالني ونزلني تحت في العربيه بتاعتهم وصلنا الفلة وصحيت وانا بصوت وانا علي السرير وبفتكر الي حصل
_اي الي حصل وازاي جيت هنا
هو الواحد الي كنتي عنده دا بتحبيه
_لعبة! ازاي وهو زيه زي الحقيقي بالظبط!
يبنتي أنا ألعابي بتيجي من برا مصر عيب عليكي
_وبعدين
خوفته بيه وجري
_انت أي الي خلاك تيجي ورايا
لما لقيتك بتدوري علي تاكسي ومش راكبة العربيه بتاعتنا قولت احصلك بالعربيه
_شكرا انك جيت
هو مين دا صاحبك زييي
_لاء دا.. أنا كنت غبية اوييي ازاي مشوفتش حقيقته
ابطل عياط هو ازاي فيه حد زيه كده ازاي أساعد أنه يرجع طبيعي ويسيب الإنسان الجميل الي قدامي دلوقتي دا
مش زعلانه
_خلاص والله بقيت حلوة هات بقي الدوا عشان تاخده
لاء يمريم عيطي احسن
ضحكت واديته الدوا فضلنا نتكلم عن اي حاجه والغريبة اني كنت مبسوطة معاه! قلبي الي كان بيوجعني هدي بس! ازاي عبدالله يعمل فيا كده والله مهسيب حقي وهرجعه منه تالت ومتلت
الصبح في الشركة
_صباح الخير ينفع تتأخر كده!
مرييمممم!!!
الصبح في الشركة
_صباح الخير ينفع تتأخر كده!
مرييمممم!!!
_ينفع تقولي مريم عادي كده وانا مديرة الحسابات ومرات مدير الشركة الي بتشتغل فيها
نعم
_اه مهو أنا طلبت من حمايا اشتغل ف وافق علي طول ثم اني يعني قليلة يشتغلني زيك لاء شغلني مديرة يمريم انا..
_نحفظ المقامات بقي مش ممكن كده! قال قولي يبودي ينفع الي عملته امبارح دا
أنا هشرحلك
_حطيتلي حاجة في العصير عشان أفقد الوعي هي جامدة بس ادهست في كل الافلام العربي كنت فكراك كرييتف
أنا بس كنت عاوز..
_عاوز اييي أنا كنت فاكرة أنك بتحبني ان ربنا عوضي ب كل حاجه وحشه شوفتها بيك انا كنت واثقه فيك عشان كده جيتلك
يحبيبتي اسمعيني..
_ لو قربت خطوة كمان يا هتكون مطرود
انتي مش فاهمة حاجه!
_انا كنت فاهمة غلط دلوقتي عرفت كل حاجه اتفضل علي مكتبك
هو انا هشتغل هنا!
_ شوفت ازاييي قلبي طيب ومش هرفدك
مشي من قدامي وهو متعصب قعدت علي الكرسي ولأول مرة كنت أحس
اني قوية! اني مش بتهز لأول مرة اخلي عقلي الي يشتغل واركن قلبي في جمب دا انا قلبي عاوز صرمة اقسم بالله عاوزة ادشملني.
الباب خبط _ادخل
سيباني أنتي في العربية كتير خلي بالك
_تعالي
يا احمد بقولك أي تيجي نهرب
نروح فين
_اي داهية أنا قدامي ورق مش فاهمة فيه اي حاجه كان لازم الاڼتقام اوي يعني
تيجي نروح الملاهي
_ممكن بعد ما اخلص شغل
خلاص ماشي
قعد قدامي وحط أيده علي خده وبصلي
_بتبصلي كده ليي
اصلك شكلك حلو اوي في اللبس دا
_اول مرة ألبس فورمال
قرب مني ف وقفت _ احمد انت رجعت لشغل الافلام
فضل يقرب مني لحد ما وصلنا للحيطة فك شعري وسابه ينزل علي كتفي
كده احلي احسن ما تكوني ربطاه
كان باصصلي في عيني ابتسمت _ لا انت اتطورت أنت يتخاف منك بعد كده!
الباب خبط وعبدالله دخل علي طول شافه وهو قريب مني ف جز علي سنانه
ايدا دا هو نفسه بتاع امبارح!
_اه في حاجه يعبدالله
الورق دا مطلوب توقعيه بس شكلي جيت في وقت مش مناسب
_حط الورق علي المكتب ولما ابقي اقرأه ابقي أوقعه وروح شوف باقي شغلك
حط الورق علي المكتب وطلع بسرعة ورزع الباب!
رجعت بصيت ل احمد لقيته رافع حاجبه
_في ايييي
هو انتي وهو صحاب
_لاء
بتحبيه اكتر منيي
_يعم لاء دا مجرد معرفة قديمة ودلوقتي بيشتغل في الشركة بس
أنا وانتي الي صحاب بس
_اعز صحاب
باسني في خدي خلاص اتفقنا
_ولا! احنا في الشركة اقعد علي الكرسي لحد ما اخلص يا مفيش خروج انت حر
قعد علي الكرسي انتي قادرة علي فكرة
ضحكت _ وانت كمان والله سيبني اشتغل بقي
اي الورق والقرف الي قدامي دا بجد! حاولت اخلص اكبر كم من الشغل علي فكرة بقي الست ملهاش الا بيت احمد!
خلصت وروحنا الملاهي
معاه بحس ب امان
بحس براءة ضحكه طالعة من قلبي بدون تكليف معاه حسيت إن الدنيا لسه بخير!
يعني اي هنمشي يعني
_يحبيبي الملاهي دي مش ملك الي جابونا هنيجي تاني إن شاء الله
وعد
_وعد يلا نروح عشان
اتأخرنا
روحنا واتعشينا طلعنا الاوضه واديته الدوا
هتروحي بكرة الشركة
_اه منا الي اتنطط وقولت لباباك سيبلي الحسابات وقومت مشوحة ب أيدي كده
الشغل صعب
_اوييي بس هحاول فيه المهم اتبسطت النهارده
اه اوييي نتفرج علي فيلم
قومت من مكاني بسرعة _لاء يبابا انسي
لييي
_بتقلب واحد تاني خليك طيب احسن تيجي احكيلك حدوتة
بجد ماما دايما كانت بتحكيلي حواديت
نام علي السرير مسك أيدي وحطها بين أيده الأتنين حكيت حدوتة بحبها ف نام جيت امشي لقيته لسه ماسك أيدي! ابتسمت وسحبتها بشويش رتبت شعره الي كان نازل علي عينه أنا مصاحبة الواد الكاريزما دا!
دخلت اوضتي ونمت صحيت علي صوت احمد اديته الدوا وفطرنا وروحت الشغل دخلت المكتب لقيت عبدالله مستنيني جوا
_ خير في حاجه
انتي اتغيرتي اوي
