رواية اختيارها السئ (كاملة حتي الفصل الاخير) بقلم امل صالح
بس تقيل شوية لكن مش دهب أصلي وأي حد يعرف بسهولة عمره ما يوصل ل آلاف حتى.
بصت فتحية لنسمة اللي كانت حاطة ايدها على بقها پصدمة وقالت بحسرة أحيه يا نسمة أحيه يا قلب أمك.
خرجوا من المكان هيتجننوا كان عندهم أمل يطلع دهب أصلي أو حتى يبقى سعره لو إتباع يجيب نص ال 50 ألف اللي خدهم منها حمدي.
هنعمل إيه دلوقتي يا ماما أنا خاېفة أوي.
بصتلها وكملت بوعيد اصبري بس نخلص من الحوار دا اصبري عليا يابنت بطني.
ردت عليها بصوت أشبه للباكي طب وأنا كنت أعرف منين كل دا أنا ذنبي إيه يعني
وقفت فتحية في نص الشارع وزعقت ذنبك إيه أنت لو شايفة إنك معملتيش حاجة تبقى مصېبة يا نسمة.
بصتلها فتحية بدهشة يابنتي أنت هتجنينيني أنت إيه التناقض اللي أنت فيه دا
طب إحنا رايحين فين دلوقتي هنعمل ايه ولا هنتصرف إزاي
هنروح لبتاع الدهب ابن ال نخليه يقر ويعترف وبعدين نروح لإبن ال حمدي نعرفه إننا معانا دليل ولو مرجعش الفلوس هنروح نبلغ عنه.
نعرفه بعدين لما نخلص ونشوف هنوصل لإيه.
مهو .. مهو أكيد هيحس يعني.
يبقى ربنا يسهلها ساعتها هو دا المحل
قالتها وهي بتقف قصاد محل الذهب هزت نسمة راسها فبصتلها فتحية عملت زي ما قولتلك
هزت راسها مرة تانية ودخلت ورا فتحية اللي زقت الباب بعصبية ودخلت تزعق مين اللي مشغلك هنا.
رد عليا أنت شغال تبع حد ولا المكان مكانك.
بصلها ورد وهو مش فاهم حاجة لأ شغال تبع الحج منصور العمدة في ايه
بص لنسمة وهو بيحاول يفتكر شافها فين قبل كدا ملامحها مش غريبة عليه.
قعدت فتحية على كرسي من الكراسي واتكلمت وهي رافعة حاجبها كلمهولي.
خرج من ورا الحاجز اللي بيفصل بينه وبين الزباين ووقف قصادهم يا مدام لو في مشكلة عرفيني وأنا هوضح لحضرتك.
كانت نسمة متابعة پصدمة بتشوف مامتها بشكل جديد لأول مرة! بقى دي امها فتحية الست الطيبة دي أكيد ملبوسة!
طب ممكن تفهميني أنت يا آنسة طيب
كانت على وشك تتكلم فقاطعتها فتحية وهي بتقف لأ اتكلم مع أم الآنسة يا عسل اللي قدامك دي جت من 3 شهور هي واللي ما يتسمى خطيبها وخدت دبلة ومحبس وطلعوا صيني..
نفى براسه وهو بيبلع ريقه بتوتر أنا مش فاهم حضرتك بتتكلمي عن إيه.
نسمة اطلعي هاتي رقم
