رواية مهرة القاسم الفصل الثاني والثالث بقلم زهرة الربيع

بجد هنجرب شهر واحد ولو فشلنا هعملك الي تطلبيه
مهره قعدت بحماس وابتسمت وقالت يعني لو قلت لك اني محبيتكش بعد الشهر ده هتطلقني
قاسم بصلها بغيظ وقال.. يا سلام هو الموضوع يفرح قوي كده على العموم تمام موافق بس زي ما قلت لك هنحاول بمعنى هتسمعي الكلام وتنفذي وبس
مهره اتوترت من كلامه وقالت يعني محاوله زي ايه مثلا

. يعني بمعنى هنكون سوا في كل حاجه هنخرج سوا ونتكلم سوا وننام سوا بس كل حاجه هنعملها سوا مش زي العاده انا اعمل وبس فهمتيني
مهره كانت زي العاده مش بتبادله مشاعره ابدا بس المره دي كانت في حاجه مختلفه غمضت عينيها باستسلام لانه لاول مره يعاملها بالحنيه دي
بلعت ريقها وهزت راسها بالرفض وهيه متاكده انه مش هيسمع لها ابدا بس اتفاجئت لما قال.. على راحتك يا قلبي براحتك خالص
وقام من جنبها وهو بيحاول يتنفس وياخذ نفسه ويهدى كان بيحاول يكسب رضاها ومستغرب ومش مصدق انو بعد عنها في الوقت ده
مهره مكانتش مصدقه رمشت بعنيها بدهشه وقالت.. هو انت بجد هتسبني
قاسم بصلها بابتسامه حلوه وقال..مش انتي عايزه كده
مهره قالت باستغراب ..اه ..اه طبعا ده اللي انا عايزاه بس من امتى يعني
قاسم ضحك ضحكه جميله وقال..مش على اساس اتفقنا من شويه
مهره قالت ماشي يا ريت نفضل عند كلامنا عشان شكلك شارب حاجه وانا مش مطمنه
قاسم ضحك وقرب منها وقال.. كل الحكايه اني ھموت وادوق حلا رضاكي هاموت واحس بيكي بتدوبي بين ايديا 
اتنهدت وقالت... بس انت بتضيع وقتك
قاسم ابتسمت بغرور وقال.. بكره نشوف اذا كان وقتي اللي هيضيع ولا قلبك يا مهره
بقلم..زهرة الربيع
مهر ابتسمت وقالت.. طيب تمام كده مدام هيبقى الموضوع بمزاجي يعني مش مضطره انام دلوقتي خلينا نشوف فيلم
قاسم بصلها بدهشه شديده وقال.. هو انتي كنتي بتنامي مني قاصده علشان ما قربلكيش
مهره قالت.. بصراحه اه
قاسم بصلها بغيظ وقال... للدرجه دي انا هم تقيل على قلبك...ما علينا قومي خلينا نسمع انا عندي فيلم يجنن
مهره ابتسمت وقالت.. تمام يلا نسمعه
و فعلا شغل الفيلم كان فيلم اجنبي رومانسي جدا وكانو بيسمعوه سوا ومبسوطين جدا
وهم بيتفرجو جه مشهد جريء شويه
مهره نزلت عنيها في الارض بكسوف بس قاسم لقى فرصته وقال ..شوفي المشهد ده حلو ازاي ايه رايك
مهره نزلت عنيها في الارض اكثر وقالت انا مش بحب المشاهد دي اصلا
قايم ضحك جامد وقال بس انا بحبها قوي .قرب اكثر وقال بغمز ...بحبها في التمثيل وفي الواقع
مهره ضحكت ودفعتو وقالت...وبعدين بقى ..سيبك بجد من الكلام ده .. عايزه اسالك عن البنت اللي كانت تحت معاك مين دي
قاسم استغرب سؤالها و قال ...هتكون مين يعني واحده اعرفها والسلام
مهره قالت بضيق ..بس ذوقك مش قد كده على فكره
قاسم ضحك من قلبو وقال..ايه معجبتكيش..عندك حاجه احلى
قالت بضيق بتحاول تداريه...طبعا فيه كتير احلى من كده
قاسم قال ...يا ستي اهو الموجود ..ما انا لو مراتي مطرياها عليا محتاجش للاشكال دي
مهره قالت..يا بني انت اي شقط والسلام...اسمع الفيلم بقى وانت ساكت
قاسم ابتسم وقال..طب تعالي اسمعيه في حض٨ني..خلي الواحد يحس بالرومانسيه ..بلاش نعشها
ضحكت جامد وقالت..قاسم اسمع بسكات ولا قوم امشي
قاسم ضحك وشدها عليه وسند دماغو على دماغها ووبقى يتفرج معاها بانبساط..وهيه ممنعتهوش ابدا واتنهدت بارتياح شديد
بعد شويه كان بيكلمها لقاها نامت على كتفو زي البيبي 
في صباح يوم جديد قامت من النوم لقت نفسه ابتسمت وقربت منو وبقت تبص لملامحه وقالت يا سلام لو تفضل كده على طول

