سلاما على بقلم هاجر نور الدين

الحلقة الأولى
إنتي إي اللي جابك فرحي?
بصيت لأختي پصدمة وقولت
يعني إي إي اللي جابني ياياسمين مش أختي اللي ماليش غيرها ولازم أبقي معاكي في يوم زي دا
يعني إنتي عايزة تفهميني إنك مش جاية
إي الكلام اللي بتقوليه دا ياياسمين
بصيتلي ياسمين وإبتسمت بسخرية وهي بتقول
إي هتنكري إنك كنتي بتحبيه ولا اي
إتوترت وبصيتلها
لأ يا ياسمين وحتي لو اللي بتقوليه صح هو دلوقتي بقي جوز اختي وزي أخويا بالظبط وأكيد مستحيل أبص علي جوز أختي

إستني عشان هدمع من الإخلاص أنا مش عايزاكي في فرحي يا إسراء إمشي إطلعي برا
بصيتلها پصدمة وجه بابا وهو بيقول
في اي يابنات واقفين كدا ليه
بصلي لاقاني مدمعه فقال
مالك يا إسراء
أختي إتكلمت قبل مااتكلم
مالها!
الهانم عينيها علي جوزى وجاية تقولي أنهي الفرح عشان هي عايزة تتجوزه ولما هزقتها وقولتلها تطلع برا الفرح بتاعي إتمسكنت اول ماشافتك جاي
بصلي بابا پصدمة وڠضب خفيف وقال
إي الكلام اللي بتقوله أختك دا ياإسراء
والله العظيم يابابا كدابة انا كنت بباركلها ف هي إتهمتني إني جاية أسرق حسن جوزها وطردتني من فرحها
وبتعرفي تكدبي كمان أنا قولت انك اختي اللي ماليش غيرك وهتقفي جنبي في يوم فرحي بس الظاهر كنت غلطانة
ومثلت الدموع وإنها پتبكي راح بابا خدها في حضنه وطبطب عليها وبصلي پغضب وقال
متعيطيش ياحبيبتي دا فرحك مينفعش ټعيطي وإنتي ياإسراء روحي البيت دلوقتي ولما نرجع أنا وأمك هيبقي في حساب تاني
بصيتله پصدمة ودموع وجريت من قدامهم و وأنا بجري من القاعه ومش شايفة حد بسبب الدموع خبطت في واحد ومشيت من غير ماأكلمه
البنت دي عامية ولا اي
ياعم سيبك منها وتعالي نروح لمروان بس
بص هيثم وراه مكان ماكانت أسراء بتجري وبعدين بص لصاحبه وقال
يلا
روحت قعدت قدام النيل وأنا ببكي وقلبي محروق معقول بابا مصدقها مصدق عليا أنا كدا!!
طول عمرها المدللة وكل طلباتها مجابة وأنا نكرة ولكن هي أختي مش شايلة ناحيتها آي حقد أو غل أو حتي غيرة أنا أه حبيت مروان جدا بس حبه في قلبي إنتهي وعمرى مابوحت بيه لآي حد ورغم كدا ياسمين كانت عارفة بحبي ليه إفتكرت لما هي لمحتلي إن هي عارفة ولما جه يتقدم فكرته هيتقدملي أنا وكنت مبسوطة جدا ولكن صعقټ لما لاقيته جاي يتقدم لأختي وللغرابة إن أختي كانت عارفة وكانت مبسوطة!!
قولت يمكن هي بتحبه من قبلي وخلاص ربنا يسعدها لكن تتهمني إتهام زي دا وتطردني من فرحها دا اللي مكنتش متوقعاه نهائي والصدمات بتجيلي كتير أوي من أقرب حد ليا واللي هي للأسف أختي سرحت لما كنا بنتكلم عنه 
flash pakk
كنا قاعدين علي السرير وبنتفرج علي فيلم وفاجأتني بسؤلها
بقولك اي شوفتي الواد مروان الحليوة اللي بيشتغل في نفس الشركة اللي بيشتغل فيها بابا دا?
جاوبتها بتوتر
أه ماله
اممم مش عينك منه ولا حاجة أصل بسوف نظرات إعجاب من عينك كتير
أتوترت وبصيتلها وقولت بسرعه
لأ لأ لأ أنتي اكيد بيتهيألك
لأ مش بيتهيألي أنا متأكدة دانا أختك هو أنا غريبة عنك
بس بقي ياياسمين إسكتي
بصيتلي بخبث وقالت
يعني بتحبيه
مردتش عليها وإكتفيت بإبتسامة
pakk
نفضت الأفكار عن راسي وقولت
يمكن كانت بتسأل عشان تعرف إذا كنت بحبه او لا عشان لو بحبه تبعد عنه ويمكن عشان مردتش عليها وافقت بيه!
كنت بقول الكلام دا لنفسي بقنع نفسي بيه بس حتي لو يعني هي مفهمتش من الإبتسامة إي برضوا اللي هيخليها تقولي كدا
بصيت في الساعة إتلاقيتها داخله علي 12 وماما إتصلت بيا فوق ال مرات قومت بسرعة روحت البيت وأول مادلخت أتلاقيت بابا في وشي
كنتي فين ياأستاذة?
