رواية حكايتى معاك (كاملة حتى الفصل الأخير) بقلم مجهول

ي انسه ممكن لو سمحتى طلب 
بصيتله وانا مش طايقه نفسى .. نعم فى حاجه !
احم انا اسف لو مش هضايقك يعنى ممكن تصورينى لاحسن انا قاعد لوحدى واصحابى مج .. قطعت كلامه وانا مالى اصلا جم ولا لا تقدر تخلى اى حد غيرى يصورك ..
انا اسف مره تانيه انا مكنش قصدى اى حاجه وحشه عن اذنك ..
مشى وقعد ع الكرسى ال كان جمب الكرسى بتاعى بحوالين مترين .. مهو برده جاى يتلزق فيا اى جو الشقط دا هو فاكرنى اى .. بس فى نفسى زعلت اوى انا عمرى مكلمت حد بالاسلوب دا هو ذنبه اى يمكن مكنش يقصد حاجه اوف انا بغبائى دبش دددبش .. بصيت لقيت قاعد باصص للنيل وخدت بالى أن كل ال موجودين كابلز ماعدا انا وهو طبيعى يطلب منى اكيد مش هيروح لحد يقوله صورنى وانا لوحدى .. غبيه ي هند غبيه .

احم اسفه مكنش قصدى اكلمك كدا بس كنت مټعصبه شويه 
ابتسم لا عادى مافيش مشكله ي انسه .
احم هند قولتلى عاوز كام صوره ي قولتيلى اسمك اى 
معاكى احمد بالنسبه للصور كفايا خمسه سته كدا ولا هتقل عليكى .
ابتسمت لا عادى براحتك .. صورته صورتين وكان فونه فصل .. اوبس
انا عارف حظى يلا مش مهم ..
انا ممكن اصور بفونى لو عاوز وابعتلك مافيش مشكله خالص .
فرح اوى زى مايكون كان مستنى اقول كدا بجد ! بتتكلمى جد 
مالك مستغرب كدا ليه اه عادى .
تمام متشكر جدا وفعلا صورته واتفقت اول مروح هبعتله الصور ..
استأذنت ومشيت وروحت وانا جوايا حاجه غربيه انا ازاى قدرت اعمل كدا اول مره في حياتى اكلم شاب لا وكمان صورته بفونى ومش بس كدا لا دا هبعتله الصور يعنى محتاجه واتس .. انا ازاى محسبتش كل دا ..
رنا وهتعملى اى. دلوقتى ي ست هانم هتكلميه .
انا من امتى بكلم حد ي رنا كل الموضوع أنه صعب عليا وبصراحه كنت رخمه اوى معاه قولت أصلح الموقف
رنا ماشى ابعتى واوعى تكلميه ي بنتى دول بتسلوا مش اكتر .
حاضر والله مټخافيش عليا ..
وفعلا بعتله ع الواتس انا اسفه جدا أن اتأخرت ع مبعت واسفه مره تانيه ع طريقى الصبح.
ف نفس اللحظه كان بيرد زى مايكون كان مستنى أكلمه فرحت مش عارفه ليه من جوايا..
انا قولت انك نسيتى ومش عارفه اشكرك ازاى ..
لا عادى دا حاجه بسيطه ..
بعت والله مش قصدى حاجه وحشه انا غرضى كويس ع العموم انا اسف مره تانيه ..وقفل .
نمت وجه ف بالى رد رنا دول بيتسلووووا اوف مخلااااص خلاااااص ي رنا ابوس رجلك عرفت كلهم نيله ي باااى عليكى ونمت 
وعدى اليوم ويوم تانى خلصت محاضرات انا ورنا .
رنا لازم يعنى نجيب المذكرات دى انا تعبت نعمل اى بس مش لازم ننجح يلا روحى هاتيهم وانا هستناكى ع الكورنيش عاوزة اشم هوا نضيف.
رنا خدامه اهلك انا روحى مش هتأخر عليكى ..
ولسه بلتفت لقيته جاى وقعد بعيد شويه .. كان بيبصلى وانا كمان بصتله بس عملت نفسى مش واخده بالى وكل واحد فينا يبص التانى ويعمل عبيط قعدنا لمده ربع ساعه ...
رنا كانت اتأخرت قولت مبدهاش بقى وقومت أمشى لقيته بيبصلى جامد قمت اشوف رنا اتأخرت ليه وحاولت مبصلوش وعملت نفسى باصه ف الفون وشغلت اغانى عشان مسمعتش الدوشه اللى حواليا وكان فيه ولد بيلعب بالكوره وبيشوط جامد لقيت احمد بيشاورلى طبعا قولت عشان
يفتح