الفهد
على دفعتك وتقدير امتياز تمام جدا وواخده كورسات كتير وكنتى بتنزلى تدريب شركات وانتى بتدرسى هايل شكلك متفوقه وشاطره وعندك طموح
حنين انا كنت بحب دراستى وبحب دايما اكون متفوقه فى الحاجه ال بحبها
عمار تمام يا بشمهندسه ان شاء الله تكونى معانا هنكلمك فى التلفون
خرجت حنين من مكتب عمار وهى بتدعى ربنا انها تقبل فى الشغل وبعدين اتصلت على نور صحبتها تطمنها ال حصل واتفقوا انهم يخرجوا بليل يرحوا المول يشتروا لبس جديد
باك
حنين باست بنتها وبتضحك وقالت يارب يا هموس اقبل فى الشغل وقامت غيرت هدومها وخرجت ل مامتها عشان تجهز معاها الغدا
امل طمنينى يا بنتى عملتى ايه النهارده
حنين تمام يا ماما كانوا مبسوطين من السى فى بتاعى وقالوا ان شاء الله خير
امل ربنا يوفقك يا بنتى
فهد نزل على الغدا هو ويارا وبتهزر مع اخوها على السفره
فريده يارا ياريت تحترمى الاكل وتبطلى هزار
يارا بصتلها وقالت حاضر يا ماما
فريده اسمها مامى فاهمه
فهد خلاص يا فريده هانم متقصدش وبص لخته وغمزلها وضحك ويارا ضحكت هيا كمان
منصور متسبيها برحتها تضحك وتهزر انتى واقفه على كل كلمه كده ليه
منصور بيقول بصوت يشبه الهمس سبتها قال تعلمها الاتكيت الله يرحم جدك كان نفسه يشوف الجبنه الرومى
فهد ويارا سمعوا ابوهم لانهم جمبوا وفضلو يضحكوا من قلبهم ومنصور ضحك معاهم فريده اتغاظت من ضحكهم وقامت وسابت الاكل
على فكره فريده كانت من عيله متوسطه قبل ما تتجوز منصور بس هو حبها واتجوزها وهيا كانت فرحانه بيه لانه من عيله كبيره وهينقلها مستوى اجتماعى اعلى وتعيش حياه كانت بتتمنها بس بعد متجوزها بسنين اكتشف انو مش بيحبهااو بمعنى اصح حبها اختفى من قلبه بسببها لانها مكنتش بتشغل بالها بيه كان كل اهتمامها المظاهر وانها عوزه تبقى من الطبقه الراقيه وفضل منصور عايش معاها عشان فهد ويارا بس لانهم اهم حاجه عنده
يارا بصتله معلش يا فهد سرحت شويه
فهد الواخد عقلك
المهم انا راحه النادى ماتجى معايا
فهد لامش هقدر النهارده تعبان منمتش كويس امبارح وعاوز اطلع اريح شويه عشان خارج مع عمار بليل عاوز يشترى لبس وياخد راى وبعدين هنسهر سوا
يارا سكتت كل ما يجى اسم عمار قلبها كانه هيخرج من مكانه يارا خاڤت يبان عليها حاجه قدام فهد انها بتسرح كل ما تجى سرته وتبقى متلغبطه فاقت بسرعه وحولت الموصوع لضحك خساره يا فهود ده صحابى هيموتوا ويشفوك النهارده اصلك فارس احلامهم
يارا طبعا ما انت فهظ الزينى مفيش اى بنت
بتعجبه نفسى اشوف ال هتخطف قلبك يا فهد
فهد بيبتسم اكيد هتكون مختلفه
يارا يارب نفرح بيك يا قلبى قريب
فهد بعد ما يارا مشيت راحت النادى قعد فى المكتب خلص شويه شغل وقام طلع اوضته ينام شويه عشان يقوم بليل يقابل عمار
حنين خلصت غدا ودخلت هيا وهمس بنتها اوضتها وفضلت تلعب معاها لحد لما ناموا سوا
ياتى اليل على ابطالنا وياله من ليل رائع فى اجمل المدن الاسكندريه يحمل طياته شراره عشق يطلق سهامه فى هذه اليله ليصبح اسير عينيها
يصحى فهد من النوم ياخد شور سريع ويلبس طقم كاجول شيك جدا وينثر برفانه الذى يسكر ونزل يقابل عمار
اما حنين صحيت على رنت حنين للموبيل
