نغم بين العشق والإنتقام للكاتبة سعاد محمد سلامه كاملة

ناوى ترشح نفسك لأنتخابات المجلس الجايه 
ليرد فيصل بثقه بصراحه أنا مش عاوز بس الناس فى الدايره وكمان أصدقاء ليا كبار بيشورو عليا بس أنا لسه مأخدتش قرار 
لتبتسم بنعومه وتقول أنا كنت جايه أتأكد من أنك قررت وكنت هعرض أننا نتعاون مع بعض قصاد المرشحين التانين أنت عارف ان الدايره بتاعتنا بينوب عنها أتنين واحد عمال والتانى فئات 
فبابا هيترشح فئات وأنت تترشح عمال ونساند بعض
ليرد فيصل بدبلوماسيه بصراحه أنا لسه مقررتش الترشح وأكيد يسعدنى أننا نساند بعض فى المصلحه العامه للناس فى دايرتنا 
لتبتسم فجر وتقول أنا سمعت كتير عنك حكايات عن تكوين ثروتك بس أنا بصراحه برجح أن ثروتك دى من ذكائك 

يعنى فى ناس بتقول أن ثروتك من تجاره المخډرات 
وفى أشاعات أنها من تجارة الأثار الى لقيتها فى أحد مزارعك 
ليضحك قائلا أنا مفيش قرش حرام دخل جيبى لأن ببساطه ثروتى دى بتعبى وجهدى من سنين 
أنا حسبتها صح وكمان الحظ مشى معايا وساندنى 
أنا بعد ما خلصت ثانويه عسكريه كنت جايب مجموع كبير يدخلنى أى كليه كويسه بس أنا شغلت عقلى وقولت الكليه مش هتفدنى بحاجه 
وكان ليا زميل فى الثانويه العسكرية أبوه لواء فى الجيش وطلع معاش وأخد حتة أرض صحراويه وبدأ يستصلحها وبصراحه أنا كنت بحب الزراعه وكنت بقرأ كتب كتير من وأنا صغير عن الزراعه الحديثة واساليبها ودخلت معاه شريك هو برأس المال وأنا بالمجهود 
وبدأت أشتغل معاه لحد الأرض دى ما بدأت تزرع وتحصد وأستصلحناها وهو قسمها بينى وبينه بالنص 
بعدها لقيت فرصه تانيه لأرض مش مصطصلحه فبعت نصيبى من الأرض دى وأشتريت الأرض التانيه وطبعا فاض معايا مبلغ كبير صرفت جزء منه فى استصلاح الأرض ولما بدأت تزرع بعتها بتمن أغلى وأشتغلت فى شراء الارض الصحراويه وأستصلاحها 
لحد ما كونت ثروه كبيره أشتريت أكتر من مزرعة فواكه وخضار وعلشان مكنش تحت رحمة التجار أنشأت مصنع للمواد الغذائية زى العصائر والخضروات المجمده وكمان مصنع لأنتاج زيت الزيتون 
ولحد دلوقتى أنا بشتغل مع العمال بنفسى 
لتنظر فجر له بأعجاب قائله فعلا أنت نموذج مشرف لأى شاب مصري مكافح 
ليبتسم فيصل قائلا المكافحين كتير بس صدقيني الحظ ساعات بيبقى العامل الرئيسي للنجاح 
قيراط حظ ولا فدان شطاره
لتنظر له فجر وتبتسم وتقول دا تواضع منك.
بس مش عارفه ليه واحد زيك عايش من غير زوجه فى حياته أنا عرفت أنك متزوج بس محدش عمره شافها ولا حد يعرفها 
ليبتسم بغصه بقلبه قائلا أنا فعلا متزوج بس حصل خلافات بيني وبين زوجتى وهى سافرت فرنسا عند أختها من مده بس منفصلناش عن بعض 
لتنظر له فجر قائلة زواج عن حب 
ليرد فيصل تقدرى تقولى كان زواج عائلى أكتر هى تبقى بنت زوجة والدى وتم الزواج ولما أختلفنا هى سافرت فرنسا 
لتبتسم بأمل يعنى أنت مش بتحبها 
ليبتسم فيصل ويرد بدبلوماسيه مش الحب بس الى بيبنى زواج ناجح فى حاجات تانيه ممكن تكون اهم من الحب زى التفاهم والثقه وتقبل الأخر بعيوبه قبل مميزاته 
لتنظر له بتمنى وهى تبتسم.
