رواية يليق بكي ملاكي بقلم كيان كاتبة كامله

معاهم المقابلة 
صحيح الطيور على أشكالها تقع 
أحسن خليها تقع أنت فاكر أن ده مضايقني ! أبدا ده كده أحسن عشان كلهم يتلموا في حركة واحدة أنا بس عايز حد يسجلهم مكالماتهم عشان يقعوا كلهم مرة واحدة ونرتاح منهم 
هتعمل إيه هتبلغ 
مش دلوقتي معنديش حاجة أقولها ومفيش قانون يمنع ناس أنها تتقابل أنا عايزها تيجي أحسن من كده هشوف مين اللي بينفذلهم خططهم القڈرة و أراقبه وساعتها أبلغ و لما يتقبض عليه أغريه بالفلوس يعترف عليهم المهم عندي أعرف مين في الوكالة اللي بلغ نجوى بموضوع المخازن لأن واضح كده إن فيه جاسوس 
ركب كاميرات مخفية في الوكالة 
عملت كده مشفتش حاجة مريبة دي عايزة شغل عالي من فرقة الجاسوسية اللي تبعك وألا مش هيعرفوا 
نقولهم وإذا عرفوا يبقى برافو عليهم معرفوش يبقى عملنا اللي علينا ومسير الخاېن يتكشف 
و بعدين معاك يا بابا أنت مش شايف حالتها عاملة إزاي 
هز رأسه بالرفض فما زال نطقه صعب و مجهد
لأ يا بابا الظلم حرام هي خلاص عرفت غلطها و بعدين يا بابا أنت كمان برضو مكنتش واخد بالك زيها ولا نبهتها وخلاص الموقف كله عدى هتفضل محتاجلها وهي محتاجالك أنا عارفة أن زعلك كبير عشان حبك ليها أكبر 
أخفض رأسه للأرض بندم 
أأأنا غللللطي أأككككبر آآآممممنتلها و نننسسيت ببببنتي 
كل حاجة اتصلحت ومتنساش أنك لسة ليك ولاد محتاجينك وإن كان على إخواتي فأنا موجودة و أحمد وعلي موجودين الصغيرين يا بابا محتاجين يتطمنوا محتاجين يشوفوا أبوهم وأمهم مع بعض إديها فرصة دي بتحبك ونفسها ترضيك 
هز رأسه موافقا فقفزت من الفرحة قبلت رأسه 
ربنا يخليك لينا أيوة كده يا حاج أحمد يا أجدع من جان السينما المصرية 
رررببببنا يسسسسعدددك ويرزززقكككك الذذرية الصصصالللحة 
خرجت تجري بسعادة لتجد خالتها تجلس ملتحفة شالها تمسك بحبات البطاطا تقشرها وقد انحنى ظهرها فبدت أكبر و أضعف و كأن دموعا لا مرئية مصرة على الانسكاب ليل نهار تخط الحزن على وجنتيها قفزت إلى جوارها وحضنتها وهي تصرخ 
كوكي كوكي كل الناس بيحبوكي قومي يا كوكي شوفي المعجبين 
ضحكت ضحكة واهنة 
مش هتعقلي بأه !
أعقل إزاي و انا شايفة الحب الملهلب ده ! أيوة يا عم بأه العشق العشق بلوبيف بلوبيف 
هههههههههه يا بت عيب الله يسعدك مش قادرة اضحك 
مش قادرة تضحكي ليه يا كوكي اديها واحدة هييههيهيهيهيهيهيهئ كده من اللي بتمرجح قلب الحاج أحمد خلى الدنيا تزهزه 
تنهدت بحسرة وهي تعود لتمسك بحبات البطاطا مرة أخرى 
معدش حاجة بتمرجح قلب الحاج أحمد 
شوف إزااااي! أقولها إيه تروح تجيب بطاطس قومي الراجل بيسأل عليكي من الصبح سيبي البطاطس دي لا بطاطس بعد اليوم 
التفتت إليها متفاجئة 
صحيح بيسأل عليا وألا بتضحكي عليا عشان تفرفشيني وخلاص 
أنا عمري كذبت عليكي ! حتى لو بكذب هو عمر الحاج الحاجوج قلبه استغنى عنك ! هييييح يا ناس قومي قومي 
قامت بسرعة تاركة ما بيدها لتلتقطه نعمة أخذت تعدل من شكلها و نزعت الشال الصوفي عن كتفيها 
كده حلو يا نعمة و ألا أغير العباية !