نور انتى لسه مصحتيش يا حنون كده هنتاخر وانا عوزه اشترى حاجات كتير
حنين طيب يا نور ١٠ دقايق هقبلك قدام المول روحى انتى وهحصلك على طول
نور تمام هستناكى يا حنون
حنين قامت بسرعه لبست درس شيك هادى ورقيق وسرحت شعرها الحريرى بسرعه ومحتطش ميكب لانها مش محتاجه يدوب ملمع
ونزلت بسرعه عشان تقابل نور ركبت تاكسى راحت على المول ونزلت تشوف نور وصلت ولا لسه
وفى نفس الوقت فهد وقف بعربيته قدام المول ونزل يشوف عمار حنين ماسكه تلفونها بتكلم نور وبتبص عليها فى كل اتجاه ومش مركزه وفهد بيكلم عمار فى التلفون
فهد انت فين يا زفت مش قلت هتسنانى قدام المول
عمار معلش يا كبير قابلت عميل وقاعت معاه فى الكافتريا لحد انت ماتوصل
فهد طيب انا جايلك وهو بيقفل التلفون ومش واخد باله خبط فى حنين وبيقول انا اسف معلش حنين وبترفع وشها تكلمه حصل خير انا كمان مكنتش مركزه
فهد اول ما بص فى عنيها الزيتونيه التى سحرته وكان العالم وقف عند الحظه دى وسرح فى جمال حنين الطبيعى ورقتها فى الكلام
فهد فى ايه
حنين انا بكلم حضرتك وحضرتك مش معايا خالص
فهد انا اسف وبيقول لنفسه ايه الجمال والرقه دى
حنين مفيش مشكله بعد اذنك ومشيت وهو واقف سرحان
فهد فاق ملقهاش قدامه وفضل يبص فى كل اتجاه يشوفها راحت فين عاوز يروح وراها حس انو لقى ال خطفت قلبه بس ملقهاش اختفت من قدامه فاضل يقول لنفسه هو ده حلم اكيد دى حوريه من الجنه ومشى راح ل عمار وهو سرحان فيها دخل الكافتريا وهو مش مركز عمار فضل ينادى عليه وبعدين راحله
عمار مالك يا فهد انا بنادى عليك وانت مش مركز خالص
ال واخد عقلك
فهد حوريه من الجنه ملاك ماشى على الارض
عمار الله الله من امتى فهد الزينى بيقول شعر وبيتغزل فى واحده
فهد سرحان ومش مركز فى كلامه اصلا وقاله انا هروح يا عمار
عمار انت جيت فى ايه وهتروح فى ايه مش هنشترى لبس ونروح نسهر سوا
فهد لا مش عاوز اشوف حاجه ولا عاوز اسمع صوت حد تانى عاوز اخر حاجه اكون شفتها عيونها واجمل حاجه سمعتها صوتها سلام يا عمار ومشى ومستناش عمار يرد عليه
عمار هو ماله ده حصله ايه وراح يشترى ال عاوزه وروح على بيته مسهرش عشان فهد مش معاه
حنين قابلت نور
حنين كل ده تاخير وانتى كنتى بتزعقى فى التلفون
نور معلش ماما اخرتنى شويه
حنين اسكتى مش شفت المهندس فهد صاحب الشركه
نور بجد امتى
حنين دلوقتى خبط فيا بس انا عرفته عشان شوفته الصبح فى الشركه
نور وحصل ايه
حنين اتاسف وخلاص وانا قبلت اعتذاره لانى انا كمان غلطانه ومش مركزه وبتصل بيكى
نور طيب يلا بينا
حنين يارب يا نور اقبل فى الشغل
نور ان شاء الله يا حبيبتى وبعدين ال يشوف عيونك دى لازم يشغلك مديره الشركه مش مهندسه فيها ههههههههه
حنين بتضحك من قلبها ضحكتينى يا نور مش لدرجه دى يعنى دى عيونك انتى ال حلوه عشان كده شايفه كل حاجه حلوه
نور حنين انتى مش صحبتى وبس انتى اختى كمان ربنا ما يحرمنى منك
حنين ولا منك يا حبيبتى يلا نخلص بسرعهةعشان منتاخرش
وفضلت حنين ونور يشتروا لبس وخلصوا وروحوا
فهد اول ما روح غير هدومه ونام على السرير وفضل سرحان فى حوريته التى خطفت قلبه وعقله وكم تمنى ان يراها مره ثانيه واقسم هذه المره ان وجدها لان يتركها حتى تكون ملكه ونام وهو يفكر فيها
