الجزء الاول بقلم ماجده بغدادى

إيدك 
نزع يديه بالقوة من على عنق الرجل جلس يشعر بالاڼهيار كيف سيواجه عمه بم سيخبره كيف سيتحمل فكرة غيابها أو احتمال قټلها جلس متكورا يمسك رأسه بيديه ينهار جسده بكل الألم 
ذهب ثلاثتهم لقسم الشرطة ليتابعوا ما وجده الشرطة فأخبرهم الضابط أنهم قد أحكموا القضية وأن نسمة تم القبض عليها في وقت لاحق پتهمة أخرى غير التحريض على حړق المخزن و حتى الآن لم يثبت أنها خطفت نعمة ونصحهم بالرجوع للمنزل ربما خاڤت و ذهبت 
دخلا البيت تتشح ملامحهما بالحزن منكسي رأسيهما بأسى يغلب على وجوههم المتربة يأس و ضيق و بؤس عظيم
كنتوا فين يا ولاد من الصبح 
نظر الاثنان لبعضهما ثم أعادا النظر للأرض وأكملا صمتهما
ما تردوا عليا أنا من ساعة ما رحت ل نهى و أنا معرفش رحتوا فين 
بص يا عمي أنا هحكيلك كل حاجة من أول لما شكينا في مين يكون حړق المخزن الكبير لحد لما رحنا القسم النهاردة 
جلس يحكي كل التفاصيل لعمه ويشاركه في الحكاية علي الذي لا يقل عنه ألما 
طيب حلو أوي كده يبقى خدنا حقنا على الأقل هنصرف بوليصة التأمين طالما الفاعل اتقبض عليه إيه اللي مزعلكم بأه 
أحمد
أصل أصل
علي
ما هو يا بابا بعد ما رحت ل نهى تعمة حاولت تكلمك وتليفونك مقفول فقلقت عليك 
الأب 
طيب وبعد ما قلقت
أحمد 
راحت على الوكالة تسأل علينا 
الأب 
أنتوا هتنقطوني حد فيكم يقول مرة واحدة 
أحمد 
حد في الوكالة قالها إننا في المخزن واداها العنوان وكلمتني من هناك وقام تلفونها سكت مرة واحدة ومن ساعتها مش عارفين نوصلها 
نعمة!!!
أيوة 
أحمد 
ثانية واحدة محدش كان عارف إني رايح المخزن مين في الوكالة اللي قالها 
علي 
يبقى هو ده الجاسوس
الأب 
يعني بنتي مخطۏفة
متقلقش يا عمي
أنا مش هسكت لحد أما أجيبها 
قطع كلامهم دخول نعمة وجهها ملئ بالتراب و ملابسها متسخة و يبدو عليها التعب قاموا إليها فزعين من مظهرها 
كنتي فين يا بنتي 
إيه اللي عمل فيكي كده 
حصل إيه يا نعمة 
ساعتين من القلق والتوتر ساعتين مرتا كعامين متتاليين من انتظار المطر في بلد قاحل جاف ساعتين ولم تتمالك فيهما نعمة أعصابها بعد تحلقوا حولها
في فراشها وهي تجلس محتضنة ركبتيها متكورة على نفسها كقط وليد أعمى أرعبه مغادرة أمه وصوت صبيان الحي 
عاملة إيه دلوقتي يا حبيبتي 
هزت رأسها بنعم برغم الدموع القاهرة التي تكسو عيناها البندقيتان 
حاولي تتكلمي يا بنتي وقوليلنا إيه اللي حصلك وكنتي فين 
نزلت دمعة وحيدة تتهادى على وجنتها وابتلعت ريقتها بصوت بدا لها كانفجار ثم تنحنحت محاولة اصدار صوتها الذي استكان رفضا للخروج وقاومت حتى بدأ صوتها بالبزوغ 
كنت واقفة في الشارع قريب من المخزن بكلم أحمد في التليفون وفجأة لقيت التليفون بيتشد من إيدي وإيدين بتكتفني من ضهري وقبل ما باب العربية الحمرا اللي وقفت قدامي فجأة يتفتح كنت حاسة أني فيه ريحة غريبة وبدأت الدنيا تضلم حواليا وأنا سامعة صوت واحد من بعيد بيقول كنتي بتقولي هنعمل إيه بالمخدر أهو طلعله فايدة عشان بس تبطلي تقوليلي يا فاشل وفضلت نايمة معرفش أد إيه بس سمعت أصوات كتير مش عارفة أميزها سامعة كويس بس مش حاسة بنفسي ومش عارفة أفتح عيني ولا أتكلم افتكرت أني
اتخطفت ففضلت ساكتة يمكن أقدر أفهم حاجة تخليني أتصرف شوية الأصوات بدأت تهدى وسمعت واحدة بتقوله
كلها عندك مش عايزاها تنفع في حاجة 
رد عليها راجل صوته تخين قالها 
أنتي جايبالي مصېبة ! أنا ماليش في الخطڤ والكلام ده عملتلك الأعمال اللي أنتي عايزاها عايزة تموتيها وألا تسيبيها ماليش دعوة خدي البلوى دي من هنا 
ردت عليه 
أنت هتعملي فيها صاحب مبادئ أنت أصلا واحد دجال وبتخدر البنات والستات وتغتصبهم عشان عارف أنهم مش هيقدروا يقولوا لأهاليهم أنهم بيجولك بقولك إيه الشويتين بتوعك دول متعملهمش عليا قول عايز كام وخلصني 
ساعتها افتكرت أن ده صوت نسمة حاولت أفتح عيني وهما مشغولين بالكلام وصوتهم بعد شوية لحد أما بدأت أشوف الأوضة لقيتها أوضة قڈرة مليانة فرو خرفان و جلد تعابين ولمحت تليفون صغير مرمي على الكرسي اللي الراجل كان قاعد عليه خدته وخبيته في هدومي وعملت نايمة شالوني دخلوني في أوضة تانية وهما بيدخلوني من الباب وهما بيدخلوني سمعت صوت واحد بيزعق 
أنتو مودينها فين 
نسمة 
أنت مالك هنوديها في داهية تاخدها خليك في نفسك 
أخليني في نفسي إيه !! دي بتاعتي هو أنا كنت بعمل ده كله عشان في الآخر تيجي أنتي تديها للحيوان ده !
