رواية يليق بكي ملاكي بقلم كيان كاتبة كامله

في البيت و أنت تاخدها معاك الشغل وتبقى في وشك في البيت و الشغل !
يا حبيبتي ده حل مؤقت قلنا يمكن حد يشوفها ويتقدملها ونخلص منها من غير ضميرنا ما يئنبنا إننا اتخلينا عنها
ضمير مين اللي يأنبه ! دي هي و أمها كانوا عايزين يخربوا بيتنا ده عقابهم وعليهم يستحملوا نتيجة عمايلهم السودا 
أنا مقدر أنك مش قادر تنسي ومش هطالبك تسامحي لأني أنا نفسي مش قادر أسامح و أصفى بس ببساطة كده لو سيبناها أكيد هتبقى أسوأ وتتمنى خرابنا أكتر خلينا نعمل آخر محاولة بحيث أنها لما تخرج من حياتنا نبقى متطمنين أنها مش هترجع أو لما تتجوز تبقى اتعلمت تعيش بما يرضي الله ومتنطلناش كل شوية 
آه يا خويا يا بو قلب حنين يمكن ليك مزاج تاخد فيها ثواب وتتجوزها بالمرة يمكن تجيبلك العيل اللي نفسك فيه 
تاني يا نعمة
هو إحنا كنا خلصنا منه أولاني !
احتدم الموقف بين أحمد و نعمة بعد ذهاب لوزة للعمل معه وتعمدها الذهاب معه والرجوع معه وبأسلوبها المستفز فقد كانت تلك اللوزة تتعمد أن تتأبط ذراعه برغم مقاومته التي تراها نعمة مصحوبة بنظرة منه تتبرأ من الضلوع في تلك العلاقة وتتعمد أيضا في العمل أن تجلس إلى جواره كلما أتيحت لها الفرصة ووجدته جالسا إلى مكتبه أصبح الغليان يملأ البيت من تدخلات لوزة المتكررة وكذلك أصبحت سناء على عداوة معها فقد كان البيت عبارة عن كتلة مشټعلة من المشكلات و أثناء هذا الزخم الهادر من العقبات في طريق الراحة والتفاهم تتغير سير التحقيقات حيث استغل التأمين أقوال المتهمين بأنهم حرقوا المخزن بالاتفاق مع المالكين للحصول على أموال التأمين و خرجت نجوى و كادت نسمة أن تخرج و لكنها كانت متهمة بقضايا أخرى و أتت نجوى تبكي كما أتت ابنتها من قبل وانضمت للحشد مٹيرة العديد من المشكلات التي لم يكن البيت بحاجة للمزيد منها 
بيت ده وألا مورستان ! ما تشوفلك حل أنا معتش قادرة اتحمل 
يعني أعمل إيه يا نعمة
أنت بتسألني أنا ! واحدة حړقت مخزنكم ولما اتمسكت تاني اتبلت عليكم وضيعت عليكم فلوس التأمين و بتقعدوا الشيطانة بنتها لأ و هي كمان أنتوا عالم غريبة!
يعني نسيبهم في الشارع يا نعمة! مهما كان دول لحمنا 
لحم إيه و عضم إيه اللي بتتكلم فيه أنتو مجانين !
لحد هنا و مش هسمحلك أنتي عايزة الدنيا تمشي على مزاجك 
بجد ! دا أنا برضو ! البيت بيتخرب يا حضرت الحنين أنت و أمك 
كلمة تانية و مش هيحصلك كويس
ستميت كلمة يا أحمد و خلي اللي مش كويس يحصل دا لو فيه مش كويس أكتر من القرف اللي إحنا عايشين فيه 
قطع كلامهم دخول نهى و هي تصرخ و تبكي 
إلحقني يا أحمد إلحقني أنا بيتي اتخرب أنت السبب أنت و ماما أنتوا السبب آآآه يانا يا خړاب بيتك يا نهى
فيه إيه يا نهى إهدي يا حبيبتي 
إيه يا نهى حصل إيه 
شفتي يا نعمة جوزك و أمي خربوا بيتي 
أنا يا نهى أخرب بيتك !