بسرايا حافظ غمرى 
دخلت لميس الى غرفة نانى تبتسم لتجدها تقف برداء الاستحمام وتمسك بيدها منشفه تنشف بها شعرها 
لتبتسم وتقول بمزح أنتى مكفكيش الميه الى رشتها عليكي أخدتى شاور تانى 
لتنظر نانى بغيظ وتقول هى كانت ميه بس ولا ميه بطين الى كان أبنى وبنتك بيرمونى بيه دول زى ما يكون ما صدقوا وهاصو فى النص 
لتضحك لميس وكذالك أيضا نانى 
لتجلس لميس على احد المقاعد تقول مش عارفه ليه جدى أتأخر فى العشا أنا جعانه ولما نزلت أطلب أكل الداده قالت أن حافظ بيه بيقول أننا نستناه وهيتعشى معانا الساعه عشره ونص ودا يبقى عشا ولا سحور 
لتضحك نانى وتقول دائما همك على بطنك أنتى متغديه مرتين مره معايا ومره مع بنتك وإنتى بتأكليها كلتى نص أكلها الأ هى فين 
لترد لميس عشيتها ونامت 
لتضحك نانى وتقول وتلاقيكى كلتى معاها
أنا مش عارفه بتودى الأكل دا فين أنا بشم الهوا بتخن أنما أنتى مشاءالله تأكلى زى العرسه تاكل وتنسى 
لترد لميس لأ والله يادوب نقنقت جنبها كده 
لتضحك نانى وتقول خلاص بقى أستنى العشا مع جدك أنا بقى عايزه

أنام أنا هسافر القاهرة من قبل الفجر علشان أوصل على ميعادى مع مدير المؤسسة الاعلاميه أشوف هتفق معاه أننا نشتغل عنده أحنا الاتنين ولو عجبني الاتفاق هتنقل أعيش فى القاهره أنا وأبنى فى شقه خاصه بنا أنا مش عايزة أتقل على حد ومش عايزه حد يقول على أبنى لقيط زى ما تقالى 
لتشعر لميس بحزن وتقول هى الكلمه دى لسه مأثره عليكى يا بنتى أنسى 
لتقول نانى أنا عمرى ما هقدر أنساها بس سيبك منى أنتى هتعملى أيه فى موضوع بنتك 
لترد لميس هتصل على أبوها بكره وهقابله وكلمه بهدوء لو قبل بالتفاهم كان بها لو مقبلش جدى موجود يتصرف معاه 
لتقول نانى أنا مش عارفه عقلك كان فين بكلمتين حب ضحك عليكى 
لترد لميس پألم أنا الى فى ظروفى سهل أنها ينضحك عليها 
لتقول نانى بأستغراب مالها ظروفك 
لتردلميس پألم أنا واحده عندها أعاقه فى رجلها بمشي وأنا بعرج وأكيد أى حد مستحيل يربط حياته بواحده عارجه 
لترد نانى بضيق قولتلك ألف مره أن عرج رجلك مش عيب ولا نقص أنتى واحده أتعرضت لحاډثه وهى صغيره بس سابت لها أثر 
أنت فيكى مميزات يمكن مش فى بنات سلام كفايه جمالك وتكمل بمزح ولا الغمزتين الى فى خدودك دول 
لتضحك لميس وتقول يادى الغمزتين الى عنيكى فيهم بقولك أيه أنتى لو هتعيشي فى القاهره أعملى حسابى معاكى فى الشقه أنا بخاف أقعد لوحدى وبعدين أنتى مش ناويه تقابلى عمك قبل ما تسافرى
لترد نانى لأ مش هعبره هفوت على ماما بس وأنا ماشيه أخد منها أوراق خاصه بيا علشان أسجل ميجو هناو أطلع له شهادة ميلاد مصريه
ظلوا يتحدثون ويمرحون الى أن دخلت عليهن الخادمه تدعوهم للعشاء 
لتقول لميس بمزح أخيرا أنا عصافير بطنى كلت معدتى 
لتضحك نانى لينزلن سويا وهن يضحكن ويتوجهن الى غرفة السفره
كان بداخل غرفة السفره يجلس الجد حافظ ومعه ليلى وزوجها شاهر ومعهم عصام 
عندما دخلن لميس ونانى أنصدمن فهن لم يتوقعن أن يكون معه أحد 
ليأتى من خلفهم من يقول بتهكم مساء الخير 
بس مع الجمع ده أظن مفيش خير 
ليقول الجد حافظ بشده 
كل واحد يشوف له مكان عالسفره ويقعد فيه 
ليبتسم فيصل بسخريه حاضر يا جدى ليجلس على أحد المقاعد ويفرد ظهره بغرور 
كانت النظرات بين المجتمعين على الطاوله نظرات حقد وعذاب وغيظ 
كانت نانى تشعر بضيق من نظرات أحدهم لها التى تشعرها أنها تخترق جسدها كأنها عاريه أمامه 
وكانت لميس تشعر بنظرتان واحده تنظر اليها بأمل وأخرى تشعر هى منها پألم
ليتنهى العشاء الذي كان على بركان قابل للثوران 
ليقول الجد أتفضلوا معايا نشرب القهوه غى غرفه الصالون 
ليدخل الجميع الى غرفة الصالون 