أنت اټجننت يا هاني ! أنت ازاي تتجرأ وتتكلم كده !
أنا أقول اللي عايزه نعمة بتاعتي أنا ولو حد هيلمسها يبقى أنا
خرجوا على باب الأوضة وأن على السرير وبدأ هاني والراجل اللي معاهم يتخانقوا فاستغليت الفرصة واتصلت بالبوليس 
ألو 
أيوة بلاغك إيه يا فندم
الحقوني ناس هنا خاطفيني في بيت واحد دجال هو صاحب التليفون ده
أنتي عارفة العنوان فين 
لأ معرفش جابوني متخدرة من الشارع شمموني بنج هما فاهمين أني لسة متبنجة 
طيب أنتي عارفة حد فيهم 
أيوة فيه هنا واحدة اسمها نسمة بتقوله أنا جبتهالك أنا عارفاها كانت زميلتي وواحد جارنا اسمه هاني
طيب خلي التليفون مفتوح وخبيه كويس ومتخليهمش يعرفوا أنك فوقتي عشان نكسب وقت 
حاضر بس بالله عليكم متتأخروش دول بيتخانقوا مين يغتصبني الأول 
مش هنتأخر حاولي تتماسكي 
خبيت التليفون وسيبته مفتوح و عملت نايمة وأنا سامعاهم بيتخانقوا برا جسمي منمل وحاسة أني همدانة وده كان مخلي شكلي نايم فعلا الخناقة برا زادت و بقوا بيضربوا بعض خفت أوي حاولت أقف ووقفت بصعوبة وأنا رجليا مش شايلاني ولا حاسة بيها بصيت على الأوضة لقيتها دهانها متاكل والرطوبة تقريبا واصلة للسقف عرفت أننا دور أرضي دورت على الشباك لقيته محطوط عليه ورق كارتون مديت إيدي بالراحة شيلته وفتحت الشباك اللي كان لحسن حظي مكسور أصلا بس بيطل على منور جوا البيت مليان حشرات وكراكيب عديت للمنور وظبطت الشباك بالراحة وأنا بشد معاه الكرتون اللي
كان لازق على الشباك بدال الزجاج و نزلت وسط الكراكيب حركتي بطيئة وعنيا بتفتح بالعافية والحشرات بتتنطط قدامي وبدأت تمشي على وشي رجعت من القرف وكنت مړعوپة يسمعوني دورت حواليا لقيت المنور مالهوش باب كله شبابيك بدأت أعيط من يأسي فجأه سمعت صوت بيقول 
بس بسسسس بسسسبسبسس
مين أنت فين ياللي بتبسبس 
أنا فوق بصي فوقك 
بصيت لقيت بنت صغيرة
تعرفي تطلعيني من هنا أرجوكي ھيموتوني 
اسمعي تحت رجلك اقفاص حطيهم فوق بعض وهفتحلك الشباك من السلم بس أوعي تعملي صوت
هزيت راسي وأن دموعي نازلة وبرد بصوت مش طالع 
حاضر حاضر
وفت البنت بوعدها وفتحت الشباك وبدأت تشد فيا عشان تخرجني وأنا برفع نفسي بالعافية و خلاص قربت أخرج من الشباك لقيت الاتنين ووراهم نسمة واقفين قدامي رفعت نسمة ايدها وضربتني بالقلم 
أنتي إيه ! بسبع ارواح! كل أما أعملك مصېبة ألاقيكي تطلعي منها تعالي هنا مش هتمشي أنتي لازم تتدمري لازم أنهيكي
أنا عملتلك إيه دا أنا الوحيدة اللي عاملتك حلو واعتبرتك أختي ليه تتمني دماري 
عشان أنتي عندك كل حاجة أنت اللي الناس بتحبك أنتي اللي ليكي أب بيحاوطك مش أبويا اللي مش عايز يعرف عني حاجة و
خالتك بتديكي حنان مش عايزة من وراكي حاجة مش أمي اللي بتدور هتكسب إيه أكتر من ورايا ومش مهم أبقى كويسة ولا سعيدة لأ و في الآخر خطفتي مني أحمد بعد ما كان هايتجوزني 
أنا مخطفتهوش منك أنتي اللي كنتي بتخطفيه وهو رجعلي كفاية غل ارحمي نفسك وارحميني 