عباية إيه يا حاجة على أساس أنه مش شايفك بهدوم الشغالين دي قبل كده ولسة معجب برضو 
هدوم الشغالين !!! تصدقي لسانك ده هقطعهولك 
هربت نعمة وهي ممسكة صينية البطاطا وهي تضحك 
سيبك من لساني وادخلي للراجل قبل ما يحمض 
خرجت من الباب بظهرها تضحك وهي تغلق الباب اصطدمت بصدر أحدهم ففزعت وشهقت بشدة وألتفت لتجده أحمد يضحك من مظهرها 
شكلك عاملة عملة وبتجري 
أيوة إجري معايا نطلع نعمل البطاطس دي فوق أصل نتمسك هنا 
خلينا نتمسك 
قالها وهو يضع يده على قوامها وينظر في عينيها بهيام 
لأ أنت فهمت غلط أنا قصدي نتمسك في المساكة اللي بنلعبها مش نتمسك آداب ياللا قدامي على فوق البيت فيه عيال صغيرة بعدين تتلف أخلاقهم 
ههههههههههه مساكة طيب قدامي يا مؤدبة وقوليلي مين اللي بيلعب معاكي المساكة 
أمك
نعم !
أقصد مامتك يا عم خليك بحبوح 
وصلا لبابهما ففتحه و دخلت جلست على الأريكة وتناولت حبات البطاطس لتكمل التحضير لطعام الغداء 
بس أنت جاي بدري النهاردة مش بعادة يعني 
أيوة بس هنزل تاني عندي شغل فقلت آجي أريح شوية و أتغدى قبل ما أرجع مش هتقوليلي بأه إيه اللي حصل وخلاكي طلعتي تجري من تحت 
مفيش بس بابا كنت بفطره فقالي أنه عاوز مراته هي اللي تحطله الأكل في بوقه فغلست عليها شوية وهربت عشان أسيبهم براحتهم 
جلس إلى جوارها يتأملها في امتنان
بجد مش عارف أنتي قلبك ده مصنوع من إيه ! أنتي اللي تصالحيهم مع أنك لو رفضتي تتدخلى مكنتش هقدر أغلطك أنا مقدرتش أدافع عن أمي قدام عمي بس كنت بتمنى أن الحياة ترجع بينهم زي الأول تعرفي أني أول جواز باباكي من أمي كنت غيران 
كنت غيران من عمك اللي مربيك !
أيوة كنت غيران على أمي و على مكان أبويا بس مقدرتش أتكلم
لأننا وقتها كنا مديونين ووالدتك كانت مټوفية من فترة صغيرة و أختك كانت تعبانة أنا خدت فترة على ما قدرت أرجع تاني أتعامل مع عمي زي الأول 
عشان كده أنت الوحيد اللي بتقول لبابا ياعمي 
لأ أنا كنت متعود من زمان أقوله يا عمي 
تعرف إن باباك وحشني أوي يمكن أد ماما ما هي واحشاني !
كان الله يرحمه بيحبك أوي وطول الوقت بيدلعك هو اللي سماكي نعمة على اسم جدتي الله يرحمها لما أمي رفضت تسمي نهى باسمها بس باباكي ومامتك وافقوا بقلم ماجدة بغدادي عشان ميزعلش و هو ده اللي خلاني افتكرتك أختي فرحة بابا بيكي وأنتي مولودة خلتني افتكرتك بنته مش بنت أخوه 
الله يرحمهم ويغفر لهم إيه رأيك كل ما ربنا يكرمنا بفلوس زيادة نتصدق بنية أن ثواب الصدقة ليهم ونقرأ ولو مرة في الأسبوع و نوهبهم ثواب قرائتنا 
فكرة حلوة أوي يا نعمة ربنا يجزيك خير عنها ويسخرلك اللي يدعيلك ويردلك برك 
آمين يا رب و أنت معايا 
أيوة مين معايا 
حضرتك إيه اللي فكرك بيا 
حضرتك فاكر أنك لما تكلمني هنسى و 
أنا بصراحة مش هقدر أسامح لو افتكرت أنك 
طيب وحضرتك مستفيد إيه 
إسمحلي أقولك حضرتك اللي غلطت 
و أنا إيه يضمني أنه مش ملعوب جديد 
أنا هفترض كده بس هضطر آخد ضمانات عشان أضمن متزعلش مني مش هقدر أثق بسهولة كده 
لما نتقابل هقول لحضرتك إيه الضمانات اللي عاوزها 
خليها بعد بكرة عشان بكرة مشغول شوية 
أنهى المحادثة الهاتفية و جلس شاردا 
يا ترى الراجل ده وراه إيه خاېف أطمن له يطلع وراه ملعوب تاني مكنتش عامل حسابه و خاېف أرفض أبقى بضيع فرصة تريحني أنا و مراتي و عيلتي كلها من الهم اللي متربصلنا 
هو قالك كده 
أيوة قالي كده أنا مش قادر أصدق بصراحة 
غريبة جدا دي !! معقولة هيبيعلك بنته ! أكيد كذاب و ناوي يغرقنا 
