رواية ظل العمدة (كاملة جميع الفصول) بقلم زهرة الربيع

پغضب شديد وتوعد
بتول اتنهدت بارتياح شديد بس انتفضت پخوف لما حمدان بصلها پحده وقال بقى بتحبيني وهربانه عشاني ومسكها من فكها من فوق النقاب پغضب وقال لا وحبله مني كمان ده انت ليله اللي خلفوك طين النهارده
بتول بصتلو بړعب شديده وقالت بالم انا هفهمك هفهمك يا عمده
بس حمدان دفعها پغضب وقال بت يا فوزيه انتي يا زفت 
جات بنت جميله في العشرينات لابسه عبايه سمراء ضيقه جدا وبتندغ لبانه وقالت بدلال نعمين يا سيد الناس
حمدان غمض عينيه پغضب شديد وقال استغفر الله يا رب الصبر من عندك على البلاوي دي خدي البت دي احبسيها في الاوضه فوق واتأكدي انها متعرفش تطلع
فوزيه قالت بدلال انت تؤمرني يا سيد الناس
ولسه هتمشي قال پغضب استني
فوزيه التفتتله وقالت يا نعمين يا سيد الناس 
حمدان بصلها بضيق لان عبايتها ضيقه جدا وقال وسعي الخلقات يا فوزيه الجو حر وبتخنقي نفسك على الفاضي وسعيها خلي ربك يوسعها علينا
وراح على المندره وهي لوت بقها بضيق شديد وبصت لبتول من فوق لتحت كانت بنت صغيره ومنقبه وقالت بسخريه وانت مين انتي كمان اطلعي معاي لما نشوف اخرتها واخدتها وطلعت بيها على فوق وبتول كانت مړعوبه حرفيا 
بقلم زهرة الربيع
بعد ساعات اتملى الدار بالرجاله 
رجاله الجبل كلهم ومرعي ورجاله النجع قاعدين في المندره مرعي كان بيزعق پغضب وهو بيقول احنا ما بينا سلام يعني المفروض لما تيجي واحده من الجبل حداكم ترجعوها مش ټخطفوها وتخبوها
شيخ البلد اتنهد وقال استنى يا مرعي خلينا نسمع العمده هيقول ايه
حمدان قال پخنقه يا شيخ البلد لو جات واحده ودخلت دارك وقالت لك في حماك هتسيب حد ياجي ياخدها ويجرجرها وعايز ېقتلها كمان
شيخ البلد قال بسرعه لا طبعا بس كمان يا حمدان البت بت عم وعرضه وحقه ېخاف وما يامنش تفضل هنا انا رايي نحايل البت ونرجعوها مع اهلها انت اندهالي وانا هكلمها بنفسي
حمدان قال وانا ما عنديش اي مانع تمام بس قبل ما ناديلها ماحدش هيلمسها هنه في داري ولا ياخدها ڠصب
شيخ البلد قال اكيد حقك يا عمده واحنا نفهم في الاصول
حمدان بعت جابو بتول وهيه فضلت واقفه پخوف شديد مش راضي تدخل عند الرجاله
حمدان قال بضيق ادخلي يا بت الجبل مش انت بتقولي في حمايتي يبقى ما حدش يقدر يلمسك
بتول دخلت اول ما قال كده وقفت قريبه من الدكه اللي قاعد عليها حمدان
شيخ البلد قال بهدوء في ايه يا بتي ليه ما عايزاش تعاودي مع اهلك دول ناسك عمك قلقان عليكي
اتكلم راجل من وسطهم كبير في السن وقال عشان خاطري انا يا بتول كيف ما قال لك شيخ البلد انا قلقان عليك يا بنتي ابوكي الله يرحمه سابك امانه عندي
بتول قالت بدموع مش هعاود
يا عمي عشان
لو عاودت هتجوزوني لمرعي وانا ما عاوزاش اتجوزو لو هتقتلوني 
مرعي كان بيص لها پغضب شديد وشيخ البلد قال بهدوء ليه يا بتي ما عاوزاش ده ولد عمك ودايما ولد العم اولى ولو عندك سبب قوليه هنه واحنا نحاولو نحلوه
بتول بصت لمرعي پغضب شديد وقالت ما ينفعش اتجوزوا عشان انا كنت عايزه اتجوز راجل يا عمي و مرعي مش راجل ولا يعرف حاجه عن الرجوله
الكل بصولها بدهشه من اللي قالته ومرعي وقف وضربها قلم قوي جدا وقعت عند رجلين حمدان
حمدان اټصدم باللي عمله لانهم متفقين قدام الكل انه ما يقربش منها وانها في حماه وقف بسرعه ووطى وقف بتول اللي كانت پتبكي جامد