يا ترى بتحبيني فعلا ولا بتصيع عليا يا قاسم
قالت كده ولسه هتقوم شدها عليه اصتدمت بصدره وبقى يبصلها بابتسامه
مهره اتفاجأت انه صاحي واكيد سمعها قالت بتوتر.. انت انت صاحي
قاسم ابتسم ابتسامه جميله وقال ...اكيد مش بصيع عليكي...واعملها ازاي ده انتي عليكي جوز عيون يصيعو على البلد بحالها
مهره ابتسمت بكسوف وقالت ..وايه كمان عاجبك غير عيوني
قاسم ابتسم بسعاده شديده جواه لانها بتتكلم معاه وعايزه تعرف عن مشاعره قال... كل حاجه فيكي...و بعد شعرها الغجري اللي نازل على عيونها وقال بعشق كل حاجه فيكي كلك على بعضك تحفه عيونك..وشعرك وملامحك...وبصلها بوقاحه وركذ عيونه على بيجامتها كانت مفتوحه اول زرارين بلع ريقه وقال...وفيه حاجات اجمد بكتير..بس مش هقول
مهره بصت مكان ما بيبص واتفاجئت ان زراير بجامتها مفتوحه بعدت وبقت تقفلها وهي بتبص له بغيظ وقالت انت وقح قوي على فكره انا لما سالتك ما كنتش اقصد كده
قاسم ضحك جامد ضحكه جميله قوي وقال ..مش كل حاجه لازم تاخد حقها يا قمري انت لو استنيتي كنت لسه هقولك كل اللي بيعجبني بالتفصيل حته حته
ضحكت على جنانو وقامت وقالت طب يلا كفاياك هزار . زمان اخوك مستنيك و راحت تاخد دش
قاسم قال بابتسامه ...الصبر من عندك يا رب
بعد شويه كانو نازلين سوا وبيتكلموا وبيضحكوا على السلم وشاكر وعليه كانو بيبصولهم بزهول مستغربين جدا لانهم اول مره ينزلوا سوا واول مره ينزلوا مبسوطين اصلا
مهره قالت بابتسامه صباح الخير
شاكر وعاليه رد الصباح وعليه قالت بابتسامه..ده صباح عسل النهارده .. شايفاكم ضحكات وبسمات يعني عيني بارده عليكم انا ماسكه الخشب اهو
مهره ابتسمت بكسوف وقاسم ضحك وقال لا تمسكيش الخشب ولا حاجه الموضوع ده هيتكرر كثير ابتسمت وقالت ان شاء الله يا رب طيب انا هاخد مهره وندخل نحضر لكم الفطار
مهره دخلت معاها وهو قاعد مع اخوه اللي غمازله وقال ايه النظام مش عوايدك يعني
قاسم ابتسم وقال..قلت اجرب الحنيه يمكن
شاكر قال .. صدقني مش هتندم هتشوف اصلا الستات مش بتيجي بشده ابدا... انا قلت لك الكلام ده قبل كده
قاسم اتنهد وكان قلقان وكل تفكيره لو فعلا بعد الوقت اللي قضوه سوا ما قبلتش بيه ازاي ممكن يطلقها بقى يحاول يشيل اي افكار من دماغو 
بعد شويه جهزو الفطار وقعدو يفطرو في هدوء والجميع مبسوط وخلصو الفطار وهم بيلموا السفره اتفاجئو بشخص دخل وقال صباح الخير يا بهوات
عليه وشاكر بصوله باستغراب
لكن مهره وقاسم اتجمدوا مكانهم لما شافوه ولسه
شاكر هيكلمو ا تقدم عليه قاسم پغضب وقال انت ازاي تيجي هنا ...امشي اطلع بره...بره
ولسه هيمسك فيه جري عليه شاكر وبعد عنه وقال في ايه مين ده
عليه قالت پخوف مين ده يا مهره في ايه حد يفهمنا يا جماعه 
الشاب قال بتوتر انا جمال ابن عم مهره وكنت خطيبها وبص لمهره وقال..واخيرا لقيت حل هيخلصك من كل ده يا مهره