أنا بقول نقابله سوا و نشوف السبب ولو عجبنا الكلام نشتري و ما نبيعش ونعمل حسابنا برضو مش هقدر أديله الأمان 
وجهة نظري في الراجل ده من يوم ما خطبت بنته أنه مش طبيعي و مالوش لازمة عند بنته و مراته 
ما ده برضو محيرني تفتكر إيه اللي يخلي واحد يبيع بنته لأعدائها حتى لو غلطانة
مش قادر أتخيل و خصوصا أنه كان سايبلها الدنيا تتصرف بدون حساب هي و أمها 
عمك عرف حاجة عن اللي حصل 
لأ أنا مفهمه أن البوليس لسة بيدور ورا الأدلة ما صدقنا صحته اتحسنت مش عايز أوتره 
متأخذنيش مش قادر أستوعب ليه بتقولنا المعلومات دي كلها 
ليا أسبابي الخاصة نسمة بنتي زي ما أذتكم ونفسكم تخلصوا من تأثيرها على حياتكم أنا كمان نفسي أشيل تأثيرها هي وأمها عن حياتي أنا اټدمرت بسببهم و لو استمريت هتدمر أكتر 
خليل 
متزعلش مننا بس برضو الكلام ده ميخليناش نديك الأمان إيه اللي يضمنا أنك مش بتدينا معلومات غلط تجرنا لحاجة تودينا في داهية 
أنا هحكيلكم الحكاية مراتي أم نسمة كانت جارتنا وفضلت تظهر في حياتي لحد ما علقتني بيها منكرش أني كنت ضعيف واستسلمت لها وكل ما تطلب حاجة أوافق من غير تفكير حتى أمي وقعت بيني وبينها وخلتني بعدت عنها و كرهتها و أنا كل ده فاكر أنها على حق كان مفروض أشغل دماغي بس للأسف أنا سلمتلها دماغي بالكامل لحد ما خلتني أكتب كل حاجة باسمها هي و نسمة عشان ما أبقاش معايا حاجة لو فيوم فوقت بس مع الوقت فوقت للي بيعملوه والمواجهة مكانتش في صالحي لأن كل شيء بإيديهم فبقيت أسرق فلوسي منهم و أختلس من كل شغل بعمله وقدرت أشتري شقة و اتجوزت فيها وخلفت ولد و بنت دلوقتي باقي أملاكي و فلوسي باسم نسمة و مقدرش أنكر أن نسمة أسوأ من أمها بمراحل هددتني في وشي بصراحة أني لو فكرت آخد منها قرش هتتبلى عليا وتسجني مقدرش أفضل متفرج وحق ولادي بيضيع كمان هي لو عرفت أن ليها أخوات مضمنش هتعمل فيهم إيه هتساعدوني و أساعدكم و ألا أدورلها على حاجة تانية تخلصني من سيطرتها هي و أمها 
أحمد 
أدينا فرصة يومين نفكر 
انصرف الرجل بعد أن
باح لهم بسره لينظر إليه خليل 
ليه طلبت مهلة يومين
عشان المخزن هيجهز للحركة بتاعتنا بعد يومين و نكون أتأكدنا من موضوع مراته وولاده والحاجات اللي باسم نسمة
فميبقاش فيه وقت لأي حركة أو أن بنته تصعب عليه فجأة ويبوظ كل حاجة 
طيب قولي دلوقتي التصرف إزاي 
بعد يومين الصبح هنكلمه نقوله أن بنته رايحة تقابل ناس تتفق معاهم على حړق المخزن فيحط على تليفونها برنامج تجسس قبل ما تمشي عشان نسمع المقابلة طبعا هيفتكر أنها لسة بتتفق مش رايحة تنفذ وټحرق المخزن في الوقت ده نكون في القسم بنسمعهم بث مباشر للي بتعمله وبنسجله برضو و نشوف الشغالة اللي عند نجوى تجيب تليفونها وفي دقايق برضو ننزل برنامج التجسس عليه عشان محدش منهم يفلت 
مالك مش طبيعي كده و متوتر دانا بضحك معاك بتزعق ليه 
أنا كويس يا نعمة بس الشغل تقل عليا أوي بعد عمي ما تعب 
متأكد !
طبعا وألا أنتي شاكة أن فيه حاجة تانية 
مش عارفة يا أحمد حاسة أن وراك سر و خاېفة أوى مش عارفة ليه 
ضمھا إليه و هو يتنهد 
مش عايزك تخافي من حاجة يعني هيحصل إيه ! سلميها لله وادعيلي ربنا يوفقني 
ربنا معاك يا حبيبي ويبعد عنك الشړ 
أنا بقيت كويس و عايز أرجع الشغل 
يا عمي اصبر شوية عما بس تقدر تتحمل المجهود أنت لسة مبتقدرش تمشي كويس والمشي بالعكاز مرهق 
أنا زهقت من القعدة في البيت أنا هاجي الشغل بكرة الصبح 
يا عمي بس حضرتك مستعجل ليه طيب خليك على الأسبوع الجاي 
وتفرق ايه الأسبوع ده من الجاي أنا قلت هاجي بكرة الصبح و كلامي مش هقبل فيه نقاش 
خرج أحمد