آه يا خويا الحرباية اللي دخلتوها البيت وقعدة تتلون اتلونت على الجردل جوزي لما جابته على بوزه و دلوقتي عايز يتجوزها عليا ويقعدها هي و أمها في شقتي ويقعدني مع أمه في شقتها آه يا خړاب بيتك يا نهى 
مش معقول يا نهى دا وفيق بيحبك تلاقي بس فيه سوء تفاهم 
لا يا نعمة هو قالي كده بلسانه النهاردة إنتي كان عندك حق في كل كلمة قولتيها يا ريتني ما كنت سكت يا ريتني ما شجعت ماما تقعدهم 
إهدي يا نهى أنا هكلم جوزك و هفهم منه كل حاجة متزعليش و أنا هتصرف 
آه يا خويا اتصرف مش ده الثواب اللي بتعمله أهي عكت على دماغي أنا 
خرج وكلمات أخته و زوجته ترن في أذنيه خسارة التأمين جعلت صحة عمه تتدنى و تتراجع بعدما تحسنت لم يكت يدري الحل وجد نفسه أمام عمل زوج أخته فدخل ربما المواجهة تحل ما لم يستطع حله 
السلام عليكم 
أهلا لحقت أختك تيجي تقوم الدنيا 
أنا معرفش إيه اللي حصل و مش فاهم منها حاجة و جيتلك تفهمني 
هتجوز لا غلط و لا حرام و إسأل الهانم أختك عايز أتجوز ليه 
لأ أنا هسألك أنت ليه يا وفيق 
الهانم بعد ما خلفت مبقتش فاضيالي أرجع من الشغل ألاقيها نايمة و تقولي ما صدقت الولد ينام عايز اتنيل آكل تقولي شفلك أي حاجة في التلاجة الولد كان تعبان مطبختش أقعدي معايا شوية معلش أصل الولد عايز يلعب و يسمع حدوتة ويشرب اللبن وأنا مبقاليش لازمة في البيت غير البنك بتاع الهانم وابنها 
الهانم دي مراتك وابنها ده ابنك و
مسئولية ولو قصرت أنت أول واحد هيحاسبها 
بس مش كده دي حياتها كلها بقت عشانه و أنا لأ
طيب كلمها اتفاهم معاها قولها اللي انت عايزه مش تقوم متجوز مرة واحدة !
قولتلها كتير بس ولا عبرتني و أنا إيه اللي يجبرني أقعد أستنى لما تحن عليا أنا أتجوز اللي تريحني و هي تخليها لابنها 
يا وفيق بالهداوة
مش كده أنت بتقولها أتصرفي و فضي نفسك جربت مرة تقعد تشوف مشاغلها دي وتساعدها في التفكير أو تجرب يوم تساعدها أو تنيم الولد بدالها يوم أو تغيرله أو تاخده ساعتين وتخرج وتسيبها تروق نفسها شوية عشان تقدر تقعد معاك
! يا وفيق أنت ممشيها أوامر و ده مش هيوصلكم فحتة كمان يعني ملقيتش غير لوزة ! أنت مش عارف المشاكل اللي بينا 
مشاكل!! دي بتشتغل هي و مامتها لحسابكم وكنتو عايزين تاخدوا فلوس التأمين وساعدوكم وف الآخر اتحبست الست من تحت راسكم 
مين قالك كده !
هي دي محتاجة شرح أمال قعدتوا بنتها عندكم ليه عما تخرج من السچن !
جدعنة يا وفيق عشان قرايبنا عشان صعبت علينا وبعدين هي هتساعدنا واحنا نبلغ عنها ونبوظ التحقيقات و التأمين يضيع !
جدعنة! ماشي كمل الجدعنة بأه و قول لأختك يا تقبل و تعيش عند أمي يا تخليها عندك 
الظاهر أني غلطت لما جيتلك و عملتلك اعتبار أنا أختي عندي و هاجي آخد فرشها و مبروك عليك الخية اللي دخلتها برجلك 
انصرف يغلي من قهره فكل ما فعله لم يؤدي سوى إلى الخسارة و في لحظة جنون فكر في فكرة ربما تقلب كل الموازين
إنتي عارفة أنا معتش أقدر أعيش من غيرك أنتي بتعملي كده ليه وعايزة تروحي لحد تاني و ألا أنتي بتشوفي غلاوتك عندي 
ردت عليه بدلال مبالغ فيه و صوت متكلف و هي تتلوي كالحية 
أنت إللي مش طايقني 
أنا ! أنا لو مش طايقك كنت خليتك تدخلي البيت أصلا 
مالت عليه و أمسكت طرف قميصه بيديها و كأنها تغلق أزراره المغلقة سلفا 
يعني أنت بجد عايزني أمال كنت بتزعق في وشي ليه كل شوية 
ما برضو يا لوزة أنتي مبتريحيش في قعدتك كل شوية مشاكل و أنا كنت عايز نعمة تطمن عشان متاخدش بالها 
افتعلت الڠضب و رسمته على ملامحها 
و أنت إيه اللي مخليك متمسك بالزفتة دي 
تكلم و هو يحاول أن يهدئها بربتات يديه على كتفها
يعني هعمل إيه ! دي بنت عمي و محدش هيرضى يبصلها تاني وخصوصا إنها مبتخلفش 
رفعت رأسها عن الباب الذي استمعت لصوته من ورائه اكتفت بما اقتحم أذنيها ودمر خلايا قلبها و دموعها ټغرق روحها المټألمة ألهذا رحب باستضافتها في البيت ألهذا الحد تغلغلت تلك الحية في العائلة لتخرب هنا و تدمر هناك عم غفلت أيضا يا نعمة ألهذا الحد كنت غافلة بل و مغفلة ! يا لضياع حبي لك و صبري ! يا لكسرة قلبي !
