رواية يليق بكي ملاكي بقلم كيان كاتبة كامله

أنتي مش واخدة بالك أنك أنتي اللي فبيتي !
تلفتت
حولها لتجد أخذت تنظر حولها لازالت في فراشها يدثرها الغطاء أخذت تبكي بشدة و هي تحتضن نفسها به وتحتمي مما لا تعلم أراحها على صدره و أخذ يربت على ظهرها بحنان و يرتب خصلات شعرها حتى هدأت 
خلاص بقيتي كويسة دلوقتي 
الحمد لله الحمد لله أنه حلم مش حقيقة كانت عايزة ټموتني 
مين دي 
نسمة 
إيه اللي فكرك بيها دي! دا أنا نسيتها تماما 
و أنا كمان بس شفتها جايبة حية عايزة تعضني وتاخد الغطا بتاعي و كانت عايزة تخنقني بأيديها وتاخد مني حاجة بس مش عارفة إيه هيا 
يا ساتر أعوذ بالله إحنا بكرة نطلع صدقة بنية دفع الضر وربنا ينجينا عايزك كمان تخفي الحمل عن نفسك شوية طول ما انتي شايلة فوق طاقتك هتفضلي تشوفي كوابيس وهتتعبي 
حاضر 
على المقهى ولأول مرة ينضم علي لجلسة الأصدقاء مع أخيه أحمد و صديقه خليل
ما شاء الله اتخرجت وبقيت راجل ملو هدومك إحنا نشوفلك عروسة بأه 
و الله ما تتعب نفسك أنا مبسوط كده يعني هما اللي أتجوزوا عملوا إيه !
نظر أحمد و خليل لبعضهما واڼفجرا ضاحكين قال أحمد من بين ضحكاته 
وطي صوتك أختك تسمعنا تبقى ليلتي مش فايتة 
وأنت ليلتك متفوتش ليه ! أنا اللي بقول مش أنت 
آه يا فالح بس بتقولها و أنت قاعد معايا
جعل خليل صوته غليظا 
أسد يالا فيه إيه !!
ضحك ثلاثتهم وبعد أن انتهت ضحكاتهم تكلم علي
هنفضل قاعدين كده واللي حړق المخزن مش عارفينه بكرة يعلم علينا في حاجة جديدة تقضي على الباقي منا 
يا علي أنا حاولت أعرف و حتى البوليس موصلش لحاجة مفيش دليل على حد بعينه ومعرفش أتهم حد مش أي حد بينا وبينه عداوة أو مشاكل ممكن ېحرق المخزن 
تدخل خليل 
يا علي نفكر مع بعض أحسن بس برضو ممكن تفكيرنا ميوصلناش بحاجة 
أحمد 
أنت مش زرعت كاميرات مخفية في المخازن من غير ما حد يحس من العمال عشان لو فيهم حد جاسوس أو حد منهم اللي عامل كده نعرفه سيبها على الله وهو هيكشفهم 
علي 
طيب ما من ساعتها محصلش ولا شفنا حاجة 
خليل 
يعني هو اللي عمل المصېبة بتاعت المخزن هيكررها كده بسرعة ! أكيد هيستنى لحد أما تاخدوا أمانكم
علي 
أنا جتلي فكرة كويسة إيه رأيكم نفضي مخزن من المخازن وننضفه ونشيع أننا هنجيب فيه بضاعة كتير بمبلغ كبير أوي يعوض كل خساير الحريق وندخل المخزن ده حاجات شكلها كبير ع الفاضي و نراقب المخزن لحد ما نشوف مين ورا اللي بيحصل ونخلص من الکابوس ده 
أحمد 
فكرة كويسة أنا أعرف سواق تريللا كبيرة ابن حلال ممكن يساعدنا في اللعبة دي ونعبي المخزن كراتين فاضية و شولة معبية سفنج و أهو أخلص من كوابيس أختك بالمرة 
علي 
كوابيس إيه مالها نعمة 
إمبارح كل أما تغمض عينها تشوف كابوس أن ناس بتتهجم علينا و أن نسمة جايبة لها حية و بټخنقها 
علي و خليل في صوت واحد 
نسمة !!!
علي 
إزاي تاهت عن بالنا بنت الأبالسة دي !
