رواية يليق بكي ملاكي بقلم كيان كاتبة كامله

تأثير يمسح سنين تربية أنا كنت أموت أحسن سناء!! سناء اللي قعدت على رجلي أكتر من المدرسة تشرب سجاير لأ و كمان تاخد تليفونها من ورانا لو مكناش عرفنا من أولها كان إيه اللي حصل أكتر من كده ! ليه ما سيبنيش أخنقها يمكن كانت ڼاري بردت 
ده مش حل كمان مينفعش تحاسبها على حاجة أنت السبب فيها لنفترض أن واحدة زميلتها حتى من برا البيت أقنعتها تعمل كده برضو مش الحل إننا نضربها لأن ساعتها هتعند دي آخر حاجة ممكن تتعمل أصلا و مينفعش نفضحها شوف السبب فين يا أحمد وشيله 
قامت من مجلسها إلى جانبه ونزلت إلى سناء التي انسابت دموعها باڼهيار بعد أن رآها أخاها و ڠضب منها و يتكرر المشهد في رأسها كل بضع ثوان ليتكرر ندمها وتبدأ نحيبها من بدايته مرة أخرى جلست بجوارها و ضمتها إلى حضنها ليزداد بكاءها بمرارة وبعد ما يزيد على نصف ساعة من البكاء بدأت نعمة كلامها 
دلوقتي هديتي ونقدر نتكلم دلوقتي 
أنا آسفة مش عارفة أنا عملت كده إزاي 
أنا ميهمنيش دلوقتي إنك تقولي أنا آسفة لأنها مجرد كلمة هنتعود أنها تطلع وقت اللزوم و عادي كأن مفيش حاجة حصلت الاعتذار اللي بجد عايز أفعال و مسئولية 
مش عارفة طيب أعمل إيه 
الأول عايزين نعرف إيه اللي خلاكي تعملي كده 
لوزة لما جت أقنعتني أني أقدر أعمل كده و محدش هيعرف و أني مش بعرف أتسلى و الحياة هنا خنقة كلها غلط و رفض و قوانين وبدأت أحس بالخنقة فعلا و أنا شايفاها بتحكي كانت بتعمل إيه في بيتهم 
هي كانت بتعمله في بيتهم بس محدش من الناس احترمها ولا حد كان عايزها ولما حبت تتجوز أمها كانت بتدبس أخوكي فيها مش معنى أننا نلاقي حد بيعمل حاجة نفكر نجربها ده ضعف يا حبيبتي و انسياق وراهم يعني لو سافرنا بلد فيها الناس بتعبد الأصنام نعمل زيهم 
لأ طبعا منقدرش نتخلى عن دينا 
ولا عن شخصيتنا و لا عن مبادئنا و لا عن اللي اتربينا عليه طيب انتي شايفة إن القواعد اللي إتحطت في البيت دي ظالمة 
وقتها حسيتها ظالمة بصراحة معتش عارفة و اللي أقنعني أني مقدرش آخد قرار من غير موافقة كل الناس هنا 
طيب ما تشوفي أنتي إيه اللي كان من حقك وإيه اللي ممنوع وفكري كده هو منطقي وألا لأ 
إزاي مش عارفة 
يعني أبيه أحمد محرم عليكي كل اللبس 
لأ بس هو بيشوف أنا لابسة إيه وساعات بيعترض عليه 
إيه بأه اعتراضه 
إن يكون لبسي ضيق أو قصير أو شفاف
هو اللي بيختار اللبس وألا أنتي
اللي بتختاريه بس في حدود اللي بيطلبه 
لأ أنا اللي بختار و بلبس الألوان اللي أنا عايزاها 
طيب و دراستك أنتي اللي بتختاري و ألا هو اللي بيختارلك تدرسي إيه 
لأ هو بيسيبني أدرس اللى عايزني يوم ما علي زعقلي وقالي آخد درس كمبيوتر و أنا مش حاباه وكنت عايزة أرسم قاله مالكش دعوة هي تعمل اللي يعجبها طالما هو إختياري 
طيب بيقولك صاحبي مين وسيبي مين 
لأ بس بيقولي متصاحبيش غير المؤدبة 
طيب مش دي حريات بيديهالك ولمصلحتك حاطط قوانين كمان دي مش قوانينه هو دي قوانين دينك و مجتمعك و أهلك يا حبيبتي الحرية المطلقة دي كلام فارغ بيضحكوا بيه على الناس والنتيجة حد زي لوزة ضايعة مش عارفة طريقها وكل أهدافها في الحياة تستمتع بس إنما لو إحتجتيها في حاجة عمرها ما هتبقى حد يعتمد عليه وتغرقك وتضيع منك احترامك ومستقبلك الصديق يا حبيبتي هو اللي يساعدك تبقي أحسن مش يغرقك ويقنعك زي الشيطان اللي أقنع آدم أنه يعصى ربنا ويخرج من الجنة لمجرد أنه ياكل من شجرة برغم أن الشجر عنده مالي الجنة بس زينله الشجرة دي وهي مش أحسن شجرة ولا حاجة 
