رواية ملك وادهم
من العياط
وانتي برضوا ازاي تكذبي عليا واحنا ف الحفله وتقولي انها ف الحمام ازاي تخبي حاجه زي كده انتي مش عارفه كان هيحصلكوا اي
يا ابيه والله احنا منعرفش ان ده هيحصل وشمس ملهاش زنب
اطلعي ع اوضتك انتي كمان يلا م شيء عاوز اسمع حاجه عن الموضوع فاهمه
حاضر يا ابيه
عدي يومين وكل م شمس تحاول تكلم ادهم يصدها ويتجاهلها وكذالك ملك بس كان بيرد عليها ببرود
ادهم كان قاعد بيقرأ الاخبار وفجاه سمع شمس بتقوله
انا اسفه يا ابيه مش هعمل كده تاني
شمس موطيه راسها وبتعيط
خدها ف حضنه وضمھا انا الل مربيكي يا شمس لما بابا الله يرحمه م١ت وامك اتخلت عننا عشان تسافر وتتجوز سابتك ليا كان عندي ١٨سنه وانتي كنتي لسه عيله صغيره مش فاهمه حاجه انتي بنتي ي شمس واخاڤ عليكي من اي حاجه انتي مسؤله مني ولازم احافظ عليكي انتي مش كنت هتئذي نفسك بس لا انتي كننتي هتئذي بنت ملهاش زنب ملك امانه عندي ابوها مامني عليها كنت هعمل اي لو حصلها حاجه انا كنت مړعوپ واول مره احس پخوف عليكوا لازم تسمعي الكلام ومتخبيش حاجه عني فاهمه
تراني اتأثرت وراح ابكي
صوت جاي من وراهم
جريت شمس علي ملك وحضنتها جامد سامحيني يا ملك
اسامحك علي اي انتي اختي ي شمس مقدرش ازعل منك
.طب كويس كده بقي روحوا زاكروا وانا هروح الشركه وجهزوا نفسكوا بالليل عشان هفسحكوا
شمس وملك بيبصوا لبعض هيييييه وقعدوا يهللوا
ادهم مركز عليهم وازاي ملك بريئه جدا وجميله جدا
بالليل جهزوا نفسهم وخرجوا ادهم وداهم مطعم اتعشوا وراحوا الملاهي ودخلوا سينما ولعبوا كتير ورجعوا وهما مروحين كانوا فرحانين اووي وداخلين يضحكواوصوتهم عالي وادهم فرحان بملك وكل شويه يركز ف ملامحها ويسرح
من ساعتين ي شمس ومستنياكوا
اهلا يا شكريه هانم حضرتك وصلتي امتي!
اي شكريه هانم دي يا ادهم اتكلم عدل انا امك
طبعا امي ازيك
بتبص ع ملك من فوق لتحت كويسه مين دي ملك معجبهاش الاسلوب والنظرات وحست انها مش مقبوله مامتها كانت بتحكي عنها كتير وكانت بتقولها انها ست متكبره اهم حاجه عندها الفلوس والنسب مش بتهتم بسعاده حد اكتر من سعادتها وممكن تدوس علي اي حد
دي ملك بنت عمي نبيل
واي الل دخل الاشكال دي بيتي .
مينفعش كده ياماما ملك مش غريبه دي بنت عمي متقوليش عليها كده
اخرسي انتي اصلا مين سمحلك تختلطي بالبنت دي
وانتي بقي بنت شاديه
ملك متغاظه منها وماسكه نفسها بالعافيه لان ادهم وشمس بيدافعوا عنها ف كتمت غيظها وردت ببرود
ايوة يا طنط انا بنتها
طنط اي انتي هتنسي نفسك يابنت شاديه اسمي شكريه هانم قليلة زوق زي امك
انا اسفه يا ابيه بس مش هستحمل اهانه اكتر من كده سامحني واديرت ل شكريه جري اي ياست انتي هو انا وامي عملنالك اي محروقه اووي كده لي متهدي شويه
وكمان بتردي عليا يابنت
ال ورفعت ايدها عشان ټضربها بالالم لاكن لقت ايد مسكتها
ادهم مسك ايدها وبص لشمس..شمس خدي ملك واطلعي فوق..ملك بتبصلها بغيظ حاضر يا ابيه
انا امك ولازم تسمع كلامي والبنت دي لازم تمشي من هنا فاهم بنت شاديه مش هتقعد هنا
بس ملك مش هتمشي يا شكريه هانم وال عاوز يمشي يتفضل سيبتي حبيبك لي جايه بعد اي وعاوزه تعملي مشاكل للبنت من يوم م جات مشوفتش منها حاجه غلط وغير كده انا بحبها..