أحمد 
بتفكروا في إيه 
خليل 
دي واحدة شيطان بمعنى الكلمة وكانت مستغلة طيبة قلب مراتك وأنها الوحيدة اللي أشفقت عليها و على حسب اللي شفتها منها أيام ما كانت بتحاول تعملني كوبري ليك أنها مش هتتردد تعمل أي حاجة بس متحسش أنها حد انتصر عليها 
علي 
اسألني أنا أنا سجلتلها بلاوي وهي بتتكلم مع الحيوان اللي اسمه هاني و هما الاتنين مكويين منك أنت ومراتك عشان
معرفوش يطولوا حاجة 
أحمد 
بصراحة أنا فكرت في لوزة و أمها هما اللي عارفين مكان المخزن 
علي 
خلينا نفكر ومنستبعدش حد إحنا نشوف حد من رجالتنا الموثوق فيهم يراقبوهم ونشوف مين فيهم اللي هيوصلنا لحاجة وبرضو نكمل موضوع المخزن ده عشان نشجعهم يتحركوا و ميستنوش 
خليل 
ههههههههه سيبوا عليا الموضوع ده أخو المدام بېموت في المغامرات وقصص الجاسوسية وهيفرح أوي هو وصحابه بالموضوع ده بس أبقوا أعملولهم ميدالية و ألا كاس و ألا حاجة 
أحمد 
هههههههه بس كده دا أنا هديهم الجايزة التقديرية في حروب الجاسوسية بس يرسونا على بر 
وبعدين ياماما أنتي مكلتيش من الصبح مش كويس تفضلي كده حتى بابا هيتعب أكتر لما يشوفك كده 
مش قادرة يا نعمة نفسي مسدودة حاسة إن روحي هتطلع و أنا ببلع أي لقمة سيبيني و أنا لما أجوع هاكل 
طيب وبابا مش هتدخلي تأكليه بإيدك !
لأ ادخلي أكليه أنتي هو بيحب ياكل من إيدك هو معدش طايقني ولا كان عايز يرجع لولا تعبه مكنش رجع 
متقوليش كده بس هو ميقدرش يستغنى عنك 
الظاهر أني غلطت لما فكرت أني ممكن أعيش معاه حياتي من جديد و أقدر يبقى ليا مكان عنده ياريتني عشت أربي ولادي ولا اتجوزت و لا فكرت فحاجة غيرهم 
معدش ينفع الكلام ده آه إحنا معندناش بنات تطلق قومي يا كاميليا روحي لجوزك أكليه وبلاش دلع الراجل تعبان وألا عايزاه يقول أننا معرفناش نربي بناتنا وبيسيبوا أجوازهم عيانيين ويقعدوا بعيد يعيطوا 
مش قادرة أضحك يا نعمة
إضحكي إضحكي محدش واخد منها حاجة ادخلي غدي جوزك عما أكلم نهى وأشوفها أتأخرت ليه 
بس يا ستي وصحيت لقيت أحمد بيفوقني و مش فاهمة مين اللي جوا اللي عايزة تاخده ولا إيه اللي عايزاه مني 
مش بعرف بصراحة في تفسير الأحلام بس اللي أعرفه طالما التعبان مقرصكيش يبقى كويس وربنا نجاكي بس اللي جوا ده مين وجوا فين 
صمتت قليلا تفكر ثم وقفت فجأة 
بت يا نعمة تكونيش حامل ويبقى هو ده اللي جوا 
تفتكري يا نهى ! يارب بس هنعرف إزاي 
سهلة هنجيب اختبار حمل من الصيدلية ونتأكد ولو طلعتي حامل خدي بالك من نفسك وقللي مجهودك 
يارب أطلع حامل يا نهى أنا معتش قادرة أشوف نظرات الناس ليا وكل شوية أسئلة ومكشفتيش ليه و مفيش حاجة بقالك سنة ونص واللي اتجوزوا بعدك عيالهم على ايديهم أنا نفسي أبقى أم حتى أحمد لما بيبقى منتظر الحمل ونتأكد أن مفيش بشوف في عيونه احباط بيموتني 
إن شاء الله هتبقي حامل الحلم مالوش معنى غير كده 
ما أصعب أن تتمنى ولا تقابلك إلا خيبة الأمل في كل مغادرة نهار فلا يبقى أمامك إلا الليل لتعش فيه ظلاما حالكا يؤذي كل مشاعرك وتعمى فيه عيونك وتنتظر من جديد عودة الفجر وتمني نفسك بأمل سطوع الشمس لتحيل برد حياتك لدفء ولكن تتكرر الأعاصير وتحجب السحب النور والدفء وتمطر الحياة احباطات تغلق كل بصيص من أمل قد يطل من بعيد 
نعمة يا نعمتي أنا جيت أنتي فين 
مسحت دموعها سريعا و مسحت آثار بكائها 
أيوة يا حبيبي أنا هنا في المطبخ أنا جاية أهو 
خرجت من المطبخ لتقابله في الردهة 
حمد الله على السلامة الدكتور قال إيه 
إنتي كنتي بټعيطي 
لا كنت بقطع بصل قولي بس الدكتور قال إيه 
قال فيه تحسن واضح وعمي بإذن الله هيرجع يتكلم كويس و رجليه بتتحرك وفيه أمل أنه بنهاية العلاج الطبيعي يمشي على عكاز ويقدر يروح الشغل كمان 