لتقول نانى بأعتذار أنا أسفه أناضيفه على العيله وكمان أنا هسافر القاهرة بدرى فمضطره أستأذن 
ليقول الجد وهو ينظر الى أحدهم أنتى مش ضيفه أنتى حفيدتى زيهم تمام 
لتجلس جوار لميس 
ليقول الجد أنا وصلنى أنك يا فيصل عامل مشاكل مع مصنع الالبان بسبب أن مزرعة المواشى جنب مزرعتك وأنتى بترفض تعطيهم المياه 
ليرد فيصل ببرود والله أنا مش بلاقى الميه علشان أسقيها لحيوانتكم وأسيب أرضى عطشانه 
ليرد عصام طول الوقت كانت مزرعة المواشى بتستمد الميه من المزرعه دى من قبل أنتى متشتريها وكان بينا أتفاق على كده 
ليرد فيصل دا كان مع صاحب المزرعه القديم وكانوفى الرخص كنتوا بتدفعوا قيمه قليله من تمن الميه 
أنما دلوقتى الميه غليت والمفروض تدفعوا قيمة الميه الى بتسحبوها من المعين الموجود بمزرعتى أكتر من النص 
ليرد عصام وبدل ما تجى تتفق معانا قطعت الميه على المواشى ودلوقتي هيشربوا أيه 
ليرد فيصل يشربوا لبن 
لتضحك لميس ونانى
لينظر لهن الجد وهو ويبتسم لكن سرعان ما أخفى بسمته 
ليقول الجد وطلباتك أيه يا فيصل دلوقتى 
ليرد فيصل تدفعوا تمن نسبتكم فى الميه يأما تدخلونى شريك معاكم 
لتنتفض ليلى قائله أنت أكيد أتجننت 
لينظر لها بسخريه قائلا أنا فعلا أتجننت أنى بشرفكم بطلب مشاركتى ليكم أنا وجود أسم العفيفى أكيد يرفع من أسم غمرى 
ليرد عصام ما تنساش أن والدتك بنت حافظ غمرى يعنى الأسم مرتبط بيك 
ليبتسم قائلا أنا لو مش خاطر أمى كان زمانى نهيت عيلة غمرى بس أنا باقى على عضم التربه 
ليقف ويغادر ويتركهم وهو ينظر الى أحداهن بغيظ وشرر ويتوعد لها 
قال الجد بلوم مكنش لازم تتكلمى بطريقتك دى يا ليلى فيصل عنيد ودلوقتي هيبقى صعب التفاهم معاه 
لترد ليلى أنت الى حنين معاه أنا متأكده أنه أشترى المزرعه الى جنب مزرعة المواشى الرئسيه دى مخصوص علشان يضغط علينا ونقبله شريك هو عايز ينتقم للماضي لما بابا كان رافض أن بنت من بنات غمرى تتجوز موظف فقير على قده كلنا عارفين القصه القديمه ولما ڠضبت عليها ونبذتها وهى راحت أتجوزته من وراك بس للأسف تعبت ومكنش أبوه معاه تمن علاجها 
ليرد الجد پغضب جامح ليلى أفهمى معنى كلامك وأخرسى أنتى طول عمرك بتقيمى الناس برصيدها فى البنك مبهمكيش مشاعر الناس وأنا بحذرك أنك تدخلى

فى الموضوع ده وأنا الى هحله وهريح الكل بحل جذرى 
ودلوقتى أنا تعبت وعايز أرتاح كل واحد يشوف طريقه 
لتنظر ليلى اليه بغل وتغادر ومعها زوجها الذى قبل يد الجد وتأسف له من فعلة ليلى
ليقف عصام قائلا أنا أسف يا جدى أنت عارف أن ليلى عصبيه 
ليربت الجد على كتف عصام قائلا أنا عذرها بس لازم تتعلم تتحكم فى عصبيتها وأطمن أنا هتفاهم مع فيصل 
ليميل يقبل يد جده ويتركه مبتسما.
لتقف نانى وتقول أنا هطلع أنام عندى سفر الفجر 
ليرد الجد أنت لسه مصممه تروحى تقعدى بأبنك بعيد عن هنا أنتى مكانك هنا 
لترد نانى لأ يا جدى أنا ماليش هنا مكان أنا دخيله وجه الوقت أنى أبعد عن هنا خالص بس لازم قبل ما مشى أظهر براءة الى أتقتل غدر بكذبه حقيره 
لتتركه وتصعد 
لتظل لميس ليمد يده لها لتقف جواره وتقول وأنا كمان يا جدى هروح معاها 
ليميل يقبل جبهتها قائلا كل واحد هياخد نصيبه من الي مكتوب له متستعجليش يمكن هى الى تفضل هنا 
أنا مش هضغط عليكى وهسيبك لحد ما تجى تحكى لى على كل أسرارك.
لتبتسم له بود وتتركه هى الأخرى وتغادر.
وقف الجد يفكر فيما حدث وصراع أحفاده وغلولهم من بعض ليتخذ قرار من الممكن أن يربطهم ببعض ثانيتا
كان نائما يحلم..
بفجر الفهدى التى تقف بعيدا ترتدى زيا مثيرا تشير له بسبابتها أن يذهب اليها 
ليفتتن بها ويسير بأتجاه وقوفها 
ليصل اليها يميل عليها يقبلها بأشتياق 
ليسمع من خلفه صوت شهقات بكاء 
لينظر إليها ليجدها تنظر