رواية قصيرة القامة طويلة اللسان (كاملة حتي الفصل الاخير) بقلم شيماء صبحي

قمر بسخريه طيب كويس انك لقيت حد يفهمك وتحل عني بق!
عبدالله زقها بغيظ وقال لسانك دا مبرد والله!
قمر مشيت من قدامهم وراحت تجيبلهم اكل لانها عارفه انهم معهمش فلوس !! 
وبعد وقت رجعت وهيا شايله اكياس الأكل وقالت انا جبتلكوا اكل يارجاله
يلا سيبو الي في
ايديكو
الشباب بصوا لبعضهم بفرحة وقالو بجد والله !
قمر اي هتفضلوا باصين لبعض كتير يلا تعالو كلو
الكل جري عليها واخدو منها الاكياس وفضلوا ياكلو وهيا قربت من عبدالله وقالت الواد الرخم صاحبهم دا راح فين 
عبدالله هو قالهم انه هيلف شويه في المنطقه لحدما يخلصوا شغل .
وكمل بضحك شكلوا خاېف يطلع الشقه لوحده!
قمر بصت عليه بتفكير وقالت رغم ان قليل الادب بس تحسه غلبان!
عبدالله بص عليها پصدمه وقال قمر انتي كويسه 
قمر انتبهت لنفسها وقالت اكيد اومال يعني شايفني بشد في شعري 
عبدالله ياساتر منك مبتعرفيش تقولي كلام حلو خالص نفسي مره تجبري خاطري حسي بيا !!
قمر ضړبته في دراعه وقالت امشي يا عبدالله روح كل معاهم قبل ما يخلصوا الأكل!
عبدالله هز راسه ومشي وهيا فضلت قاعده علي الكرسي وهيا سرحانه لحدما لقت خالد واقف قدامها وفي ايده أكل وبيقول انتي مأكلتيش خدي دا كلي 
قمر برفض لأ لأ انا مليش نفس كل انت بالف هنا 
خالد مشي وقبل ما يقعد وصل هادي وهو بيقول بقولكوا ايه ياشباب 
خالد والشباب بصوا عليه باستغراب
وهوا قال پخوف في ناس بتجري ورايا !!
الشباب وقفت ومعاهم قمر وسألوه پصدمة بتقول ايه مين دول!!
هادي انا معرفهمش بس كنت بتكلم مع سوزي في الموبايل وبقولها كلام من الي انتوعارفينه لقيت واحده وقفت وقالتلي انت بتعاكسني والجو دا وانا قولتها انتي مش شكل واحده الواحد يبصلها أصلا!
فلقيت راجل ضخم ومعاه شويه رجاله بفنلات بيجروا ورايا !! 
عبدالله پصدمه الي عاكستها دي سودا كدا ومكلبزه!
هادي پغضب بقولك معكستهاش دي اصلا مش نوعي المفضل !
محمد احنا في ايه ولا في ايه هيا ولا مش هيا 
هادي هز راسه وبعدها عبدالله بص لقمر وقال دي بسمه بنت المعلم فاروق!! 
قمر بصت عليه پصدمه وقالت يخربيتك يا يا اخي ملقتش غير دي وتعاكسها 
هادي بصوت عالي قولت معاكستهاش دي اصلا مش شكل واحده تتعاكس دي متتحسبش انثي اصلا!! 
الشباب وقفوا پصدمه وعبدالله وقف ورا قمر پخوف وهادي بصلهم بإستغراب وقال في ايه مالكوا بتبصولي كدا ليه! مردوش عليه وبصوا وراه 
وبعدها هو لف علشان يشوف في ايه ولاكنه بيتفاجئ بالمنظر المرعب الي واقف وراه وبتكون بسمه ووراها رجاله كتير ماسكين في ايديهم حجات اول مره يشوفها 
يتبع