طيب أنا دلوقتي فهمت غلطتي فين أتصرف إزاي 
أولا تعتذري لأبيه وتوعديه أنها غلطة وعمرها ما تتكرر ثانياوتبعدي نفسك عن أي حد يئذيكي ثالثاتشغلي نفسك في مسئولياتك عشان الفراغ هو اللي هيشجعك تغلطي رابعا و أهم حاجة دايما تشوفي اللي بتعمليه ده ربنا راضي عنه و ألا لأ و ساعتها هيبقى أبيه و كل الناس راضيين و أنا دايما جنبك وتقدري تيجي تحكيلي كل اللي أنتي عايزاه و أنا هساعدك على أد ما أقدر 
طيب أنا هعتذر بس هو هيقبل إعتذاري 
طبعا هيقبل و هيبقى مبسوط منك لما يشوف أنك اتحسنتي في تصرفاتك بالفعل 
بس دي غلطة متتنسيش 
مفيش حد مبيغلطش بس فيه حد بيقاوم وميكررش الغلط عشان بعد كده العقاپ هيبقى أشد من مجرد شوية زعل 
انتهت ليلة ثقيلة ونام فيها ثلاثتهم نوما مټألما لا يحوي الاطمئنان وأتى صباح مرهق على قلوب لم تر راحة ولم تر سوى أحلام مزعجة قاموا يجرون أقدامهم على الأرض وإن صح التعبير يجرون قلوبهم المثقلة بهمومهم و مخاوفهم و حتى آمالهم المرتعشة غادر أحمد سريعا حتى لا يرى أحدا و يحاول أن ينسى ما رآه ولكن هيهات فقد حفرت في ذاكرته صورة أخته أو بالأحرى ابنته و هي تدخن السچائر ولم يفعلها هو أو حتى أي من أخوانه الفتيان يلوم نفسه ويلوم أمه و عمه على وجود تلك المفسدة التي أطاحت بأعوام من التربية في بضع أيام
قولي يا خليل بما أنك مدرس و تفهم في موضوع التربية إيه الفرق بين الولد و البنت في مرحلة المراهقة 
مفيش حاجة اسمها فرق بينهم لأنهم الاتنين بيمروا بنفس الظروف لكن إحنا اللي بنعمل الفرق ده بندي الولد صلاحيات بنمنع منها البنت لا لشيء سوى أنها بنت و نقبل من المراهق أخطاء منقبلهاش من البنت في المراهقة أو حتى نشجع عليها الولد وممكن نقتل البنت
بسببها 
يعني ممكن البنت ترتكب نفس أخطاء الأولاد في المراهقة ! يعني نوعهم مالوش تأثير 
فيه طبعا تأثيرات بتختلف ولكن زي ما قولتلك في الأول و الآخر هما واحد وعشان ترتاح لازم المعاملة يكون فيها إنصاف 
طيب إزاي أعمل الإنصاف
ده 
إن كل واحد فيهم يبقى عليه مسئوليات مطالب بيها ناحية التاني و كمان ما نعينش واحد على التاني أو نفرق في المعاملة على نفس الغلطة صحيح نوع العقاپ بيختلف من شخص لشخص حسب شخصيته أو اللي بيفضله بس أوحش حاجة أنك تضطر تهينه أو تتحكم فيه بشكل مبالغ فيه و تمنعه من أي اختيارات حتى لو اختياراته متهورة لازم تكون واعي وتحاول تفهمه أضرار اختياراته لو ماستجابش وده بيحصل بشكل عام أو مش عارف يستجيب ساعده ولو بشكل عقاپ بس بعد فترة هيدرك أنه كان حماية مش عقاپ لأنهم مش أغبيا احنا اللي بفترض أنهم مش فاهمين زينا الأهم وجود حوار عشان هيلخص و يوفر عليك كتير 
طيب إزاي أصلا أتخلص من مشكلات المراهقة و أخلي الولاد ميقعوش فيها 
أهو ده كلام غلط جدا 
إزاي 
