رواية" ابن عمو" ((كاملة حتي الفصل الأخير)) بقلم شهد جاد الله
عايشه لوحدي محدش يعرف عني حاجه ولا اعرف حاجه عن حد
بطلي عبط يا حور خلافات اتحلت وحبيب عمرك وبيحبك عايزه اي تاني بقا
قولتها لنفسي وفتحت موبايلي وبعت ل بابا مسدج قولتلو يقول ل زين على مكاني
وقفلت الموبيل قومت خدت شاور ولبست احلى حاجه عندي وميكب خفيف عملت شعري ب البيبي ليس
كنت بجهز نفسي ل لقائنا باين
انا واثقه انه في الطريق اصلآ
صراع هيجي مش هيجي مش بيحبك نظرته ليها كانت حقيقيه انتي بس صعبتي عليه
ليه صعبت عليه ليه هي اللي المفروض تصعب عليه مش انا
صعبتي عليه لما شافك ضعيفه من غيابه او هو ك راجل مينفعش يبقا ملكش امان للوعد عشان كدا بيحاول يصلح صورته محبكيش.. لو كان حبك مكنش شاف غيرك
قومت طلبت قهوه من عمو اللي واقف ب عربيه غير طاهر البحر وخدت كوبايه ورق فيها قهوتي ورجعت قعدت على الكرسي تاني
شغلت الساوند كلاود على اغنية بتوحشتيني ل وائل جسار
ولسه قلبي وعقلي في صراع مش مبطلين شجار القهوه قربت تخلص الوقت اتأخر ولسه مجاش معقول عقلي يكون بيتكلم صح معقول مش جاي
_ ضي عينك كان مرايتي فيهم حكايتي شفت فيهم فين بدايتي وفين نهايتي مستحيل انا ممكن انسى اي همسه اي كلمه قولتهالي في قلبي لسه
مكنش الساوند كلاود.. كان هو
وقفت وبصيت ورايا كان واقف ماسك الجاكت في إيده وواقف ب تيشرت نص كم عينو منوره مش بتلمع مربي دقنه ملامحه لسه جميله رغم أنها بهتانه..
قالها وقرب للمكان اللي واقفه فيه
_وحشتيني وبحبك ومحبتش غيرك وعايزك معايا الباقي من عمري انا مش إنجاب اني اضيع يوم واحد تاني منكونش مع بعض فيه عايز اقولك كل الكلام الحلو اللي في الدنيا كل الكلام اللي مقولتوش السنين اللي فاتت.. عذبتيني اليومين اللي كنتي غايبه فيهم دول زاي ما يكون خدو من ماء الرجل الأكسجين مبقتش عارف اتنفس ولا عارف اعيش انا بتنفسك يا حور.. صدقيني قلبي مدقش لحد غيرك
بيضحك عليكي متصدقوش هو عايز يبان البطل اللي مستسلمش ل حب
عمره عشان يبقا حاجة تغضب ربنا اللي عليه جربي كدا قوليلو مش عايزك شوفي ردة فعلو
_بس انا مش عايزك يا زين
_يعني اي
_يعني لو انت اخر راجل في الكون مش عايزك
_امم ومعنى كلامك ده اي
_اخر كلام يا حور
_ااه مش عايزك وامشي ولا اقولك انا اللي همشي
قولتها وسيبته ومشيت مستنيه يجي ورايا بس مجاش طلعت الشقه وبرضو مجاش مرنش عليا
يا خربيتي انا اي اللي خلاني امشي ورا عقلي اديه سوحني معنى كدا ان عقلي انتصر على قلبي
مش عايزني وعايز يبان بطل هيروح يقولهم هي مش عايزه ترجع وكدا حكايتنا خلصت ما يحاول تاني هيجرا اي
اتصلت ب صحابي حكتلهم واتهزقت منهم طبعآ
طب اعمل اي انزل ادور عليه واقولو انا كنت بهزر معاك
ونبي يارب خليه يرجعلي مره