. قال الجمله الاخيرة وهو متعصب ومش واعي
بتقول اي بتحبها !
انتبه ادهم لل قاله واتوتر..ايوه هي عندي نفس غلاوة شمس
ورزان فين مجبتش سيرتها يعني
انا ورزان سيبنا بعض
نعمم !! سيبتوا بعض
ايوة مستغربه كده لي يا..ياشكريه هانم م انتي عارفه اني مش بحبها وهي كمان عارفه وهي كمان مش بتحبني ولا نسيتي الارتباط ده كان لي مش ده كان قرارك عشان تعملي صفقه مع ابوها واهي الصفقه تمت وانا مش هقدر اطول معاها ومفيش مشاعر ليها مش هقدر اظلمها
وده حصل امتي
من يومين اتصلت بيا واتخانقنا كالعاده وقررنا نسيب بعض بس اطمني هي كويسه وعايشه حياتها وبنتقابل ف الشغل كتير
بيبص للشنط الل جايباها
انتي هطولي هنا ولا اي
مصدومه من الل حصل والل سمعته بس شكريه ذكيه جدا قررت تعمل خطه ع ادهم
ايوه انا هقعد شويه.
استغرب ادهم من هدوئها المفاجئ ونادي ع داده حليمه
ايوه يابني
خليكي مع شكريه هانم ياداده لو احتاجه حاجه انا هطلع انام عشان تعبان يا شكريه هانم.
حاضر تؤمريني بحاجه يا هانم
انتي لسه عايشه يا ست انتي
الاعمار بيد الله حضرتك
طب امشي اعمليلي قهوه وهاتيها ليا اوضتي
حاضر بعد اذنك
شمس اخدت ملك وطلعت الاوضه ملك فضلت ټعيط
هي لي امك بتكلمني كده يا شمس هو انا عملتلها حاجه وماما عملتلها اي.
بصي يا ملك متزعليش من ماما هي طول عمرها مش بتحبكوا
وبتقوليها ف وشي
الله امال اغشك
ضحكوا الاتنين ع كلامهم واليوم ده فضلوا يتكلموا مع بعض ويضحكوا ويتريقوا ع الل حصل لحد مناموا سوا وهما بيتكلموا تاني يوم شكريه قررت تعامل ملك كويس قدام ادهم وقررت تتصل برزان تجبها تتغدي معاهم ف الغدا كلوا متجمعحتي رزان وكانت قاعده عادي بتاكل وتهزر وتتريق ع ملك كالعادهوملك مستحمله عشان خاطر ادهم بعد الغدا البنات طلعوا فوق وادهم مشي راح الشركه ورزان مشيت
كل يوم كانت ملك بتحب ادهم اكتر بس مكنتش بتبين لانها خاېفه ميكونش بيبادلها نفس المشاعر او ېجرحها ويقولها انها لسه صغيره او يبص لفرق الطبقات الل بينهم وادهم كان بيحبها برضوا بس كان فاكر انها بتحب عمرو من كتر كلامها الحلو عنه في يوم كانت ملك واقفه ف البلكونه وادهم دخل بلكونه اوضته وهما الاتنين كانوا قريبين من بعض ملك كانت بصه للسما وبتغني بصوت واطي ادهم سمعها وفضل واقف بعيد لحد مخلصت وهو دايب فيها عدل شكله ومشي براحه وقف ع البلكونه ملك انتبهت لوجوده وكانت فرحانه
لسه صاحيه ياملك
مشي جايلي نوم ي ابيه اي الل مسهرك هو مش حضرتك عندك شغل
القمر..القمر شكله حلو اووي قولت لازم اطلع اشوفه
بصت ملك للسما وكان القمر جميل جدا وكبير ومنور السما
هو فعلا جميل
بص ادهم لملك وهي بتبص للقمر وشعاعه بيلمع ف عينها وسرح تعرفي انك حلوة اووي..قصدي صوتك صوتك حلو
بصتله ملك عرفت منين
سمعتك وانتي بتغني
لا مش حلو متجاملنيش يا ابيه
مش بجاملك يا ملك انتي بجد صوتك حلو.
شكرا لا انا كده اتغر
ضحك ادهم وهو بيضحك ملك بصتله طب م حضرتك ضحكتك حلوة اهو امال لي دايما لابس الوش الخشب
وش خشب ههههه انتي مش هتبطلي لغه السواقين دي
احلي حاجه انك علي طبيعتك مش بتتصنعي حاجه
لا كده كتير عليا الليله حضرتك هتتحسد هههه ابيه هو انا ممكن اسالك سؤال. !
