قسوه ثم عوض بقلم شروق حسام
ده قلم صغير بصبرك بيه علي المر اللي هيحصلك وبكرا ابني أو بنتي اللي في بطني لما يكبر ويبقي ليه منصب عالي في الدولة هيردلك الصاع صاعين وولادك اللي هتخلفهم هتتكسف تمشي في البلد منهم كما تدين تدان وبكرا تفتكر كلامي كويس
والنهاردة قبل حتي بكرا تكون جايب المأذون عشان نتطلق ومش عايزة اشوف خلقتك تاني وكل حاجة هتنازلك عنها
واحدة من الجيران شافتها فدخلتها عندها بسرعة وادتلها لبس
شكرا يا أم زياد كتر خيرك
ولا يهمك يابنتي خلي بالك علي نفسك واعرفي أن ربنا مش بيسيب حق حد
عارفة انا متأكدة وواثقة أنه هيجيب لي حقي
قسۏة ثم عوض
شروق حسام
النوفيلا عن احداث حقيقيه
بقلم شروق حسام
بعد سنة ونصف
و ماما ماسلمتش من كلامها الچارح بعد ما أطلقت ده غير تنقلي من شغل لشغل عشان الاقي شغل كويس اشتغلت حرفيا كل انوع الشغل لحد ما استقريت في مصنع كريستال بس كل التعب ده مش مهم المهم دلوقتي بنتي شهيرة احلى حاجه حصلت لي في حياتي بنت قلبي
بس ياماما انا الفلوس اللي معايا علي القد تكفي طلبات شهيرة وطلبات البيت بالعافية
عفاف بنرفزة مش مهم بنتك اعمليلها أي حاجة طلباتها كترت اوي وانا مش ناقصة ۏجع دماغ اخوكي أولي
هند لسه هتتكلم عفاف ما اديتلهاش فرصه وفتحت شنطتها اخذت منها الفلوس وسابتها ومشيت
هند شالت بنتها وبتلاعبها شوشو حبيبة قلب ماما خليكي هادئة ومتزعليش تيتا ماشي يا قلبي
شهيرة ضحكت في وشها بطفولية
هند باستها بقوة كذا مرة يا لهوي على الحلاوه ايه القمر ده يا ناس
هروح الشغل بقى و وخليكي هاديه يا شوشو هتوحشيني يا حبيبتي
هند نزلت شهيره وادتها لباباها
ماشي يا هند متقلقيش دي نور عيون جدها
أنا ماشية عايز حاجة
عايز سلامتك
في المصنع
هند بإبتسامة صباح الخير يا بنات عاملين ايه
الاء بمشاكسة صباح الورد يا قمر انتي جاية متأخر دقيقة ليه وحشتينا كل ده تأخير
هههه اسفة يا أبلتي ڠصب عني
نفس حوار كل يوم بردوه
هند بتعب اه اعمل ايه بس الحمد لله
حاضر يا أستاذ مختار
الاء بقرف يخربيت شكلك ملزق مش راضي يحل عنك اسنانه بتقع وبيفكر بطريقه مقرفه زي شكله استغفر الله العظيم يا رب
هند بهدوء سيبك من كل ده انا هروح اشوفه عايز ايه ممكن يكون الموضوع ضروري بخصوص الشغل
الاء بتنهيدة تمام ادخلي له وانا مستنياكي متتأخريش
حاضر
بعد شوية
استاذ مختار حضرتك طلبتني في حاجه حصلت
مختار بنظرات شھوانية ده حصل وحصل كثير كمان مش هترضي عليا يا ست البنات ولا ايه
اه وبعدين كنت عارفه انك هتقول الكلمتين دول فاحب اقول لك يا كل اني مستقيله وهسيب الشغل اتفو عليك وعلى شكلك انت ونظراتك الشھوانيه دي انت يا راجل يا معفن كبير في السن ومخلف وعندك بنات فاللي انت بتعمله
فيا هيترد لك كما تدين تدان
مختار اتخرس وما عرفش يتكلم وهي سابته وخرجت
هند ايه اللي حصل عملك حاجة
ما تقلقيش ما عمليش حاجه قدمت استقالتي بس
الاء بضحكة شكلك طلعتي في كل العبر