كنت قاعدة شوية علي النيل يابابا ومخدتش بالي من الوقت
جات ماما وقالت
إي يابنتي كل دا قلقت عليكي إنتي مشيتي إمتي أصلا
رد عليها بابا قبل ماأرد وقال
أنا اللي خليت بنتك تمشي بعد اللي كانت عايزة تعمله
بصيتله ماما بإستغراب وقالت
قصدك اي بالكلام اللي بتقوله دا ياعز?
قصدي إن بنتك كانت عايزة تسرق جوز أختها من أختها
بصيت لبابا پصدمة وإتلاقيت قلم نزل علي وشي من ماما و
يتبع 
الحلقة الثانية
إتلاقيت قلم نزل علي وشي من ماما وهي بتقول
دي أخرة تربيتي فيكي تبوصي لجوز لأختك
بصيتلها پصدمة هما بجد يصدقوا عني كدا!!
إي اللي بتقوليه دا ياماما حتي إنتي بتقولي عني كدا دانتي حتي قولتيها أنا تربيتك!
وهو أبوكي هيكدب
إتكلم بابا وقال
روحت وإتلاقيتها واقفة مع أختها وبتهددها تنهي الجواز عشان هي عايزة تتجوز مروان وعينيها منه
بصيتلهم وعيني كلها دموع وقولت
يابابا حرام عليكم أنا هبوص لجوز أختي الوحيدة إزاي مستحيل والله مستحيل
أومال ازاي اختك بتقولي إنك كنتي بتحبيه وجاية تقوليلها كدا يوم فرحها وتخليها تبكي في يوم زي دا
يابابا والله كدابة والله إنتوا ليه مصدقينها هي ومش مصدقني أنا هو انا مش بنتكم برضوا!
إتكلم بابا بنبرة حازمة وناهية للكلام
خلص الكلام علي كدا بيت أختك دا مش هتدخليه أبدا وأول عريس هيخبط علي الباب هتغورى معاه هي حصلت جوز أختك ياإسراء
هدي نفسك ياعز اللي إنت قولته هيمشي ياحبيبي
حرام عليكم متعملوش فيا كدا أنا عملت إي لكل دا والله ماعملت حاجة
سمعتي أبوكي قال إي ولا مسمعتيش يلا علي أوضتك دلوقتي ونبقي نشوف الموضوع دا بعدين
دخلت أوضتي وأنا مڼهارة موضوع التفرقة دا وحش أوي وبيوجع جدا مجرد فكرة إن أهلك بيفرقوا بينك وبين أخوك دا مؤذي بشكل نمت من كتر العياط وتاني يوم الصبح قومت ولبست عشان أنزل الكلية بتاعتي مانا مش هخسر كل حاجة ودي أخر سنة ليا خرجت برا كان بابا نزل شغله وماما جوا في المطبخ دخلت وقولتلها إني نازلة مهتمتش إتنهدت وسيبتها ونزلت بعد ماوصلت الكلية دخلت إتلاقيت سهام صاحبتي اللي كانت واخدة أجازة عشان سفرها
إي دا إي دا إي دا رجعتي إمتي ياندلة من غير ماتقوليلي
قامت وخادتني بالحضن وقالت
لسة راجعه إمبارح وحشتيني أوي
وإنتي كمان وحشتيني جدا بس مقولتليش ليه إنك رجعتي إمبارح
رجعت إمبارح علي الفجر أكيد مش هتصل بيكي الفجر وقولت أشوفك في الجامعه ومعلش بقي معرفتش أجي بدري وأحضر فرح أختك
إفتكرت اللي حصل إمبارح وقولت
لأ ياحبيبتي ولا يهمك
مالك فيكي اي شكلك حزينة اوعي تكوني عايزة تتجوزى زي أختك وتطلعي من الناس اللي بتزعل لما الأصغر منها يتجوز الأول
لأ مټخافيش المهم يلا ندخل المحاضرة قبل مانتأخر أكتر من كدا عشان دكتور حامد شديد وهيطردنا
لأ مانا سمعت إن الدكتور حامد بتاعنا إتغير وجه مكانه دكتور من جامعه تانيه وهيدرسلنا المادة مكانه
بجد!
طب يارب يطلع كويس بقي وميخنقناش زي دكتور حامودة
ضحكت سهام وقالت
أه لو شافك وإنتي بتقلشي عليه دلوقتي كان سقطتك في كل المواد مش مادته بس
ضحكنا ودخلنا المدرج وكان دكتور شاب وزي القمر وطول بعرض وعيون عسلي وشعر إسود وقمحاوي وحاجة كدا إستغفر الله العظيم إي اللي انا بقوله دا
كان بيشرح وسهام شاورتلي علي بنت وولد قدامنا بيحبوا في بعض ومش مركزين معاه وك آي إتنين صحاب قعدنا نتنمر عليهم أنا وسهام لحد ما الدكتور خد باله
إنتوا الأتنين قوموا أقفوا
بصينا لبعض پخوف وقومنا
إطلعوا برا
ردت سهام بسرعة
خلاص يادكتور مش هنتكلم تاني
قال بزعيق
سمعتوا قولت براا
رديت عليه وقولت
ماشي برا برا بس مش
عايز