قصه مشوقه

لو اعترفتلك وأنا عارف إني مش جاهز وإن أهلك مش هيقبلوا بيا طول مانا معنديش وظيفة ثابتة حتى قررت أخبي حبك جوا قلبي لحد ما ييجي الوقت المناسب لأني كنت متأكد إني لو اعترفتلك هنتخطى كل الحدود اللي راسمينها لنفسنا وأنا مكنتش عايز كدا لكن دلوقتي هقدر أعترفلك وأقولك إنك كنت حب طفولتي وصبايا يا نور كنت الحلم اللي عشت حياتي أتمناه.
ابتسمت لفكرة إن حتى الكلام اللي بفكر فيه هو كمان بيفكر فيه هو بجد أنا ازاي مكنتش واخدة بالي ليه بندور على أحلامنا برا الواقع وبننسى الواقع اللي ممكن يكون أجمل بكتير
قوليها يا نور قولي إنك بتحبيني قولي إنك هتكملي حياتك معايا وإن صبري ودعائي مش هيخيب قولي إنك هتبقي ليا.

ملقيتش أي كلام يوصف إحساسي لغبطتي ومشاعري وخۏفي! خۏفي من إني أكون في حلم!
محسيتش بنفسي غير وأنا بحرك راسي بسرعة بمعنى اه وابتسامتي ودموعي بيتسابقوا على ملامحي مش عارفة إذا كان حلم وإلا لا لكن اللي بتمناه إنه لو حلم مصحاش خليني فيه العمر كله لأن حلمي الجميل معاه أحلى من واقع بعيد عنه.
بتفكري في إيه يا روحي
فوقت من سرحاني في بلكونتنا اللي زينناها بالحب سوا على صوته اللي أصبح أحن حاجة في يومي وفي حياتي.
بفكر فينا وفي البلكونة.
ابتسم لما لمح ابتسامتي وحسيت بيه بيفتكر كل لحظاتنا سوا.
كنت محلية أيامي ودلوقتي حليتيها أكتر ومليتيها عليا دلوقتي أقدر أعترفلك كل لحظة وكل دقيقة من العمر قد ايه أنا بحبك وقد ايه حمل حياتي خف لما شيلتيه معايا.
أنت ازاي بتقرأ أفكاري كدا ازاي بتقدر تعرف كل حاجة بفكر فيها بسهولة
عشان بحبك واللي بيحب بيتطبع بطبع حبيبه وحتى أفكاره ومعتقداته بيبنيها على أساسه وتلقائي بيلاقي نفسه بيفكر فيه قبل أي خطوة وأي كلمة عشان يتأكد إذا كانت هتفرحه وإلا لا وهو ايه الحب غير فرحة شريك حياتك 
أنا بحبك أوي يا أدهم كنت قبلك خاېفة خاېفة من كل حاجة حواليا وخاېفة مالاقيش اللي يفهمني ويحتوي خۏفي بس أنت فعلا أحن مني عليا وعمرك ما مليت من شكاوي المستمرة ولا خۏفي الغير مبرر بالعكس بتحسسني قد ايه أنا جميلة وأستاهل أتحب.
عشان أنت فعلا كدا يا عيون أدهم ومن غيرك مش عارف حياتي كانت هتبقى عاملة ازاي ولكن اللي متأكد منه إني لو دلوقتي في حلم فبتمنى مصحاش منه لأن حلم جميل معاك أحلى بكتير من واقع بعيد عنك.
ده اللي ما بيني وبينك كان في السما متقدر
لازم كنت هحبك مهما لقانا اتأخر
حتى في آخر يوم من عمري
كنت هجيلك بردو يا قدري
وإن الروح إذا التقت بمن يشبهها ترممت وتعافت واكتملت .
نورهان صبري.
رأيكم في كومنت لطيف