هو أني لسة شفتي غل ! بعد ما عملتلك عمل متخلفيش هخليكي هنا للراجل ده يحضر عليكي الجن ويقدمك للرجالة اللي بيخدموه ببلاش هخليكي مترجعيش بيتكم بمزاجك هاهاهاهاهاها
اتدخل هاني في الكلام 
لا دي بتاعتي و محدش هياخدها مني أنتي والشيخ الزفت بتاعك ده شوفولكم حد غيرها أنا هاخدها وامشي 
أنت اټجننت يا هاني كل شوية تقول بتاعتي هو أنا مش مالية عينك 
دي كانت جوازة نحس كل يوم تفتكريلي سي زفت اللي سابك وراحلها أنتي فاكرة أني اتجوزتك بمزاجي ! لا يا هانم دا كان عقاپي من أخوها عشان عاكستها غوري من وشي
مد يده وصفعها فوقعت على الأرض فنظرت له بغل وفتحت حقيبتها أخرجت منها سکينا صغيرا و طعنته بشده في كتفه وأخرجته لټطعنه ثانية في دخول الشرطة 
أحمد 
ها و بعدين 
بصت ليا وكانت عايزة تطعنني بسرعة قبل ما يمسكوها بس ملحقتش وواحد فيهم مسك إيدها قمت إديتها الأمانة بتاعتها 
أمانة إيه !
القلم اللي ادتهولي أنا ما أكلش حق حد 
ههههههه طيب حصل إيه لما روحتوا القسم 
مش فاكرة حاجة غير أني خدت نفس عميق وسيبت نفسي أقع لأني مكنتش قادرة أحافظ على وعيي أكتر وفوقت في القسم فهمت أن الظابط ميعرفش أني اللي بلغت وأقنعته بالعافية أني مش معاهم وطلعتله التليفون من هدومي اللي بلغت منه لأن البنت اللي كانت بتساعدني هي اللي بلغت وادتهم العنوان لأن مكالمتي معرفوش منها حاجة واضطروا يهملوا البلاغ وبس و جيت 
ضمھا أبوها وهو يبكي 
حمدالله على سلامتك يا حبيبتي ربنا بيحبك و مش هيضرك أبدا عشان أنتي أنضف قلب 
قبلوها جميعهم وانصرفوا واحدا تلو الآخر وبقىأحمد إلى جوارها وضعت رأسها على كتفه لتحيطها ذراعه فتترك وعيها لتتجه لنوم عميق آمن وابتسامة الرضا على فمها تشهد بنهاية موقف عصيب 
تنهد أحمد براحة لقد كادت أنفاسه ټنتحر هما بغيابها ساعات غيابها كانت بطول سنين من الحرمان تعجب ! متى أحبها كل هذا الحب متى تحولت نعمة
من أخت إلى حبيبة و زوجة بمعنى أصدق مت تحول هو وتحول قلبه إلى ذلك العاشق لا يهم ! كل ما يهم الآن أنها عادت إليه سالمة 
تابع أحمد التحقيقات واتهم نسمة بخطڤ زوجته و دعمه الضابط المسئول عن قضية حړق المخزن واقټحام المخزن الجديد في بلاغه ضد نسمة التي وجد والدها عددا ينتظرها من القضايا التي أدينت بها وهي خطڤ و الاشتراك في الدجل وتيسيره و حړق المخزن واقټحام آخر والتحريض عليه وأخيرا محاولة قتل زوجها وشريكها هاني استغل والدها كل هذا و قبل أن يتم وقف تصرفها في أموالها حصل على توكيلها له
ونقل ملكية كل شيء باسمه و أعلم والدتها بزواجه واڼهارت نسمة في الحجز لتتحول لمشفى الأمراض النفسية والعصبية بينما هاني يعاني اصابته بسبب طعنتها والتي تسببت باحداث شلل بذراعه ويواجه عقۏبة السچن للاشتراك في خطڤ أنثى والتحريض على إحراق واقټحام ملكية خاصة وتيسير الدجل قوائم من الاټهامات أصرا على إشراك نجوى وابنتها فيها إلا أن الأم استماتت في الدفاع عن ابنتها وأنها لا تعلم عنها شيئا أصبحت لوزة بمفردها فوالدها لا يعلم عنها شيئا وحتى عندما حاولت اللجوء إليه طردها ولم يقابلها حتى 
شوف مين بيخبط يا