الحمد لله ربنا كريم هتتغدى 
هتغدى بس لما تقوليلي الأول كنتي بټعيطي ليه ومتقوليش البصل أنا مش شامم ريحة بصل 
مفيش حاجة بس مخڼوقة شوية بقالنا كتير مش عارفين لا نرتاح ولا نفرح وتعب بابا ونفسية ماما كل يوم في النازل 
وإيه تاني و مفيش حمل 
نظرت له ثم اڼفجرت بالبكاء فاحتضنها 
شفت اختبار الحمل في باسكت الحمام وأنا بحلق الصبح عشان كده كنتي متغيرة امبارح والنهاردة بټعيطي كل العياط ده يا نعمة كله بأوانه وربنا هيكرمنا ولو مخلفناش خالص أنا راضي ومكتفي بيكي 
رفع ذقنها بإصبعه وجعل عينيها أمام عينيه 
أنا مكتفي بحبيبتي اللي ربيتها على إيدي وبقت في نفس معزة بنتي و مكانتها وحتى لو خلفت محدش هيبقى عندي زيها وهتفضل هي أول بنت ليا و أول حب مر على قلبي 
رن هاتفه رنينا ملحا قطع نظراتهما العاشقة فرفع الهاتف بتأفف 
أنا مبيضايقنيش غير التليفونات اللي بترن زي القضا المستعجل وبتجيب أخبار زي خلقتها 
رد
نعم مين
إيه ! بتتكلم بجد ! يا نهار مش فايت 
طيب تمام تمام خليك مرابط عندك لما نشوف آخرتها إيه 
لأ حاول تعرف التفاصيل حتى لو هتدفع فلوس وبزيادة 
هستنى منك تليفون بالجديد
أغلق الهاتف وهو شارد الذهن و كأن تلك الأخبار التي أتته تحمل مصائبا جديدة
مالك يا حبيبي إيه اللي حصل مش فاهمة حاجة 
أنا لو مت يا نعمة هتعملي إيه 
إييييييييييييه 
إهدي إهدي مفيش حاجة مش ھموت ولا حاجة غير لما عمري يخلص كنت بس بشوفك هتتخضي عليا و ألا هتقولي خد الشړ وراح 
أنت دمك بقى تقيل ليه فيه حد يعمل كده أنت بتفرح وانت بتجنني 
قالتها وهي ترفع صباعها في وجهه وتقترب منه كأنها ستضربه ثم لفت وجهها للجهة الأخرى تتظاهر بالڠضب منه فالتف ليقف قبالتها ورفع وجهها إليه 
بجد خفتي عليا 
لأ خفت منلاقيش حد يقفل باب البيت كل يوم بليل 
هههههههه يعني دي كل وظيفتي 
لأ طبعا وبنخوف بيك العيال عشان ميتأخروش برا 
أمممم بتخوفي بيا العيال بس ! وأنتي مبتخافيش 
برق لها فانطلقت تجري وهو يجري وراءها و تراشقا بالماء الموضوع على مائدة الطعام وانقضى الوقت بينهما في سعادة مسروقة من الزمن سعادة افتعل مقدمها ليلهيها عما قد يخيفها أكثر كيف سيصارحها أن من كانت صديقتها تسعى لتدميرها بكل الأشكال و لكن فلتذهب ذكراها للچحيم وليبق ما بينهما فرح ومرح تستحق ذلك فلطالما أشاعت جوا من المرح و أنعشت نفوسا بائسة 
يعني متعرفيش نتصرف إزاي يا نهى أمك لو عرفت حاجة جديدة هتطب ساكتة و أنا معرفش سكك مشايخ وألا مشعوذين وماليش
في السكة دي 
يعني أنا لو أعرف يا أحمد هسكت! أنا بشوفها بتتقطع عشان نفسها تخلف لك العيل اللي نفسك فيه 
أنا عايزه عشانها هي أنا مش فارق معايا بس هي تستاهل ومن حقها تبقى أم دلوقتي بتقولي عايزة أروح أكشف و طبعا الولاد اللي بيراقبوا الملعۏنة نسمة بيقولوا أنها رايحة جاية
على واحد مشعوذ وسمعته زفت 
أقولك على حاجة نعمة ربنا يزيدها بتصلي وتقرأ قرآن على طول و بإذن الله مش هيعرفوا يئذوها و
أنت طلع أي صدقة إن شالله جنيه كل يوم بنية أن يترد كيدهم في نحورهم اللي يعملولكم سحر وسلم أمركم لله مفيش في إيدينا نعمل حاجة غير كده وده أضمن ويرضي ربنا عشان منعملش حاجة فيها شبهة 
عندك حق ربنا قادر يحفظنا ويبعد عنا شرهم ومالناش غير رضاه علينا 
على المقهى
تفتكر يا خليل أعرفها وألا أسكت 
لأ متعرفهاش هتخاف أنت إعمل اللي عليك و شجعها تقرأ قرآن وربنا الحافظ المهم وصلتوا في مراقبة الفريق التاني لفين
اكتشفت إن الفريقين فريق واحد 
يا نهار منيل !! إزاي !
لقيت الزفتة اللي اسمها نسمة خارجة تقابل الزفت اللى اسمه هاني قلت عادي اللي مش عادي بأه أن العقربة اللي اسمها نجوى حضرت