ههههه ده حقيقة انا هروح بسرعه بقى شهيره وحشتني سلام
سلام خلي بالك علي نفسك
وانتي كمان
شوشو ياسين انتم فين يا حلوين جايبة لكم شوية مفاجأة
ياسين اخوها الصغير بطفولية وهو بيحضنها انوش جيتي وحشتيني
وانت كمان ياروحي فين شوشو
هند خلصت كلامها من هنا بصت قدامها لقت في ضيوف في الصالون
تعالي يا هند سلمي علي منصور جوزك
هند بعصبية تاني ياماما تاني انتي مش عايزه تسيبيني في حالي غير لما اموت ايه حسي بيا مره ربنا قال وبالوالدين احسانا بس مش بالطريقه دي ارحميني عشان ربنا يرحمك كنتي شايفاني بمۏت مع خالد ما كنتيش بتفتحي بؤك عرضتيني زي السلع عليه ما كنتش بقدر اتكلم بسببك لما يجي يضربني او يشتمني ودلوقتي جايبه لي واحد كبير في السن عشان اتجوزه ان هو قريبنا استاذ منصور ده انت المفروض يكون عندك شويه ډم وما كنتش جيت
عفاف بنرفزة معلش يا جماعه هند اعصابها تعبانه شويه من بعد جوازتها الاولي هدخل اتكلم معاها وهتلم هدومها وهتيجي مع منصور
عفاف بهمس حاد وهي بتشدها من ذراعها قدامي يا اللي عايزه الحړق ده انا هموتك يا بنت الو
هند حطت ايديها على وشها بعد ما مامتها ضړبتها القلم ده عشان تحترمي نفسك وتعرفي انتي بتتكلمي مع مين وتلمي دلوقتي هدومك وتروحي معاه ابوكي كتب كتابك عليه عايزه الناس تاكل وشي بعد ما فضحتيني بطلاقك من خالد ما كانش في حد هيقبل بيكي وانتي مطلقه وعندك بنت فعشان كده ابوكي جوزك
انا ما عنستش يا ماما عشان تقولي كده انتي جوزتيني منصور اللي قد بابا ده مش قد بابا كمان ده اكبر منه
ما ليش فيه ويلا عشان تروحي معاه مش بحب اتكلم كثير
عفاف خلصت كلامها وسابتها ومشيت وهي وقفت مكانها مصدومه وحاسه ان الارض بتلف من حواليها مش معقول دي مامتها اه مش معقول هي هي جايه من ميتم او بنت حد غريب
قسۏة ثم عوض
شروق حسام
الجزء السادس
بقلم شروق حسام
أنا موافقة أكمل معاك هات يا بابا قسيمة الجواز امضي عليها
سامح بصلها بقلة حيلة واداها الورق بهدوء
هند مضت علي الورق وشالت شهيرة يلا
منصور بغلاظة سيبي بنتك هنا
هند پصدمة وهي بتحضنها جامد يعني ايه انا مقدرش اسيب بنتي وابعد عنها
منصور بعدم اهتمام ووقاحة هي فترة سنة أو سنتين أكون انبسطت منك فيهم بعدها
عفاف بتحذير خفي متخفيش يا هند سيبي شوشو هنا مش هيحصلها حاجة يعني دي مع جدها وجدتها مش كده ولا ايه
هند فهمت قصدها ايه وأنها هتخلي كل الاذي بعدين لبنتها
تمام
بعد سنتين
فضلت بټعذب فيهم من بعد بنتي عني ومن معاملة ولاد منصور ومن بخله حتي وأنا حامل
بنتي كنت كل كام يوم بعد ما منصور يروح الشغل اروح ازورها من غير ما يعرف
شوشو حبيبتي وحشتيني يا عمري
ما ما ما ما
هند شالتها براحة عشان الحمل ولسه بطبطب علي شعرها شهيرة عيطت بۏجع
هند بخضة بنتي حبيبتي بټعيطي ليه يا قلبي ايه ده
مااامااا يا مااماا
فيه ايه يا بت بتزعقي ليه
ايه اللي في رأس شهيرة ده ايه اللي حصل وأنا مش موجودة
عفاف ببرود كنت بغسل السجاد من كام يوم ووقعت علي دماغها