مفيش حاجة اسمها مراهقة متمرش بمشكلات ولو حتى بسيطة لكن لازم تمر كلمة مراهقة في حد ذاتها وصف للإرهاق اللي بيمر بيه المراهق و أهله كمان لحد ما يوصل لمرحلة الشباب بأمان إديله الفرصة يتعلم لأن محدش بيتعلم من غير ما يغلط ويتعلم من غلطه لو حصل وأقنعت نفسك إن مفيش مشاكل يبقى أنت بټدفن راسك في الرمل و لو بالفعل شايف المراهق معندوش مشاكل يبقى يا إما بيمثل عليك أنه كويس و هو بالفعل عنده مشكلات نفسية خطېرة يا إما عنده مشكلات و هموم بيخبيها عنك ومش قادر يستأمنك على أسراره لأنك يا هتفضحه يا مس هتفهمه أو لأنك بعيد عنه ومقتنع أنك عمرك ما هتتفهم شعوره لأنك معملتش معاه حوار وعودته يتكلم معاك وتسمعه ويسمعك 
الكلام ده للولد والبنت مع بعض و ألا الولد لازم الأب والبنت لازم الأم 
أهي دي أكتر نقطة غلط الناس مش فاهمينها فيه ناس كتير فاهمة أن الولد مش محتاج أبوه وأن الأم هي اللي مسئولة عن التربية لوحدها وفيه ناس بتقول الأم تهتم بالبنت و الأب يهتم بالولد أو أن التربية أننا نعمل لولادنا كل حاجة وينسوا أنهم محتاجين حضڼ الاتنين محتاجين الأب و الأم مع بعض في حياتهم عنصر السلطة الوالدية المزدوجة بس فيه تفاصيل صغيرة مهما كانت البنت قريبة من الأب لازم في حياتها عنصر نسائي تلجأ ليه ونفس الحال للولد
طول عمري مهتم بتربية أخواتي كلهم بشكل عام و مع ذلك حاسس أني أول مرة أفهم يعني إيه تربية معنى كده أن الناس كلها بتربي غلط 
مش بالظبط يعني بس اللي بيربوا دول بشړ برضو بمميزات و مساوئ البشر واللي مهتم بيجتهد ولكن في الأول و الآخر ربنا اللي بيوفق ويهدي لأن حياتنا مش قائمة على التربية وحدها و إن كانت أساس متين لحياتنا و مبادئنا
أنا آسفة يا آبيه أنا معرفش إزاي أثرت عليا و عملت زيها 
أنا زعلان جدا يا سناء زعلان عشان كنت واثق فيكي مية في المية و كنت فاكر أنك هتقوليلي أو حتى هتقولي لنعمة أي حاجة مهما كانت مكنتش فاكر أن كام يوم يخلوكي تتخلي عن مبادئك اللي اتربيتي عليها بسهولة زعلان عشان هبقى طول الوقت
خاېف عليكي وخاېف حد يقنعك تعملي أخطاء تضرك 
مع كل كلمة تتساقط دموعها فأمسك يدها و أجلسها إلى جواره و احتضنها 
أنا عارف أن ضميرك معذبك عشان أنتي مش وحشة و لا اتعودتي تغلطي المهم دلوقتي عندي أن الغلطة اللي اتعملت نتعلم منها أنا عايز أعرف اتعلمتي إيه
اتعلمت إني مشربش سجاير ولا أسمع كلام لوزة
بس كده!
و اتعلمت كمان إني مقلدش حد مهما شفت اللي بيعمله شكله حلو وإن اللي بيحبني ميخلينيش أعمل حاجة غلط 
و إيه كمان 
وإني مخبيش عنكم حاجة عشان لو هتوقعني في الغلط تفهموني 
الله ينور عليكي هي دي سناء اللي أنا عارفها 
هتعمل إيه مع لوزة
متقلقيش أنا مش هعرفها أني عرفت عشان متفكرش أنك فتنتي عليها وتضايقك بس هتصرف 
قلت إيه يا عمي 
إنت بتقول إيه ! بأه أنا بحاول أشوف حد يتجوزها عشان أخلص منها تقوم أنت عايز تجيبهالنا الشغل !
أهو نمسكها حاجة ملهاش دعوة بالفلوس ولا الشغل زي شئون العمال حضورهم وانصرافهم بحيث تبقى مشغولة طول النهار على الأقل نبعدها شوية عن الولاد في البيت محدش ضامن ممكن تعلمهم إيه ويمكن حد يشوفها يتجوزها ويريحنا منها 
أقوم أجيبها هنا !
عندك مكان تاني نشغلها فيه و تبقى تحت عينيا بدال ما تعمل كوارث وتتحسب علينا 
طيب و نعمة 
أهي دي اللي حامل همها عشان مش هتسيبني بس مفيش قدامي حلول غير كده 
أنت عايز تجنني ! بقى أنا قرفانة من وجودها وسطنا