ايوة طبعا انا سامعك
هو حضرتك لي سبت رزان
بص ادهم للسما..عشان مش بحبها معنديش مشاعر ليها حاولت كتير بس مش عارف وخاېف اظلمها معايا هي بنت جميله ومن عيله كبيره بس الحب نصيب هي كمان مكنتش بتحبني او بمعني اصح عادي بالنسبالها اصله ارتباط مصالح انا مكنتش قابل بيه بس حصل ڠصب عني ومش هقدر اكمل فيه عشان كده سيبنا بعض.
ملك بتبصله وكانت فرحانه من جوه اووي يبقي حضرتك بتحب بنت تانيه !
تقريبا كده انا ف بنت معجب بيها اووي وتقريبا بحبها بيبص ف عيون ملك عيونها جميله اووي وملامحها بريئه وطفوليه جدا
ملك حست انها اتخنقت لما قالها انه بيحب واحده وعيونها دمعت بس مسكت نفسها
وانتي ي ملك مش بتحبي حد
اناااا لا ااه بحب بس الظاهر انه مش بيحبني زي م بحبه
ادهم اتغاظ اووي وقلبه وجعه مين ده ي ملك عمرو
لا عمرو ده اخويا انا بحبه زي حسام اخويا وهو معتبرني اخته اووي.
امال مين ياتري
واحد حبيته اوووي وهو بيساعدني كتير بس هو بيحب بنت تانيه
اول حرف من اسمه اي
الف..اول حرف من اسمه الف
اتغاظ ادهم جامد ماشي ي ملك ادخلي نامي بقا الوقت اتاخر
ادهم كان كل يوم بيذاكر لملك وكل يوم يحبها اكتر وخاېف من الولد الل بتحبه يجي ياخدها منه ف يوم ملك كانت راجعه من المدرسه
تاني يوم ملك نازله من علي السلم براحه بتبص وخاېفه تقابل ادهم ف وشها ف كانت بتبص ناحية السفره وهو جااي من وراها مش شايفاه
بتدوري علي مين.
اتخضت ملك واتكعبلت وهوووب كانت هتقع من علي السلم ادهم بسرعه مسكها من ايديها ولحقها قبل متقع فضل ادهم ماسك ايدها شويه وهي ثابته مكانهاهو مركز ف عنيها وفجأه انتبه لنفسه سابها من ايده وقعت علي الارض من غير قصد
اااه لي كده يا ابيه يعني تلحقني من علي السلم وتوقعني علي الارض لا كتر خيرك بجد
نزل ادهم جمبها انتي كويسه ڠصب عني معلش قومي معلش وبيمد ايده ليها بتبص علي ايده وهي لسه قاعده ف الارض
لاااا شكرا انا هقوم اهو عاوز توقعني تاني
ابتسم ادهم كنتي بتبصي علي مين !
هااا ايه لا ولا حاجه انا هروح المدرسه بتبص ف الساعه ياخبر انا اتاخرت جدا مش هلحق البااص
طبعا لازم تتاخري مش نايمه نص الليل ياهانم
اسفه يا ابيه انا ماشيه وبتجري عشان تلحق الباص.. بعد شويه رجعت ملك..ابييه
لف ادهم ضهره
في ايه يا ملك ممشتيش لي
الباص مشي
طب استني هاجي اوصلك بعربيتي
ركب ادهم العربيه هو وملك وطول الطريق بيبصلها بطرف عينه وهي بتلعب ف الموبيل وبتبص من الشباك ومبسوط اووي بيها
بيكلم نفسه..وبعدين معاك يا ادهم هتفضل كده كتير وانتي ياملك اي حكايه الولد ده ياتري لسه بتحبيه..
ابييه يا ابييييه
هاا اي ياملك
عدينا الشارع ياسطا المدرسه عدت
اسطا..طب ابقي شوفي مين هيوصلك لما يفوتك الباص
رجع ادهم بالعربيه ونزل ملك عند المدرسه ومشي راح الشركه عمرو شاف ملك وهي نازله من العربيه وابتسم
اي يا لوكه السناره غمزت ولا اي
بس يا فقر مفيش حاجه حصلت
طب يلا علي الفصل ونتكلم ف الفسحه
عدي اليوم عادي جدا ما بين كلام شمس مع ملك وهزار امير مع ملكوغيرة ادهم علي ملك
يعني انتي هتمشي بكره يا امير
ايوة يا ملك لازم ارجع هناك شغلي وعشان حبيبتي متقلقيش هطمن عليكي علطول بالتليفون بس خدي بالك انتي من ادهم ده عريس لقته وبيحبك
اعمل اي يعني يا امير اروح اقوله بحبك
دخل ادهم وسمع اخر كلمه من الكلام واتمسمر مكانه
امير بيبدأ بحرف الالف يرقي