روحت حنين دخلت اوضتها وباست بنتها وبتدعى ربنا وبتتمنى حياه جديده كلها خير وربنا يعوضهاخير فى ال جاى
ونامت وهيا حاضنه بنتها
وخلص اليوم على ابطالنا ونبدا يوم جديد
ابطالنايصحى فهدةمن نومه يروح اوضه الجيم الخاصه بيه بيعمل الرياضه بتاعته وهوبيتمرن وسرحان فى الملاك ال شافه امبارح كان هيتجنن ويشوفها تانى وبيندم انو ممشيش وراها امبارح وشافها راحت فين وكم تمنى ان يراها مره ثانيه خلص تمارينه ودخل اوضته ياخد شور ويلبس ويجهز عشان يروح الشركه يخلص كل شغله لانه هيسافر دبى بكره وهو خارج من
الفيلا نادت عليه يارا
يارا فهد استنى خدنى معاك فى طريقك
فهد ماتخلى عم محمد يوصلك
يارا فهود انا متاخره جدا وعم محمد بيمشى براحه جدا وكده مش هلحق المحاضره
فهد ياسلام طول عمرك متاخره ايه الجديد
يارا باستعطاف عشان خاطرى يا فهود
فهد طيب يا لمضه بسرعه
وركبت معاه ووصلها قدام الجامعه وبعدين راح على الشركه
حنين صحيت من النوم باست بنتها وخرجت من الاوضه لقت مامتها فى الصاله
صباح الخير يا ماما
امل صباح النور يا حبيبتى يلا عشان تفطرى
حنين حاضر يا ماما هفطر وانزل اتمشى على البحر شويه حاسه انى عوزه اشم شويه هوا
امل ربنا يريح قلبك وبالك يا بنتى
حنين يارب يا ماما
فطرت حنين ومامتها ودخلت اوضتها تلبس وخرجت ماما يا ماما
امل انا فى البلكونه يا حنين
حنين انا نازله يا ماما خلى بالك من همس لو صحيت وانا شويه وهرجع
امل متقلقيس يا حبيبتى خلى بالك من نفسك بس
خرجت حنين نزلت تتمشى على البحر شويه وبعدين قعدت وفضلت باصه على البحر وسرحانه فى حياتها ال عاشتها مع طلقها جاسر وازاى طلع انسان ندل وخاېن وقدر يمثل الحب عليها ودمرلها حياتها وبتفكر فى مستقبلها وايه ال الدنيا مخبياه ليها وبتدعى من ربنا ان ال جاى يكون احسن
اما فهد دخل شركته بطلته الطاغيه بكل ثقه وغرور يدخل مكتبه ندى عمار وصل
ندى ايوه يا فندم
فهد طيب بلغيه يجيلى وهتيلى القهوه
ندى حاضر يا فندم
عمار صباح الخير يا كبير
فهد سرحان مش بيرد
عمار فهد يافهد رحت فين
فهد ايه يا عمار
عمار انا ال ايه مالك سرحان ليه شكلك مش مظبوط من امبارح اول مره اشوفك كده وسبتنى امبارح فى المول وخلعت وايه الكلام الى قلته ومشيت ده وبيغمزله بعينه
فهد بيتوه فى الكلام عمار اسكت دلوقتى خالص وخلينا نركز فى الشغل انا مسافر بكره دبى
عمار ماشى اهرب براحتك بس برضوا هعرف مالك بظبط
فهد عمار اسكت بقا واسمع ال هقلهولك بظبط
عمار طب براحه قول سامعك
فهد عاملت ايه فى الانترفيو امبارح
عمار كله تمام اخترت ٤ مهندسين كويسين جدا تقدير عالى وخبره وكورسات
فهد تمام مش عاوز اى غلطه يا عمار
فهد بيتكلم وميعرفش ان ال خطفت قلبه من ضمن المهندسين ال اخترهم عمار وكان القدر بيساعده يلاقى من سكنت قلبه وروحه من النظره الاولى ليصبح اسير عينيها
اى غلطه يا عمار انت ال هتبقى مسؤل قدامى
عمار متقلقش انا هكلمهم النهارده على طول واحدد معاهم اجتماع بكره كله هيكون تحت السيطره
فهد كويس جدا وخلى بالك المشروع ال هيشتغلوا عليه لازم يكون مختلف فى الافكار والتصميم انا عاوز ابداع فى المشروع ده
عمار تمام ماشى انت