صعد أحمد بعد أن أنهى حديثه مع لوزة و الذي طال و الجميع في غفلة عنهما ليجد المكان خاليا كيف يكون خاليا ! أين ذهبت أيعقل أنها سمعت ما كان يقول ! يا للمصېبة ! حل الخړاب في كل الأنحاء جلس واضعا رأسه بين يديه يكاد يشم رائحة احتراق عقله كيف سيعيدها إليه كيف سيعيدها ولا تزال حياتهما بكل ذلك الاضطراب 
إلحقني يا أحمد عمك وقع مني في الحمام ومبنطقش 
لم يستطع الرد ولكنه قفز بسرعة ولا يعلم كيف أوصلته قدماه إلى حيث وقع عمه استجمع قوته و رفعه و أسندته والدته معه و أسجيا جسده على الفراش و حضر الطبيب ليؤكد أن الجلطة عادت لتؤثر عليه بسبب ارتفاع ضغط الډم ولابد ألا يعيش في توتر
ياللا يا أمي لمي هدومك أنتي و عمي وروحو شقة البيت القديم معدش ينفع يعيش هنا في الوش ده وخدي الولاد الصغيرين 
أسيبكم إزاي يا بني ! وإزاي هقدر أقوم بطلبات العيال و عمك لوحدي 
مش هنسيبكم وهفوت عليكي كل يوم و علي والعيال هيروحو و ييجو عليكم روحي يا أمي بالله عليكي لو ماټ من القرف اللي إحنا فيه مش هسامح نفسي كفاية نعمة اللي مش عارف لها طريق 
إيه ! هي نعمة مش في البيت يا ترى راحت فين !
وطي صوتك لعمي يعرف كفاية اللي هو فيه روحي أنتي بس عشان مش عايزه يعرف لحد أما أشوفها راحت فين و أرجعها 
بعد أن غادرا و أوصلهما أحمد و عاد ليجد لوزة و أمها جالستين في الردهة السفلية الكبيرة وقد تطاير حولهما دخان الشيشة و يجلس بجوارهما زوج نهى و صوت الضحكات يملأ الفضاء ويقف على مسافة منهم أخوته يتابعون الجلسة من داخل المطبخ و منهم من يبكي و منهم من يتآكل السخط وجهه 
إيه اللي بيحصل هنا ده أنتوا فاكرين البيت معدش ليه أصحاب و ألا إيه 
ردت عليه نجوى و هي تنفث الدخان الكثيف من فمها 
بالراحة علينا شوية هو إحنا بلاش نهوي عن نفسنا شوية 
لأ هوي بس هناك في بيتك هنا مش مسموح لحد يعمل كده
ثم أشار لزوج أخته الجالس معهم 
ولا مسموح تستضيفوا حد مش مرغوب فيه إلا لو أذنت لكم أنتي مقولتيش لمامتك وألا إيه يا لوزة 
لأ مقولتش حاجة أنا مش هغلط غلطة المرة اللي فاتت لما تبقى تطلق الأول نبقى نشوف 
ليه هو أنتي محدش قالك إن نعمة مشت مع أبوها و خلاص معدتش هنا وألا عاجبك الخرونج ده !
وقفت نجوى تعبر عن فرحها بزغروطة طويلة 
لا إذا كان كده يبقى كله زي ما أنت عايز 
وقف زوج نهى معترضا 
إيه ده اللي زي ما هو عايز ! إحنا مش متفقين وخدتي مني مهر و اشتريت لبنتك شبكة بالشيء الفلاني 
مهر! مهر إيه يا أبو مهر إحنا شفنا منك حاجة وشبكة إيه حتة الدبلة المعفنة اللي جبتها إرميهالو يا بت بلاش قرف 
لا لا إنتي فاهمة غلط